Киши телефон менен отурат. Архив

Телефонго манжанын изин коюп күйгүзүү кооптуубу? Адистин кеңеши

132
Дактилоскопиялык датчик коюлган телефон манжалар кирдеп калса да ачпай коюшу ыктымал. Ал тургай манжанын бир жери тытылып кетсе да киргизбей коет.

БИШКЕК, 11-ноя. — Sputnik. Айрым телефондордун өзүндө эле адамды манжадан тааныган (дактилоскопия) датчиктери болот. Мындай смартфондун ээси аппаратын манжанын изи менен күйгүдөй кылбай эле коюш керек. Бул тууралуу РИА Новости нейротехнология жаатындагы адис Тимур Садыковдун айтканына таянып кабарлады.

Адис белгилегендей, дактилоскопия (манжадан адамды таануу) датчиктери бар техника ансыз деле ээлерине көз салып тура алат. Ага кошуп телефонду манжанын изи менен гана күйгүдөй кылып койбош керек.

"Эгер телефондо аябай маанилүү маалымат болсо, анда сыр сөздү улам  алмаштырып турса болот. Анын үстүнө телефонго оор сыр сөздү жазууга чектөө коюлган эмес. Ага караганда адамдын колунда 10 эле манжа бар. Дактилоскопия датчиктеринде бузулуп калуу коркунучу жогору. Телефон манжалар кирдеп калса да ачпай коюшу ыктымал. Ал тургай манжанын бир жери тытылып кетсе да киргизбей коет", — деген адис.

Кубаттуулугу эң күчтүү смартфон аталды

Садыков оор жана тез алмаштырылып турган сыр сөздү баарынан идеалдуу деп атаган.

132
Белгилер:
датчик, адис, сыр сөз, манжа, телефон
Тема боюнча
Эксперт геолокацияны кимдерге билдирбеш керектигин айтты
Смартфон аркылуу аңдуу болуп жатканын кантип билүүгө болот? Адистин кеңеши
Телефон колдонуп жаткан адам. Архив

Апам менен аялымдын урушунан тажадым. Мигрант болуп кетүүнү көздөгөн жигиттин каты

123
(жаңыланган 19:25 28.11.2020)
"Психолог менен баарлашуу" рубрикасына бул ирет энеси менен аялынын ортосунда чайналган эркектин каты жарыяланды.

Саламатсыздарбы! Мен сиздер аркылуу психологго кайрылууну туура көрдүм. Себеби үйдөгү аба ырайы ошондой болууда. Азыр менден бирөө "эркектер үчүн үйдөгү эң кыйын маселе эмне?" деп сураса багып өстүргөн алтындай энең менен сүйүктүү жубайыңдын тил табыша албагандыгы деп айтар элем. Муну угуп кээ бир жолдошторум мыйыгынан күлөт чыгар. Мен деле буга чейин бул үй-бүлөлүк олуттуу маселе экенин этибар албапмын. Бойдок кезде "келинчегим апама сүйлөсө жолуна салам" дечүмүн. Көрсө ажырашып кетүү менен эле баары бүтүп калбайт экен.

Өзүм үйдүн жалгыз уулумун. Эжем турмушка чыгып кеткен. Өзүмдүн бир кыз, бир уулум бар. Келинчегим балдар менен үйдө. Апам деле эки күндө бир нөөмөттүк жумушка чыгып турат.

