Бишкек шаарынын мэринин милдетин аткаруучу Балбак Түлөбаев. Архив

Балбак Түлөбаев: той-аштан муниципалдык кызматкерлерди көрсөм, таарынбагыла!

393
(жаңыланган 17:54 10.11.2020)
Мэрдин милдетин аткаруучу жалпы элге кайрылып, той үчүн айылдан шаарга келбей турууну суранды. Түлөбаев тойдон вирусту жугузгандар көп катталып жатканын да белгиледи.

БИШКЕК, 10-ноя. — Sputnik. Муниципалдык кызматкерлердин той-аштарга барганын көрүп-уксам, таарынбагыла! Бул тууралуу Бишкек шаарынын мэринин милдетин аткаруучу Балбак Түлөбаев эпидемиологиялык кырдаал боюнча өткөн жыйын учурунда айтты.

Мэрдин милдетин аткаруучу коронавирус көп учурда той-аштардан тарап жатканын белгиледи.

"Өкмөт жакында мамлекеттик кызматкерлердин той-аштарга баруусуна тыюу салат. Ушул жерден муниципалитеттин кызматкерлерине да эскертип коёюн, кимде-ким болсо да той-аштан көрсөм таарынбагыла! Тойдон ары ошол бойдон жумуштан кете бергиле", — деди мэрдин милдетин аткаруучу.

Түлөбаев ошол эле учурда жалпы элге кайрылып, той үчүн шаарга айылдан келбей турууну суранды.

"Урматтуу калайык, айыл-аймактан келип Бишкекте той өткөрүп, ооруну жугузуп, кайра айылга кетип жатасыңар. Анан ооруп калдым деп кайра жалынасыңар. Күнү-түнү иштеп жаткан дарыгерлерди аяп койбойсуңарбы?", — деди Түлөбаев.

Анын сөзүн вице-премьер Эльвира Сурабалдиева дагы улап, мамлекеттик кызматкерлерди элге үлгү болууга үндөдү.

"Той башында өзүбүз жүрбөй элге үлгү бололу. "Жаныңардагыны тыйып анан бизге акыл айткыла" дегендер чыгып жатат. Учурдан пайдаланып мамлекеттик кызматкерлердин баарын той-ашка барбай коё турууга чакырып кетет элем", — деди Сурабалдиева.

1-класстагылар да. Бишкек, Ош шаарында балдар азырынча онлайн окуйт

Белгилей кетсек, вице-премьер Сурабалдиева шаардык кызматтардын жетекчилери менен жыйын өткөрүүдө. Анда Бишкек шаарындагы эпидемиологиялык кырдаал талкууланып жатат.

393
Белгилер:
эскертүү, жыйын, Эльвира Сурабалдиева, Балбак Түлөбаев, Бишкек
Тема:
Коронавируска байланыштуу Кыргызстандагы кырдаал (2430)
Тема боюнча
COVID-19: өлкөдө абалы оорлошкондор күн сайын көбөйүп жатат
Эльвира Сурабалдиева дары кампасын текшерип, көйгөйлөр тууралуу айтты. Сүрөт
COVID боюнча Бишкектеги абал. Вице-премьер Сурабалдиеванын жыйыны. Видео
Аял кол чатыр менен бара жатат. Архив

Жума күнүнө карата аба ырайы

124
4-декабрга караган түнү республиканын көпчүлүк аймактарында кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 3-дек. — Sputnik. 4-декабрда күндүз өлкөдө суук болуп, жолдор тайгак болот. Бул тууралуу Кыргызгидромет билдирди.

Абанын температурасы Чүй облусунда -2…+3, Ош, Жалал-Абад, Баткен аймактарында 0…+5, Талас жана Нарын өрөөндөрүндө -4…+1, Ысык-Көлдө -1…+4 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда 0…+2, Ош шаарында +3…+5 градус жылыйт.

 

124
Белгилер:
Кыргызстан, декабрь, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Бишкектеги көп кабаттуу үйлөр. Архив

Бишкектин айрым жерлеринде 4-декабрда жарык жок болот. Тизме

90
Жарык борбор калаанын төрт конушу менен ондон ашуун көчөсүндө өчүрүлөт. Монтаждоочу бригада электр тармагынын ишин жакшыртмакчы.

БИШКЕК, 3-дек. — Sputnik. Бишкектин айрым райондорунда эртең, 4-декабрда, электр жарыгы өчүрүлөт. Бул тууралуу "Түндүкэлектр" ишканасы кабарлады.

Жарык жок болот деген жерлер:

  • 9:00дөн 14:00гө чейин — Көк-Жар конушунда (Арстанбап, Кулмурзаев көчөлөрүндө);
  • 9:00дөн 17:00гө чейин — Карасаев жана Юнусалиев көчөлөрүнүн айрым жерлеринде;
  • 9:30дан 17:00гө чейин — Древесная көчөсү менен Эстония тилкесинин кесилишинде;
  • 9:30дан 18:00гө чейин — Кара-Балта, Коммунаров, Жаз көчөлөрүнүн жана Ала-Тоо (Кызыл-Тоо, Ак-Кыя, Камыр Ата көчөлөрүндө), "Арча-Бешик" (Бердибаева, Сулуу-Төр, Садырбаева, Ойсул-Ата көчөлөрүндө), Ак-Босого (Чүй 52 жана 55) жаңы конуштарынын айрым жерлеринде.
90
Белгилер:
көчө, жарык өчүрүү, Бишкек
Тема боюнча
Бишкектеги авариялык өчүрүү боюнча комиссия түзүлүп, ишти иликтемей болду
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

39
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

39
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме