Билим берүү жана илим министрлиги Түркиянын Маариф фонду менен келишим коюу учурунда

Түркиялык фонд КРде билим берүү мекемелерин курат. Келишимге кол коюлду

236
(жаңыланган 20:13 12.11.2020)
"Маариф" фонду ар мамлекетте бала бакча, мектеп, университет ачып, билим берүү жаатында ишмердигин жүргүзөт. Учурда анын 40 мамлекетте билим берүү мекемелери бар.

БИШКЕК, 12-ноя. — Sputnik. Түркиянын "Маариф" фонду Кыргызстанга жеке менчик билим берүү уюмдарын курат. Келишимге Билим берүү жана илим министрлиги менен аталган фонддун жетекчилиги кол коюшканын ТИМдин маалымат кызматы кабарлады.

Билдирмеге ылайык, келишимге кол коюу иш-чарасы тышкы иштер министри Руслан Казакбаевдин Түркияга жасаган иш-сапарынын алкагында болгон.

"Бул долбоор эки жылдан бери өлкө ичиндеги макулдашуу процедураларынан өтүп, аны эки мамлекеттин тиешелүү министрликтери менен ведомстволору дыкат карап чыгышкан. Келишимдин негизинде эми жаңы билим берүү жайлары курулуп, мектепке чейинки мекемелерде, мектепте жана ЖОЖдо сапаттуу орто жана жогорку билим алууга мүмкүнчүлүк түзүлөт", — деп айтылат маалыматта.

Балдардын тамагын жакшыртуу боюнча расмий портал иштей баштады

"Маариф" фонду Түркияда 2016-жылы 17-июнда түзүлгөн. Ал өлкөнүн Билим берүү министрлигине баш ийбестен Түркиянын атынан билим берүү мекемелерин ача алган жалгыз уюм болуп саналат. Фонддун расмий сайтындагы маалыматка ылайык, мекеме пайда көрүү максатын көздөбөйт. Ар мамлекетте бала бакча, мектеп, университет ачып, билим берүү жаатында ишмердигин жүргүзөт. Учурда 40 мамлекетте билим берүү мекемелери бар.

236
Белгилер:
курулуш, мекеме, билим берүү, "Маариф" фонду, Түркия, Кыргызстан
Тема боюнча
Түркия Кыргызстанга аскердик унаа менен керектүү буюмдарды берди. Сүрөт
Азык-түлүк. Архив

Өлкөдө жыл башынан бери кымбаттаган жана арзандаган азыктардын тизмеси

5
Өлкөдө былтыркы жылга салыштырмалуу тамак-аш азыктарынын жана алкоголсуз суусундуктардын баасы 9,6 пайызга жогорулады.

БИШКЕК, 25-ноя. — Sputnik. Жыл башынан бери Кыргызстанда кумшекер жана өсүмдүк майы бир топ кымбаттады. Бул тууралуу Улуттук статистика комитетинен билдиришти.

Негизи эле былтыркы жылга салыштырмалуу тамак-аш азыктарынын жана алкоголсуз суусундуктардын баалары 9,6 пайызга жогорулаган.

Баасы көтөрүлгөн азык-түлүктөр:

  • сарымсак — 1,6 эсеге;
  • кумшекер — 27,4 пайызга;
  • өсүмдүк майы — 25 пайызга;
  • жаңы бышкан жемиштер — 16,9 пайызга;
  • гречка акшагы — 16 пайызга;
  • эт — 15,9 пайызга;
  • ун — 15,6 пайызга;
  • картошка — 15,1 пайызга;
  • макарон азыктары — 15 пайызга;
  • жумуртка — 7,1 пайызга;
  • бал — 5,8 пайызга;
  • алкоголсуз суусундуктар — 5,3 пайызга;
  • күрүч — 4 пайызга.

Анткен менен баасы арзандаган азыктар дагы бар. Мисалы, айрым сүт азыктары, жер-жемиштер, балык жана таруунун баасы төмөндөгөн.

5
Белгилер:
статистика, баа, тамак-аш, Кыргызстан
Тема боюнча
Кыргызстанда ашыкча салмак менен эркектер көбүрөөк жабыркайт. Статистика
Бийлик Кыргызстанда эттин кымбаттап кеткен себебин айтты
Көчөдө беткап кийип бараткан кишилер. Архивдик сүрөт

Адис: коронавирус сасык тумоо менен грипптин катарына кошулуп келе жатат

12
"Роспотребнадзор" мекемесинин башчысы Анна Попова COVID эми жыл сайын суук түшкөн маалда келе берет деп божомолдоодо.

БИШКЕК, 25-ноя. — Sputnik. Коронавирус акырындык менен грипп, сасык тумоо сыяктуу сезондук инфекциялардын катарына кошулуп бара жатат. Бул тууралуу "Роспотребнадзор" мекемесинин башчысы Анна Поповага шилтеме берип РИА Новости жазды. 

"COVID-19 башка вирустардай эле сезондук инфекцияга айланып бара жатат. Менимче, ал жыл сайын күн сууктаган маалда активдешет", — деди Попова.

Ал ортодо Дүйнөлүк саламаттык сактоо уюму 2021-жылдын башында Европада коронавирустун үчүнчү толкуну боюнча коркунуч бар экенин эскертти.

Дүйнө жүзү боюнча алсак, коронавирус жуктургандардын саны 60 миллионго чукулдап калды. Бейтаптардын саны боюнча алдыңкы орундарда АКШ (12,5 миллион), Индия (9 миллион) жана Бразилия (6 миллион) мамлекеттери келе жатат.

12
Белгилер:
сасык тумоо, грипп, коронавирус, Дүйнө
Тема:
Дүйнөгө жайылган коронавирус
Тема боюнча
Сагыз чайнаба, тамак ичпе! Коронавируска тест тапшырарда билип алчу эрежелер