Үйдөгү эки жакын адамым, энем менен жубайымдын бири-бирине жасаган мамилесинен тажап бүттүм. Кээде апама болушуп келинчегимди катуу урушуп салам. Андайда ал ыйлап, буркулдап кыялын көрсөтөт. Апамды тыйсам, ал киши да ыйлап, ар нерсени айтып зээнди кейитет. Эмне кыларды билбей деле калдым. Ажыраша да албайм. Экинчисин алсам ушул эле кырдаал кайталансачы? Эки баламдын тагдыры эмне болот? Өгөйлөнүп кор болору турган иш. Келинчегимди жакшы көрөм. Апам да биздин жакшылыгыбызды көрөйүн деп ушул эрезеге жеткирди. Келинчегим үй оокатынын баарын кылат, балдарды карайт. Бирок апамды көрсө эле кабагы бүркөлүп, жаман көрөрү билинип калат. Мага бул оор тиет. Апам деле неберелерин ойнотот, татынакай эле жүрөт. Бирок келинчегимдин оокат кылганын, кээ бир мүнөздөрүн жактырбай бетине айтып салат. Ошентип экөөнүн урушу башталат. Ортодо мен да беймаза болом.

Бир жылча чет жакта иштеп келсемби деп жатам. Сабак болобу деп ойлойм. Чынында үйгө келгим келбей калды. Дагы башка кандай аргам бар?

Саадат Сыдыкова, психолог:

—"Массалык психология жана адамдын "Менине" (Я) анализ жасоо" ишинде Фрейд белгилүү философ Артур Шопенгауэр айткан уламышты мисал кылат. Уламыш боюнча баш калкалоочу жайы жок бир нече жапайы жандык суукта калат. Алар бири-бирине жакын, жабышып, бири-бирин жылытууну каалайт. Бирок анткен сайын ортодогу абал мурункудан да кыйындайт. Себеби бирөөлөрүнүн ийнелери экинчилеринин терисин тешип кетип же мүйүзү тоскоолдук жаратып кыйналышат. Алар канчалык жакшылык кааласа да анысы, тескерисинче, жамандык алып келе берет. Акыры тажаган жапайы жандыктар өз алдынча аракет кылып, жашоо менен күрөшүүгө өтүшөт.

Тилекке каршы, турмушта да кээде эң жакын, кыйышпас адамдарыбыз жашообузду кыйындатып, оор кырдаалга кептеп коёт. Каттын ээси да эки аялдын ортосунда жабыр тартууда. Бирок үйдөгү эки айым тең сизди абдан жакшы көрүшөт. Кыйышпас жакын адамдарыңыз. Бул жерде ич ара конструктивдүү диалогго келүүнүн зарылчылыгы бар.

Бирок апаңыз менен келинчегиңиз сиз менен гана мамиле түзүп, башкача айтканда, "диаданы" (эки кишинин мамилеси) көздөп жатышат. Негизинен энелер баласын төрөлгөндө эле психологиялык жактан өз алдынча бөлүп коюшу керек. Баланы бешикке бөлгөндөй эле эмоционалдык жактан өз алдынча коюу зарыл.

Ушундай оор кырдаалда кат менен кайрылган мырзанын баарынан качып, алыска кетип калууну көздөгөнү өкүнүчтүү. Тилекке каршы, мындай жол менен үй-бүлөнүн пайдубалы урап калышы мүмкүн. Биз талкаланып калган көп эле үй-бүлөлөрдүн тагдырына күбө болуп жүрбөйлүбү. Ошондуктан кайнене менен келин үйдөгү мамилени жана абалды жөнгө салуу жагын карашы керек. Антпесе алар жакын адамынын эмоциялык туруктуулугун талкалап салат.

123
Белгилер:
үй бүлө, апа, эркек, аял, психолог
Тема:
Психолог менен баарлашуу
Тема боюнча
Ата-энем балалуу аял алышыма каршы чыгып, айлам кетти. Жесил эркектин каты
Бетиме пластикалык операция жасаткам, жигитим билип калабы деп корком. Кыздын каты
Тыгында турган унаалар. Архив

Боом капчыгайында жол кырсыгы болуп, тыгын жаралды. Видео

348
Жол кыймылынын коопсуздугун камсыздоо башкармалыгы кырсыкка кабылган унаалар жайкы дөңгөлөк менен жүргөнүн билдирди.

