Чек арага жакын Максат айылынын жашоочулары. Архивдик сүрөт

Баткен менен Согдинин жетекчилери такталбаган аймакка курулуш курбоону сүйлөштү

102
(жаңыланган 18:54 13.11.2020)
Жолугушууда тараптар акыркы учурда чек ара аймактарында болуп жаткан нааразычылыктардын себептери тууралуу сүйлөшүштү.

БИШКЕК, 13-ноя. — Sputnik. Баткен жана Согди облустарынын жетекчилери жолугуп, чек ара маселелерин талкуулашты. Бул тууралуу облустагы өкүлчүлүктүн маалымат кызматы кабарлады.

Сүйлөшүүгө кыргыз тараптан өкмөттүн Баткен облусундагы өкүлүнүн биринчи орун басары Жаркынбек Максутов баштаган жергиликтүү бийлик өкүлдөрү жана облустук күч түзүмдөрүнүн жетекчилери барган. Ал эми Тажикстандан Согди облусунун төрагасынын орун басары Бахавиддин Бахадырзода жетектеген топ келген.

Жолугушуу Баткен районунун Ак-Сай айыл өкмөтүнүн Тажикстан менен чектешкен бейтарап аймагында болгон.

"Жетекчилер Кыргызстан менен Тажикстандын тактала элек аймактарына курулуш курбоо, зарыл болгон курулуштарды өкмөттөр аралык комиссиянын кароосуна коюу боюнча сүйлөшүүлөрдү жүргүзүштү. Ошондой эле чек арага жакын жерде кандайдыр бир иш-аракеттерди жасоодон мурда кошуна өлкөнүн тийиштүү органдарына маалымдоо зарылдыгы дагы бир ирет белгиленди", — деп айтылат маалыматта.

Жетекчилер чек ара аймагындагы элдин коопсуздугу үчүн чыр-чатактарга жол бербөө, анын себептерин аныктоо менен жаралган көйгөйлөрдү биргеликте чечүү боюнча макулдашышкан. Мындан сырткары, кыргыз-тажик элинин ынтымагын, кошуналык карым-катнашын бекемдөө боюнча пикир алмашуу болгон.

102
Белгилер:
сүйлөшүүлөр, Тажикстан, чек ара, Баткен
Тема боюнча
Кыргыз бийлиги Чек ара кызматын УКМКнын карамагына кайтарууну көздөп жатат
Жапаров: Ташиев Өзбекстан менен чек ара маселесин чечүү жоопкерчилигин алды
Чүй облусундагы Оруу-Сай лыжа базасы. Архив

Бейшембиге карата аба ырайы

21
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

21
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

54
(жаңыланган 20:31 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 3-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

54
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты
КР президентинин милдетин аткаруучу Талант Мамытов

ЖККУ саммитинде маанилүү документтерге кол коюлду. Тизме

0
Бүгүн, 2-декабрда, өткөн саммитке КР президентинин милдетин аткаруучу Талант Мамытов катышты. Жыйынга Россия Федерациясы төрагалык кылды.

БИШКЕК, 2-дек. — Sputnik. Жамааттык коопсуздук келишим жөнүндө уюмуна (ЖККУ) мүчө мамлекеттердин башчылары бүгүнкү жыйында 15 документке кол коюшту.

Бүгүн, 2-декабрда, өткөн саммитке КР президентинин милдетин аткаруучу Талант Мамытов катышты.

Сессиянын жыйынтыгында ЖККУнун Жамааттык коопсуздук кеңешинин мүчөлөрү тарабынан аларга кол коюуга жеке тартипте киргизиле турган бир катар документтердин долбоорлору жактырылды.

Алар:

  • Жамааттык коопсуздук жөнүндө келишим уюмунун Жамааттык коопсуздук кеңешинин декларациясы;
  • ЖККУнун Жамааттык коопсуздук кеңешинин адилеттүү жана туруктуу тынчтык түзүмүн куруу жөнүндө билдирүүсү;
  • ЖККУнун “2021-2025-жылдарга карата Жамааттык коопсуздук келишим жөнүндө уюмуна мүчө-мамлекеттердин аскердик кызматташтыкты өнүктүрүү планы тууралуу” чечими;
  • ЖККУнун “2021-2025-жылдарга карата Жамааттык коопсуздук келишим жөнүндө уюмуна мүчө-мамлекеттердин баңги заттарга каршы стратегиясы тууралуу” чечими;
  • ЖККУнун “Жамааттык коопсуздук жөнүндө уюмдун алкагында биргелешип иштелип жана өндүрүлүп жаткан аскердик максаттагы продукциялар менен бардык этаптарда камсыз кылуу жана алардын сапатын көзөмөлдөө боюнча комплекстүү жана системдүү мамилелердин концепциясы жөнүндө” чечими;
  • ЖККУнун “Жамааттык коопсуздук жөнүндө келишим уюмуна мүчө-мамлекеттердин мамлекеттик бийлик органдары үчүн кадрларды даярдоо тутумун өркүндөтүү боюнча кошумча чаралар жөнүндө” чечими;
  • ЖККУнун “Жамааттык коопсуздук жөнүндө келишим уюмунун Тынчтык куруу күчтөрүнүн кызматкерлерин даярдоо боюнча базалык окуу-методикалык уюму жөнүндө” чечими;
  • ЖККУнун “Жамааттык коопсуздук жөнүндө келишим уюмуна мүчө-мамлекеттердин тынчтык куруу контингенттеринин курамы жана жайгаштырылышы тууралуу протокол жөнүндө” чечими;
  • ЖККУнун “Жамааттык коопсуздук жөнүндө келишим уюмунун катчылыгындагы квоталык кызмат орундарын бөлүштүрүү жөнүндө” чечими;
  • ЖККУнун “Жамааттык коопсуздук жөнүндө келишим уюмунун 2019-жылдагы бюджетинин аткарылышы тууралуу отчёту жөнүндө” чечими;
  • ЖККУнун “Жамааттык коопсуздук жөнүндө келишим уюмунун 2021-жылга карата бюджети жөнүндө” чечими;
  • ЖККУнун “Жамааттык коопсуздук жөнүндө келишим уюмунун сыйлыктары менен сыйлоо жөнүндө” чечими;
  • ЖККУнун “Уюмга төрагалык кылуу, Жамааттык коопсуздук кеңешинин кезектеги сессиясын өткөрүү убактысы жана орду жөнүндө” протоколдук чечими;
  • ЖККУнун аскерлерин (Жамааттык күчтөрүн) материалдык-техникалык жана медициналык жактан биргелешип камсыздоо жөнүндө макулдашуусу (документ эл аралык келишимдерге кол коюу үчүн зарыл болгон мамлекет ичиндеги жол-жоболор бүткөндөн кийин ЖККУнун ЖКК мүчөлөрүнө кол коюуга киргизилет);
  • 2007-жылдын 6-октябрындагы ЖККУнун Тынчтыкты куруу ишмердиги жөнүндө макулдашуусуна өзгөртүүлөрдү киргизүү жөнүндө протоколу (документ эл аралык келишимдерге кол коюу үчүн зарыл болгон мамлекет ичиндеги жол-жоболор бүткөндөн кийин ЖККУнун ЖКК мүчөлөрүнө кол коюуга киргизилет).
0
Белгилер:
документ, Талант Мамытов, ЖККУ, Кыргызстан
Тема боюнча
ЖККУнун коргоо министрлеринин отуруму өттү. Талкууланган маселелер
Талант Мамытов ЖККУ лидерлерине президенттик шайлоо таза өтөрүн убадалады