Кыргыз Республикасынын билим берүүсүнүн отличниги, филология илимдеринин доктору, профессор Каныбек Исаков. Архивдик сүрөт

ОшМУну Борбор Азиядагы мыкты окуу жайга айланткан. Исаковго жазылган некролог

240
(жаңыланган 16:19 13.11.2020)
Илимпоз катары да үзүрлүү эмгектенген. 2001-жылы кандидаттык диссертациясын, 2011-жылы доктордук диссертациясын ийгиликтүү жактаган, 150дөн ашык илимий-усулдук, публицистикалык макалалардын автору болгон.

БИШКЕК, 13-ноя. — Sputnik. Өлкөбүздүн билим берүү жана илим тармагы орду толгус жоготууга учурады. Кыргыз Республикасынын билим берүүсүнүн отличниги, филология илимдеринин доктору, профессор Исаков Каныбек Абдуваситович мезгилсиз дүйнөдөн кайтты. Бул тууралуу президенттин маалымат кызматы тараткан некрологдо жазылат.

Каныбек Исаков 1969-жылы 4-июнда Ош облусунун Ноокат районундагы Кызыл-Тейит айылында туулган.

Эмгек жолун 1986-жылы Ноокат районундагы Бел-Өрүк колхозунда иштөөдөн баштаган. 1987-жылы Ош мамлекеттик университетине тапшырып, 1993-жылы артыкчылык диплому менен аяктаган. 1988-1990-жылдары Советтик Армиянын катарында кызмат өтөгөн.

Педагогикалык ишмердикти 1993-жылы ОшМУнун кыргыз филологиясы факультетинде окутуучу болуп иштөөдөн баштап, аталган окуу жайда улук окутуучу, декандын орун басары, проректор жана ректор кызматтарына чейинки баскычтарды басып өткөн. 1995-жылы студенттик "Нур" гезитинин башкы редактору болуп дайындалып, студенттердин билим алуусу менен бирге чыгармачылыгын да өнүктүрүүгө өзгөчө басым жасаган. 

Ректор Ошского государственного университета Каныбек Исаков в рабочем кабинете
Кыргыз Республикасынын билим берүүсүнүн отличниги, филология илимдеринин доктору, профессор Исаков Каныбек Абдуваситович

Идеяга бай, эмгекчил, ынтызарлык сапаттарынын аркасында 1997-жылы ОшМУнун кыргыз филологиясы факультетинде декандын орун басары, 1998-жылы аталган окуу жайда ректордун тарбия иштери боюнча жардамчысы кызматтарын аркалаган. 2000-жылы ОшМУнун коомдук жана тарбия иштери боюнча проректорлук кызматында эмгектенген. 2005-жылы ОшМУнун мамлекеттик тил боюнча проректору болуп дайындалган.

2006-2011-жылдары Ош гуманитардык-педагогикалык институтунун ректору болгон. Бул жылдары ОГПИ педагогика тармагындагы сапаттуу кадрларды даярдоочу бирден-бир окуу жайга айланган. 2011-жылы Ош мамлекеттик университетинин ректору кызматына дайындалып, бул окуу жайын 2019-жылга чейин жетектеген.

ОшМУда окутуу процессин жакшыртуу, окуу процессин башкарууну автоматташтыруу, окутуунун заманбап технологияларын киргизүү, инфраструктураны жакшыртуу, илим жана билим берүү жаатындагы ички, тышкы байланыштарды күчөтүү багытында алгылыктуу иштерди жүргүзүп, анын жыйынтыгында Ош мамлекеттик университети Борбордук Азиядагы алдыӊкы окуу жайлардын катарына кирген.

2019-жылы Кыргыз Республикасынын билим берүү жана илим министри болуп дайындалган. Бул учурда да өлкөбүздүн билим берүүсүндө чоӊ өзгөрүүлөр болгонуна коомчулук күбө болду.

Ал илимпоз катары да үзүрлүү эмгектенген. 2001-жылы кандидаттык диссертациясын, 2011-жылы доктордук диссертациясын ийгиликтүү жактаган, 150дөн ашык илимий-усулдук, публицистикалык макалалардын автору болгон, ошондой эле бир нече көркөм-адабий китептери жарык көргөн.

Каныбек Исаков коомдук ишмер катары да өзүн көрсөтө алган. Ош шаардык кеңешинин үч жолку чакырылышынын депутаты болуу менен өлкөбүздө жана Ош шаарында билим берүүнү, мамлекеттик тилди өнүктүрүүгө бараандуу салым кошуп келген. 

Церемония прощания с экс-министром образования Каныбеком Исаковым в городе Ош
© Фото / Зульфия Тургунова
Каныбек Исаков 51 жашында дүйнөдөн кайтты

Үзүрлүү эмгеги үчүн 2005-жылы "Кыргыз Республикасынын билим берүүсүнүн отличниги", 2006-жылы "Кыргыз тили" төш белгилери, 2007-жылы Ч. Айтматов атындагы коомдук академиянын академиги, 2010-жылы Япониядагы Сока-Гаккай университетинин "Ардактуу профессору", Түркиядагы Кастамону университетинин "Ардактуу профессору", 2014-жылы Кыргыз Республикасынын Ардак грамотасы жана башка сыйлыктар менен сыйланган.

Үч кыз, бир уулга татыктуу тарбия берген.

Кыргызстандын илимий чөйрөсү, интеллигенциясы жана жалпы эле Кыргызстандын эли Исаков Каныбек Абдуваситовичтин жаркын элесин түбөлүккө эсинде сактайт. Маркумдун туугандарына жана жакындарына көңүл айтып, азасын тең бөлүшөбүз.

