Медициналык кызматкер ооруканада

Коронавирус жуктурган медиктердин саны кескин көбөйүп кетти. Статистика

43
(жаңыланган 11:37 13.11.2020)
Өткөн суткада коронавирус беш облустун медиктеринен табылган. Республика боюнча жалпысынан COVID-19 диагнозу менен медицина кызматкерлеринин арасында 3 677 учур катталды.

БИШКЕК, 13-ноя. — Sputnik. Кечээтен бери өлкөдө 15 медицина кызматкеринен коронавирус табылган. Бул тууралуу Республикалык штабдан маалымдады.

Билдирмеге ылайык, бир суткада беш облустун медиктерине COVID-19 диагнозу коюлган.

Бир суткада коронавирус табылган медиктер:

  • Баткен облусунда – 4;
  • Бишкек шаарында – 5;
  • Чүй облусунда – 1;
  • Жалал-Абад облусунда – 2;
  • Ысык-Көл облусунда – 3.

Буга чейин ооруну жуктуруп алган ак халатчандардын ичинен тогуз медик айыгып, үйлөрүнө чыгарылганы айтылды.

Бишкек менен Жалал-Абадда көп. Бир суткада коронавирус 567 адамдан табылды

Республика боюнча жалпысынан COVID-19 диагнозу менен медицина кызматкерлеринин арасында 3 677 учур катталды, андан 3 473 ак халатчан дартты жеңди.

43
Белгилер:
бейтап, оору, медик, коронавирус, Кыргызстан
Тема:
Кыргызстандагы коронавирус жуктуруп алгандар (1449)
Тема боюнча
Кыргызстанда коронавирус дагы эки кишинин өмүрүн алды
Бишкек — Ош жолунун 80-чакырымындагы Сосновка постунда Өзгөчө кырдаалдар министрлиги тарабынан атайын жылынуучу жайлар уюштурулду

ӨКМ жолдордо жылынуучу пунктуларды уюштурду. Сүрөт

12
Пунктуларда кан жолдогу чукул кырдаалдар, көп сааттык тыгындар учурунда айдоочулардын, жүргүнчүлөрдүн тамактануусу жана жылынышы үчүн шарт түзүлгөн.

БИШКЕК, 28-ноя. — Sputnik. Бишкек — Ош жолунун 80-чакырымындагы Сосновка постунда Өзгөчө кырдаалдар министрлиги тарабынан атайын жылынуучу жайлар уюштурулду. Бул тууралуу ӨКМдин маалымат кызматы кабарлады.

  •  На посту Сосновка по трассе Бишкек — Ош установили пункты обогрева
    Бишкек — Ош жолунун 80-чакырымындагы Сосновка постунда Өзгөчө кырдаалдар министрлиги тарабынан атайын жылынуучу жайлар уюштурулду
    © Фото / пресс-служба МЧС
  •  На посту Сосновка по трассе Бишкек — Ош установили пункты обогрева
    Пунктуларда кан жолдогу чукул кырдаалдарда, көп сааттык тыгындар учурунда айдоочулардын, жүргүнчүлөрдүн тамактануусу жана жылынышы үчүн шарттар каралган
    © Фото / пресс-служба МЧС
  •  На посту Сосновка по трассе Бишкек — Ош установили пункты обогрева
    Буга чейин ашууларда кар калыңдап, 15 сантиметрден ашканын, трассанын тайгак жерлерине тиешелүү каражаттар себилип жатканын Транспорт жана жолдор министрлиги билдирген.
    © Фото / пресс-служба МЧС
1 / 3
© Фото / пресс-служба МЧС
Бишкек — Ош жолунун 80-чакырымындагы Сосновка постунда Өзгөчө кырдаалдар министрлиги тарабынан атайын жылынуучу жайлар уюштурулду

Пунктуларда кан жолдогу чукул кырдаалдарда, көп сааттык тыгындар учурунда айдоочулардын, жүргүнчүлөрдүн тамактануусу жана жылынышы үчүн шарттар каралган.

Буга чейин ашууларда кар калыңдап, 15 сантиметрден ашканын, трассанын тайгак жерлерине тиешелүү каражаттар себилип жатканын Транспорт жана жолдор министрлиги билдирген.

12
Белгилер:
жол, кар, чукул кырдаал, ӨКМ
Тема боюнча
Кардын калыңдыгы 15 сантиметрге жетти. Министрлик жолдогу абал тууралуу
Оштогу "Достук" көпүрөсүнө суу топтолуп, унаалар араң өтүп жатат. Видео
Садыр Жапаровдун тарапташтары митинг учурунда. Архив

УКМК Жапаровдун тарапташтары коркутуп жатат делген маалыматка көңүл бурду

39
(жаңыланган 15:34 28.11.2020)
Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары конституциялык реформага каршы пикирин айткан коомдук ишмерлерди коркутуп жатышат.

БИШКЕК, 28-ноя. — Sputnik. Улуттук коопсуздук боюнча мамлекеттик комитет президенттикке талапкер Садыр Жапаровдун тарапташтары делген адамдар тарабынан коркутуп-үркүтүүлөр болуп жатат деген маалыматка реакция кылды.

Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары Конституциялык реформага каршы пикирин айткан коомдук ишмерлерди коркутуп жатышат. Активисттер мындай фактыларды жаздырып алып, укук коргоо органдарына кайрылууга чакырышкан.

"УКМК өлкөдөгү тынчтык жана туруктуулукту сактоо үчүн бардык тараптарды кызматташууга чакырат. Ал үчүн кандайдыр бир коркутууга дуушар болгондор далили менен укук коргоо органдарына кайрылуусу керек. Комитет чагымчылдык маалыматтарды тараткан жарандар мыйзам чегинде жооп берерин эскертет", — деп айтылат билдирүүдө.

Мындан тышкары, УКМК президенттикке талапкер болууга аракет кылып, бирок соттуулугу жоюлбагандыгы үчүн документтери кайтарылган Бектур Асановдун билдирүүсүнө баа берди.

Анда "Асанов эмоцияга алдырып, социалдык тармактын айрым колдонуучуларынын беделине шек келтирди, бул үчүн жоопкерчилиги каралышы мүмкүн" деп жазылган.

39
Белгилер:
пикир, билдирүү, УКМК, Садыр Жапаров, Кыргызстан
Тема боюнча
УКМК төрагасынын мурдагы орун басары алтын аткезчилиги боюнча суракка чакырылды