Президенттин милдетин аткаруучу, премьер-министр Садыр Жапаров күнү бою манас айткан Дөөлөт Сыдыковду кабыл алды.

Садыр Жапаров 14 сааттан ашык манас айткан Дөөлөт Сыдыковду кабыл алды

230
(жаңыланган 19:52 13.11.2020)
Жапаров манасчы Сыдыковдун чыгармачылыгы улуу кыргыз эпосун сактоого гана эмес, кыргыз элинин рухий турмушуна да баа жеткис салым экенин белгиледи.

БИШКЕК, 13-ноя. — Sputnik. Президенттин милдетин аткаруучу, премьер-министр Садыр Жапаров күнү бою манас айткан Дөөлөт Сыдыковду кабыл алды. Бул тууралуу өкмөттүн маалымат кызматы билдирди.

Жапаров манасчы Сыдыковдун чыгармачылыгы улуу кыргыз эпосун сактоого гана эмес, кыргыз элинин рухий турмушуна да баа жеткис салым экенин белгиледи.

  • Исполняющий обязанности президента, премьер-министр Кыргызстана Садыр Жапаров во время встречи с манасчи Доолотом Сыдыковым
    Президенттин милдетин аткаруучу, премьер-министр Садыр Жапаров күнү бою манас айткан Дөөлөт Сыдыковду кабыл алды.
    © Пресс-служба правительства / Алишер Алиев
  • Исполняющий обязанности президента, премьер-министр Кыргызстана Садыр Жапаров во время встречи с манасчи Доолотом Сыдыковым
    Жапаров манасчы Сыдыковдун чыгармачылыгы улуу кыргыз эпосун сактоого гана эмес, кыргыз элинин рухий турмушуна да баа жеткис салым экенин белгиледи.
    © Пресс-служба правительства / Алишер Алиев
  • Манасчи Доолот Сыдыков во время встречи с исполняющим обязанности президента, премьер-министром Кыргызстана Садыром Жапаровым
    Баарлашууда манасчы чыгармачылык чөйрөдө кездешкен тоскоолдуктар тууралуу айтып берди.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Президенттин милдетин аткаруучу, премьер-министр Садыр Жапаров күнү бою манас айткан Дөөлөт Сыдыковду кабыл алды.
"Кыргыз элинин руханий жана маданий мурастарынын улуу дөөлөтү — бул "Манас" эпосу. Кыйын мезгилдерде Манастын образы манасчылык өнөр аркылуу кыргыз элине күч-кубат берет. Азыр ар бир адамдын мамлекеттин өнүгүүсү боюнча өзүнүн позициясы жана көз карашы, дүйнө таанымы бар, бирок Манаска келгенде баарыбыз бирбиз. Сиз жаңы рекордду гана жаратпастан, элди биримдикке чакырдыңыз", — деди Садыр Жапаров.

Баарлашууда манасчы чыгармачылык чөйрөдө кездешкен тоскоолдуктар тууралуу айтып берди. Пикирлерди уккан соң, премьер-министр өкмөт салттуу чыгармачылыкты өнүктүрүүнү аркалап жүргөн инсандардын көйгөйлөрүн чечип берүүгө болгон күч-аракетин жумшаарына ишендирип кетти.

Жолугушуунун соңунда президенттин милдетин аткаруучу, премьер-министр Садыр Жапаров манасчы Дөөлөт Сыдыковго баалуу белектерди тапшырып, ийгиликтерди каалады.

230
Белгилер:
жолугушуу, Дөөлөт Сыдыков, Садыр Жапаров
Тема боюнча
Көзгө жаш алып, күпүлдөп манас айткан Сыдыков. Толкунданткан иш-чаранын видеосу
Адистер манасчы Дөөлөт Сыдыковдун феноменин изилдөө үчүн канынан анализ алды
14 сааттан ашты! Дөөлөт Сыдыков манас айтып бүттү. Видео
Садыр Жапаровдун тарапташтары митинг учурунда. Архив

УКМК Жапаровдун тарапташтары коркутуп жатат делген маалыматка көңүл бурду

13
(жаңыланган 15:34 28.11.2020)
Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары конституциялык реформага каршы пикирин айткан коомдук ишмерлерди коркутуп жатышат.

БИШКЕК, 28-ноя. — Sputnik. Улуттук коопсуздук боюнча мамлекеттик комитет президенттикке талапкер Садыр Жапаровдун тарапташтары делген адамдар тарабынан коркутуп-үркүтүүлөр болуп жатат деген маалыматка реакция кылды.