  • С. Н. Жапаров, Т. Т. Мамытов, Р. И. Отунбаева, С. Ш. Жээнбеков,
  • А. Э. Новиков, Э. Ж. Сурабалдиева, Р. А. Сабиров, С. С. Касмамбетов,
  • Б. А. Аманбаев, Г. С. Калиева, У. А. Марипов, Г. С. Молдобекова,
  • А. С. Токторов, Т. З. Зулпукаров, А. Т. Сулайманов, А. М. Эргешов,
  • Н. И. Ишекеев, А. Б. Бейшеналиев, Н. К. Кадырбеков, А. С. Бейшеналиев, К. К. Ташиев, З. Ж. Эргешов, М. М. Мамытов, М. С. Джуматаев, К. Б. Базарбаев, Ж. О. Абдураимов, Ж. У. Саралаева, У. А. Усеков,
  • З. П. Жапаров, Ж. А. Ташиев, Н. С. Жусупбекова, Н. К. Омуров,
  • А. И. Мусаев, П. Б. Туркбаев, Т. И. Першина, С. Б. Абдрахманова,
  • М. Б. Базаркулов, А. Н. Зырянова, А. Сманбаев, Ж. Б. Жанузаков,
  • Т. С. Сайпидинова.
240
Белгилер:
ректор, филология, Каныбек Исаков
Тема боюнча
Апасы, бир туугандары тамекиге ууланып... Министр Каныбек Исаков тууралуу 7 факты
Экс-министр Каныбек Исаков дүйнөдөн кайтты
Кыргызстанда Ош облустар аралык биргелешкен клиникалык ооруканасында биринчи ирет TAVI (аорталык клапандын имплантациясы) технологиясын колдонуу менен жүрөккө операция жасалды

Бейтап ойгоо болгон. Кыргызстанда уникалдуу операция жасалды. Видео

17
(жаңыланган 12:10 27.11.2020)
ТАВИ технологиясы – бул аорталык клапандын биопротездик имплантациясы. Ал адистештирилген катетердин (жеткирүү системасы) жардамы менен сандагы артерия аркылуу жасалат.

БИШКЕК, 27-ноя. – Sputnik. Кыргызстанда Ош облустар аралык биргелешкен клиникалык ооруканасында биринчи ирет TAVI (аорталык клапандын имплантация) технологиясын колдонуу менен жүрөккө операция жасалды. Бул тууралуу кардиохирург Талант Эралиев Facebook баракчасына жарыялады.

Операцияны Талант Эралиев, Олег Крестьянинов, Канат Аширов жана башка дарыгерлердин тобу жасаган.

Клапандын имплантациясы 86 жаштагы бейтапка кан тамыр аркылуу жасалып, жүрөктүн согушу токтогон эмес.

Посмотреть эту публикацию в Instagram

Публикация от Zhanylmyrza Alibaeva (@zhanylmyrzaalibaeva)

"Бейтап ойгоо болгон, ага ооруну сездирбей турган дары куюлган. Бул операциянын уникалдуулугу — бейтап ооруканада көпкө кармалбайт. Ал тез эле үйүнө жиберилип, кадимки толук кандуу жашоого кайтат", — деди кардиохирург.

ТАВИ технологиясы – бул аорталык клапандын биопротездик имплантациясы. Ал адистештирилген катетердин (жеткирүү системасы) жардамы менен сандагы артерия аркылуу жасалат. Бул учурда адамдын жүрөгү иштей берет. Мында канды жасалма жол менен айландыруу техникасы колдонулбайт жана операция үчүн адамдын денеси кескиленбейт.

17
Белгилер:
артерия, оорукана, Ош
Тема боюнча
Былтыр кайсы оорулардан кыргызстандыктар көп каза тапкан. Статистика
Акыйкатчы институтунун өкүлү Альберт Көлөпов

Көлөпов: ИИМдин убактылуу кармоочу жайында 30 адамдан пневмония чыкты

22
Акыйкатчы институтунун өкүлү Альберт Көлөпов ШИИБге караган 60 орундуу убактылуу кармоочу жайда 100 адам кармалып турганын айтты.
Көлөпов: ИИМдин убактылуу кармоочу жайында 30 адамдан пневмония чыкты

ШИИБдин карамагындагы мыйзам бузган жарандарды 48 саат кармоочу жайда 30 адам пневмонияга чалдыккан. Бул тууралуу Альберт Көлөпов Sputnik Кыргызстан радиосунун эфиринде маек куруп жатып билдирди.

Анын айтымында, аталган 30 адамга медициналык жардам көрсөтүү көйгөйлөрү курч турат.

"ИИМдин ШИИБине караштуу убактылуу кармоочу жайы 60 адамга ылайыкташкан. Бирок анда учурда 100 адам бар. Алардын 30унан пневмония аныкталган. Вирустук диагноз менен СИЗОго да алынбай, кадимки жарандык ооруканаларга да кайрыла алышпай, начар шартта отурушат. Керектүү медикаменттер жетишсиз, болгону бир фельдшер иштейт. Сыз, тар жерде отурган бул адамдардын ден соолугуна көңүл буруп, абалды жөнгө салуу үчүн биз коронавирус менен күрөшүү боюнча түзүлгөн Республикалык штабга кайрылуу жиберебиз", — деди Көлөпов.

Ал адам өлүмү каттала электе ыкчам чара көрүү зарылдыгы турганын кошумчалады.

22
Белгилер:
көйгөй, вирус, укук
Тема боюнча
Сооронбаев: өзүм билемдик менен рентген, компьютердик томографияга түшпөгүлө