Бишкектеги күндүзгү стационар. Архив

Вице-премьер Сурабалдиева: күндүзгү стационарлар азырынча ачылбайт

67
Вице-премьер Сурабалдиева ыктыярчылардын сунушу менен Октябрь районунда бейтаптарды ооруканага бөлүштүргөн борбор уюштурула турганын белгиледи.

БИШКЕК, 11-ноя. — Sputnik. Өлкөдө азырынча күндүзгү стационарлар иштебейт. Бул тууралуу вице-премьер Эльвира Сурабалдиева мэриядагы жыйында билдирди.

Анын айтымында, коронавирус болгон бейтаптарга медициналык жардам көрсөтүү үчүн эки оорукана даярдалып жатат.

"Күндүзгү стационарлар боюнча бир топ талаш-тартыш маселе жаралды. Азыр бейтаптарды жаткыруу үчүн №1 клиникалык оорукананы даярдап жатабыз. Ал жакта орун толгондон кийин 6-ооруканага жаткырылат. Мындан тышкары, ыктыярчылардын сунушу менен Октябрь районунда бейтаптарды бөлүштүргөн борбор уюштурулат. Мобилдик топтор, ыктыярчылар ооругандарды ошол борборго алып келет дагы, андан кийин ооруканаларга бөлүштүрүлөт", — деди Сурабалдиева.

Вице-премьер эгер бейтаптардын саны көбөйүп кетсе, анда мектептерде даярдалган күндүзгү стационарлар ачыла турганын белгиледи.

Министрлик коронавирусту дарылаган стационарлардын картасын жарыялады

Мэрдин милдетин аткаруучу Балбак Түлөбаев күндүзгү стационарлардын баары жылууланып, бейтаптарды кабыл алууга даяр экенин кошумчалады.

67
Белгилер:
стационар, вице-премьер-министр, Эльвира Сурабалдиева
Тема:
Коронавируска байланыштуу Кыргызстандагы кырдаал (2429)
Тема боюнча
Балбак Түлөбаев: той-аштан муниципалдык кызматкерлерди көрсөм, таарынбагыла!
COVID боюнча Бишкектеги абал. Вице-премьер Сурабалдиеванын жыйыны. Видео
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

12
(жаңыланган 20:31 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 3-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

12
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты
Президенттин милдетин аткаруучу Талант Мамытов

Талант Мамытов ЖККУ лидерлерине президенттик шайлоо таза өтөрүн убадалады

40
(жаңыланган 19:04 02.12.2020)
Мамытовдун айтымында, бүгүн Кыргызстанда коомдук-саясий кырдаал толугу менен турукташты жана Кыргызстан эл аралык милдеттерин, эки жана көп тараптуу келишимдерди толугу менен аткарууга даяр.

БИШКЕК, 2-дек. — Sputnik. Кыргызстандын бардык мамлекеттик органдары президенттик шайлоонун таза өтүшүнө колдон келген салымын кошот. Бул тууралуу президенттин милдетин аткаруучу Талант Мамытов ЖККУ саммитинде айтты.

"Кесиптештерим ансыз деле таза шайлоонун канчалык маанилүү экенин түшүнүп турушат. Бүгүн биз 4-октябрдагы парламенттик шайлоодогу каталарды кайталабаш үчүн туура багытты тандашыбыз керек", — деди Мамытов.

Анын айтымында, бүгүн Кыргызстанда коомдук-саясий кырдаал толугу менен турукташты, Кыргызстан эл аралык милдеттерин, эки жана көп тараптуу келишимдерди толугу менен аткарууга даяр.

"10-январда президенттик шайлоо өтөт. Анда Кыргызстандын бардык мамлекеттик органдары президенттик шайлоонун таза өтүшүнө колдон келген салымын кошот деп ишендирип койгум келет. Бул өлкөдөгү мындан аркы туруктуулукка маанилүү кадам болуп эсептелет", — деди өлкө башчынын милдетин аткаруучу.

Ошондой эле ал ЖККУ мамлекеттеринин лидерлерине 5-6-октябрдагы окуяларды түшүнүү менен кабыл алып, колдоо көрсөткөндүгү үчүн ыраазычылык билдирди. 

40
Белгилер:
президенттик шайлоо, Талант Мамытов, ЖККУ, Кыргызстан
Тема:
Кыргызстандагы президенттик шайлоо – 2021
Тема боюнча
Талант Мамытовдун Россияга иш сапары үч күнгө созулат