Мектептеги окуучу сабак учурунда. Архив

Билим берүү министри II чейректе балдар кандай тартипте окуй турганын айтты

2927
(жаңыланган 19:11 09.11.2020)
Министр азырынча Бишкек шаарында эпидемиологиялык кырдаал оор болгондуктан, 1-класстын гана окуучулары салттуу режимде окуй турганын билдирди.

БИШКЕК, 9-ноя. — Sputnik. II чейректе мектептер ар бир аймактагы эпидемиологиялык абалга жараша ачылат. Инфекция боюнча кырдаал оор болгон жерлерде окуучулар билим алуусун онлайн режимде улантат. Бул тууралуу Sputnik Кыргызстан маалымат агенттигине билим берүү жана илим министри Алмазбек Бейшеналиев билдирди.

Анын айтымында, мектептерди ачып, салттуу режимде окутуу маселесин Санэпидемкөзөмөл кызматынын жергиликтүү башкармалыгы менен штаб чечет.

"Эпидемиологиялык абал туруктуу делген аймактарда алгач мектепке 1-5-класстын жана 9-11-бүтүрүүчү класстардын окуучулары барат. Эгер абал туруктуу бойдон кала турган болсо, анда 15 күндөн кийин калган класстын окуучуларына мектептен билим алууга акырындык менен уруксат берилет. Мунун баарын жергиликтүү бийлик штаб менен акылдашып чечет", — деди Бейшеналиев.

Ал эми коронавирус көп катталып жаткан аймактарда окуучулар билимди аралыктан алып турушат.

Министр: мектеп директорлорун 5 жылга шайлоо механизми ишке кириши мүмкүн

Министр Бишкек шаарында эпидемиологиялык кырдаал оор болгондугуна байланыштуу мектепке 1-класстар гана барарын, калган окуучулар азырынча билимди онлайн режиминде улантарын кошумчалады.

Белгилей кетсек, мектеп окуучуларынын күзгү каникулу 10-ноябрда аяктап, 11-ноябрда окуу башталат.

2927
Белгилер:
коронавирус, министр, режим, билим, окуучу, мектеп
Тема:
Коронавируска байланыштуу Кыргызстандагы кырдаал (2414)
Тема боюнча
Мектептер 2-ноябрдан 10-ноябрга чейин каникулга тарайт
Македониядагы математика олимпиадасында кыргыз окуучулары 3 медаль алышты
Бейтапты карап жаткан медицина кызматкери. Архив

Соңку бир суткада коронавирус беш адамдын өмүрүн алып кетти

44
(жаңыланган 10:14 27.11.2020)
Учурда өлкөдөгү ооруканаларда COVID-19га чалдыккан 2 875 бейтап жатат. Анын ичинен 115 адамдын абалы өтө оор.

БИШКЕК, 27-ноя. — Sputnik. Кыргызстанда соңку бир сутканын аралыгында коронавирус жуктуруп алган беш адам каза болду. Бул тууралуу Республикалык штаб билдирди.

Оорудан ажал тапкандардын төртөө Бишкек шаарында, бирөө Нарын облусунда.

Пандемия башталгандан бери COVID-19 илдетинен 1 256 кыргызстандык көз жумду.

Мындан сырткары, учурда өлкөдөгү ооруканаларда вирус илештирип алган 2 875 бейтап жатат.

Алардын ичинен:

  • Канааттандырарлык абалда – 53 адам;
  • Орточо оордукта – 1 961;
  • Оор абалда – 746;
  • Өтө оор абалда – 115.

Ал эми 3 698 киши үй шартында дарыгерлердин көзөмөлүндө дарыланууда.

Амбулатордук дарыланууда 3 698 бейтап бар.

44
Белгилер:
Кыргызстан, оорукана, дарылануу, өлүм, коронавирус
Тема:
Коронавируска байланыштуу Кыргызстандагы кырдаал (2414)
Тема боюнча
Сурабалдиева: Россиядан COVID-19га каршы вакцинаны алып келүү графиги даяр
Жуктургандардын көбү Бишкекте жашайт. COVID боюнча жаңы статистика
Лаборатория кызматкери. Архив

Жуктургандардын көбү Бишкекте жашайт. COVID боюнча жаңы статистика

68
(жаңыланган 10:09 27.11.2020)
Оору илештиргендердин саны дагы деле Бишкек шаары менен Чүй облусунда көп болуп жатат. Булардан кийин эле Ысык-Көл облусу турат.

БИШКЕК, 27-ноя. — Sputnik. Өткөн суткада коронавирус 377 кишиден табылып, 402 бейтап ооруну жеңди. Бул тууралуу Республикалык штаб кабарлады.

Жуктургандардын саны дагы деле Бишкек шаары менен Чүй облусунда көп болуп жатат. Булардан кийин эле Ысык-Көл облусу турат.

Жуктургандар:

  • Бишкек шаары – 100;
  • Ош – 8;
  • Чүй облусу – 127;
  • Ош облусу – 26;
  • Талас облусу – 15;
  • Нарын облусу – 13;
  • Ысык-Көл облусу – 36;
  • Жалал-Абад облусу – 22;
  • Баткен облусу – 30.

Айыккандар:

  • Бишкек – 122;
  • Ош шаары – 17;
  • Чүй облусу – 75;
  • Ош облусу – 44;
  • Талас облусу – 11;
  • Нарын облусу – 10;
  • Ысык-Көл облусу – 26;
  • Жалал-Абад облусу – 48;
  • Баткен облусу – 49.

Ушуну менен өлкөдө коронавирус жуктургандардын жалпы саны 71 548 болду. Анын ичинен 62 946 бейтап айыккан. Кечээ дагы беш адам каза таап, оорудан көз жумгандардын саны 1 256га жетти.

Бир сутка ичинде жети медицина кызматкери коронавирус жуктуруп алганы аныкталган.

  • Чүй облусунда – 2;
  • Жалал-Абад облусунда – 2;
  • Баткен облусунда – 3.

Ал эми бир суткада үй карантининен төрт, стационардан төрт медкызматкер чыгарылды.

68
Белгилер:
статистика, коронавирус, Кыргызстан
Тема:
Коронавируска байланыштуу Кыргызстандагы кырдаал (2414)
Тема боюнча
Сурабалдиева: Россиядан COVID-19га каршы вакцинаны алып келүү графиги даяр
Баткенде "Ата-энеңди кооптуу илдеттен сакта" акциясы башталат
Ош шаары. Архив

Эртең менен Ошто жер титиреди

35
Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

БИШКЕК, 27-ноя. — Sputnik. Бүгүн эртең менен Ош облусунда очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлиги КРдин Сейсмология институтуна таянуу менен билдирди.

Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

Жер титирөөдөн жабыркагандар жана кыйроолор катталган жок.

35
Белгилер:
ӨКМ, жер титирөө, Ош облусу, Кыргызстан
Тема боюнча
Кыргызстанда катуу жер титиреди