Мамлекет башчынын милдетин аткаруучу жана премьер-министр Садыр Жапаров. Архивдик сүрөт

Садыр Жапаровдун маалымат жыйынын чагылдырууга 148 журналист катталды

106
(жаңыланган 09:55 12.11.2020)
Маалымат жыйыны КТРК жана башка республикалык телеканалдар аркылуу түз эфирден көрсөтүлөрү айтылды.

БИШКЕК, 12-ноя. — Sputnik. Мамлекет башчынын милдетин аткаруучу жана премьер-министр Садыр Жапаров ЖМКлар үчүн маалымат жыйынын өткөрөт. Бул тууралуу президенттин аппаратынан кабарлашты.

Билдирмеге ылайык, журналисттер менен жолугушуу бүгүн, 12-ноябрда, өтөт. Ага республикалык жана чет өлкөлүк 86 ЖМКдан 148 журналист катталган.

Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты

Маалымат жыйыны КТРК жана башка республикалык телеканалдар аркылуу түз эфирден көрсөтүлөрү айтылды.

106
Белгилер:
каттоо, маалымат жыйын, журналист, ЖМК, Садыр Жапаров
Тема боюнча
Садыр Жапаров 12-ноябрда жыйынтыктоочу маалымат жыйынын өткөрөт
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты
Садыр Жапаровдун тарапташтары митинг учурунда. Архив

УКМК Жапаровдун тарапташтары коркутуп жатат делген маалыматка көңүл бурду

11
(жаңыланган 15:34 28.11.2020)
Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары конституциялык реформага каршы пикирин айткан коомдук ишмерлерди коркутуп жатышат.

БИШКЕК, 28-ноя. — Sputnik. Улуттук коопсуздук боюнча мамлекеттик комитет президенттикке талапкер Садыр Жапаровдун тарапташтары делген адамдар тарабынан коркутуп-үркүтүүлөр болуп жатат деген маалыматка реакция кылды.

Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары Конституциялык реформага каршы пикирин айткан коомдук ишмерлерди коркутуп жатышат. Активисттер мындай фактыларды жаздырып алып, укук коргоо органдарына кайрылууга чакырышкан.

"УКМК өлкөдөгү тынчтык жана туруктуулукту сактоо үчүн бардык тараптарды кызматташууга чакырат. Ал үчүн кандайдыр бир коркутууга дуушар болгондор далили менен укук коргоо органдарына кайрылуусу керек. Комитет чагымчылдык маалыматтарды тараткан жарандар мыйзам чегинде жооп берерин эскертет", — деп айтылат билдирүүдө.

Мындан тышкары, УКМК президенттикке талапкер болууга аракет кылып, бирок соттуулугу жоюлбагандыгы үчүн документтери кайтарылган Бектур Асановдун билдирүүсүнө баа берди.

Анда "Асанов эмоцияга алдырып, социалдык тармактын айрым колдонуучуларынын беделине шек келтирди, бул үчүн жоопкерчилиги каралышы мүмкүн" деп жазылган.

11
Белгилер:
пикир, билдирүү, УКМК, Садыр Жапаров, Кыргызстан
Тема боюнча
УКМК төрагасынын мурдагы орун басары алтын аткезчилиги боюнча суракка чакырылды
Жолдогу автоунаа. Архив

Кардын калыңдыгы 15 сантиметрге жетти. Министрлик жолдогу абал тууралуу

59
Мекеме айдоочуларды унаалардын дөңгөлөгүн кышкысына алмаштырууга жана каршы тилкеге чыгып, жол тыгынын жаратпоого чакырат.

БИШКЕК, 28-ноя. — Sputnik. Бишкек — Ош жолунда кардын калыңдыгы 10-15 сантиметрге жетти. Буга байланыштуу Транспорт жана жолдор министрлиги аба ырайынын шарттарына байланыштуу жолдордогу абал тууралуу маалымат берди.

  • Ситуация на трассах Кыргызстана из-за ухудшения погоды и снегопада
    Бишкек — Ош жолунда кардын калыңдыгы 10-15 сантиметрге жетти
    © Фото / пресс-служба Министерства транспорта и дорог
  • Ситуация на трассах Кыргызстана из-за ухудшения погоды и снегопада
    Учурда жолчулар Төө-Ашуу, Ала-Бел жана Көк-Бел ашууларындагы трассаларга инерттүү материалдарды сээп, жолдорду тазалап жатышат. Бишкек — Ош жана Талас — Суусамыр автожолдору ачык, тыгын жок.
    © Фото / пресс-служба Министерства транспорта и дорог
1 / 2
© Фото / пресс-служба Министерства транспорта и дорог
Бишкек — Ош жолунда кардын калыңдыгы 10-15 сантиметрге жетти

Өзгөчө кырдаалдар министрлиги буга чейин шашылыш билдирүү тараткан.

Учурда жолчулар Төө-Ашуу, Ала-Бел жана Көк-Бел ашууларындагы трассаларга инерттүү материалдарды сээп, жолдорду тазалап жатышат. Бишкек — Ош жана Талас — Суусамыр автожолдору ачык, тыгын жок.

Бороонго карабастан Долон (Бишкек — Нарын — Торугарт) жана Чапчыма (Ала-Бука — Каныш-Кыя — Кировка) ашууларынын тайгак участкаларына да атайын каражаттарды себүү иштери жүргүзүлүп жатат.

Транспорт жана жолдор министрлиги айдоочуларга жайкы дөңгөлөк менен жолго чыкпоого, трассаларда сак болуп, унаалардын арасындагы 500 метр аралыкты сактоого чакырат.

Мындан сырткары, тыгындарды пайда кылбаш үчүн каршы тилкеге чыкпоо эскертилди.

59
Белгилер:
Кыргызстан, Транспорт жана жолдор министрлиги, тазалоо, кар
Тема боюнча
Бишкек – Ош жолунда жүк ташуучу унаалар үчүн чектөө киргизилди
Мушкер. Архив

ММА мушкери атаандашын башка тээп нокаутка түшүргөн видео

0
(жаңыланган 15:42 28.11.2020)
Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

БИШКЕК, 28-ноя. — Sputnik. Польшалык ММА мушкери Камиль Онищук атаандашын сулата тээп бүк түшүрдү. Мындай кызыктуу учурду ACA MMA уюму өзүнүн Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Польшанын Лодзе шаарында өткөн ACA 114 мелдешинде Камиль Онищук жердеши Кристиан Бельски менен кез келип, тик турган абалда анын баш тушуна тээп кулаткан.

Беттештин алгачкы мүнөттөрүндөгү Бельскинин үстөмдүгүнө карабастан Онищук үчүнчү раундда сол буту менен катуу тепкен. Бул соккуга даяр эмес болгон Бельски тик турган жеринен канваска кулаган.

Калыс заматта беттешти токтотуп, жеңишти Камиль Онищукка ыйгарган. Промоушен да анын нокаутун баалап, бонус берген.

Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

0
Белгилер:
ММА, нокаут, беттешүү
Тема боюнча
Валентина Шевченко каршылашы Майяны токмоктоп чемпиондук наамын сактап калды. Видео
Ай-буйга келтирбей, үч секундада жыга чапты. АКШдагы беттештин видеосу