БИШКЕК, 28-ноя. — Sputnik. Боом капчыгайында жол кырсыгы болуп, автоунаа тыгыны жаралды. Бул тууралуу Чүй облустук жол кыймылынын коопсуздугун камсыздоо башкармалыгынын маалымат кызматы билдирди.

Окуя бүгүн күндүз болгон. ЖКККБнын маалыматына ылайык, эки айдоочу рулду башкара албай калып, унаалары ортодогу тосмону (парапет) сүзгөн.

"Жол кырсыгынан улам тыгын пайда болду. Жеринде биздин кызматкерлер иш алып барып жатат. Эки айдоочу да жайкы дөңгөлөк менен жүргөн экен", — деп айтылат маалыматта.

Кырсыктын видеосун "Короче" Telegram-каналы жарыялады. Анда парапетти сүзгөн бир гана унаа тартылган. 

ЖКККБнын регионалдык бөлүмү айдоочуларды тоолуу жолдордо тийиштүү ылдамдыкты жана автоунаалардын арасындагы 500 метр аралыкты сактоого чакырат.

348
Белгилер:
тыгын, жол кырсык, Боом капчыгайы
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкектин четинде эл ташыган маршрутка оодарылып калды. Видео
Алтын куймалары. Архив

Мурдагы чекист кармалды. УКМК алтын аткезчилиги боюнча иштин чоо-жайын атты

43
(жаңыланган 19:36 28.11.2020)
Дүйшөнбек Чоткараев 2016-2018-жылдары УКМКга Абдил Сегизбаев төрага болуп турган кезде анын орун басары болуп Коррупцияга каршы кызматты жетектеген.

БИШКЕК, 28-ноя. — Sputnik. Алтын аткезчилиги боюнча УКМКнын төрагасынын мурдагы орун басары Дүйшөнбек Чоткараев кармалып, күбө катары сурак берди. Бул тууралуу аталган комитеттен билдиришти.

Ошондой эле ведомство президенттикке талапкер Абдил Сегизбаевдин бул иш боюнча пикирине өз позициясын билдирди. Буга чейин Сегизбаев анын штабын координациялап жаткан Чоткараевди кармоо менен өзүнө саясий басым жасалып жатканын айткан.

Эске салсак, Дүйшөнбек Чоткараев 2016-2018-жылдары Абдил Сегизбаев УКМКнын төрагасы кезинде анын орун басары болуп Коррупцияга каршы кызматты жетектеген.

"Өткөн жылдын март айында Аскер прокуратурасы УКМКнын айрым кызматкерлеринин катыштыгы бар делген алтын аткезчилиги боюнча ишти тергей баштаган. 2017-жылы УКМК кызматкерлери мыйзамсыз түрдө өлкөгө алып кирилген 22 килограмм зер буюмдарды таап алган. Анда УКМКнын жетекчилиги ишти токтотуп, буюмдарды кайтарып берүү чечимин кабыл алган", — деп айтылат билдирүүдө.

Маалыматка караганда, кийин бардык далилдер табылып, аткезчилик кылган тараптар жоопко тартылган.

"Алар күнөөсүн мойнуна алып, мамлекетке келтирилген 6 миллион сом чыгымдын ордун толтуруп беришкен", — деп айтышты УКМКдан.

Тергөө тобу азыр ишке тиешеси барларды аныктап жатат. Бул иштин алкагында УКМКнын дагы бир мурдагы кызматкери кармалган. Маалымат кызматтан аткезчилик менен келген жүктү кармоодо куратор болгон деп айтылган Чоткараев күбө катары суракка алынды.

Маалыматка караганда, тергөөнүн жыйынтыгы менен УКМКнын мурдагы жетекчилигинин аракеттерине укуктук баа берилет.

43
Белгилер:
Дүйшөнбек Чоткараев, кылмыш, УКМК
Тема боюнча
Чай ичкиле дешкен. УКМК Матраимовдун өкүл баласынын айыптоосуна үн катты
Уюшкан кылмыштуу топтун эки мүчөсүн кармаган видео жарыяланды