Коркутуулар боюнча Жарандык көзөмөл комитетинин активисттери билдиришкен. Алардын айтымында, Жапаровдун тарапташтары Конституциялык реформага каршы пикирин айткан коомдук ишмерлерди коркутуп жатышат. Активисттер мындай фактыларды жаздырып алып, укук коргоо органдарына кайрылууга чакырышкан.

"УКМК өлкөдөгү тынчтык жана туруктуулукту сактоо үчүн бардык тараптарды кызматташууга чакырат. Ал үчүн кандайдыр бир коркутууга дуушар болгондор далили менен укук коргоо органдарына кайрылуусу керек. Комитет чагымчылдык маалыматтарды тараткан жарандар мыйзам чегинде жооп берерин эскертет", — деп айтылат билдирүүдө.

Мындан тышкары, УКМК президенттикке талапкер болууга аракет кылып, бирок соттуулугу жоюлбагандыгы үчүн документтери кайтарылган Бектур Асановдун билдирүүсүнө баа берди.

Анда "Асанов эмоцияга алдырып, социалдык тармактын айрым колдонуучуларынын беделине шек келтирди, бул үчүн жоопкерчилиги каралышы мүмкүн" деп жазылган.

13
Белгилер:
пикир, билдирүү, УКМК, Садыр Жапаров, Кыргызстан
Тема боюнча
УКМК төрагасынын мурдагы орун басары алтын аткезчилиги боюнча суракка чакырылды
Жолдогу автоунаа. Архив

Кардын калыңдыгы 15 сантиметрге жетти. Министрлик жолдогу абал тууралуу

67
Мекеме айдоочуларды унаалардын дөңгөлөгүн кышкысына алмаштырууга жана каршы тилкеге чыгып, жол тыгынын жаратпоого чакырат.

БИШКЕК, 28-ноя. — Sputnik. Бишкек — Ош жолунда кардын калыңдыгы 10-15 сантиметрге жетти. Буга байланыштуу Транспорт жана жолдор министрлиги аба ырайынын шарттарына байланыштуу жолдордогу абал тууралуу маалымат берди.

  • Ситуация на трассах Кыргызстана из-за ухудшения погоды и снегопада
    Бишкек — Ош жолунда кардын калыңдыгы 10-15 сантиметрге жетти
    © Фото / пресс-служба Министерства транспорта и дорог
  • Ситуация на трассах Кыргызстана из-за ухудшения погоды и снегопада
    Учурда жолчулар Төө-Ашуу, Ала-Бел жана Көк-Бел ашууларындагы трассаларга инерттүү материалдарды сээп, жолдорду тазалап жатышат. Бишкек — Ош жана Талас — Суусамыр автожолдору ачык, тыгын жок.
    © Фото / пресс-служба Министерства транспорта и дорог
1 / 2
© Фото / пресс-служба Министерства транспорта и дорог
Бишкек — Ош жолунда кардын калыңдыгы 10-15 сантиметрге жетти

Өзгөчө кырдаалдар министрлиги буга чейин шашылыш билдирүү тараткан.

Учурда жолчулар Төө-Ашуу, Ала-Бел жана Көк-Бел ашууларындагы трассаларга инерттүү материалдарды сээп, жолдорду тазалап жатышат. Бишкек — Ош жана Талас — Суусамыр автожолдору ачык, тыгын жок.

Бороонго карабастан Долон (Бишкек — Нарын — Торугарт) жана Чапчыма (Ала-Бука — Каныш-Кыя — Кировка) ашууларынын тайгак участкаларына да атайын каражаттарды себүү иштери жүргүзүлүп жатат.

Транспорт жана жолдор министрлиги айдоочуларга жайкы дөңгөлөк менен жолго чыкпоого, трассаларда сак болуп, унаалардын арасындагы 500 метр аралыкты сактоого чакырат.

Мындан сырткары, тыгындарды пайда кылбаш үчүн каршы тилкеге чыкпоо эскертилди.

67
Белгилер:
Кыргызстан, Транспорт жана жолдор министрлиги, тазалоо, кар
Тема боюнча
Бишкек – Ош жолунда жүк ташуучу унаалар үчүн чектөө киргизилди
Мушкер. Архив

ММА мушкери атаандашын башка тээп нокаутка түшүргөн видео

16
(жаңыланган 15:42 28.11.2020)
Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

БИШКЕК, 28-ноя. — Sputnik. Польшалык ММА мушкери Камиль Онищук атаандашын сулата тээп бүк түшүрдү. Мындай кызыктуу учурду ACA MMA уюму өзүнүн Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Польшанын Лодзе шаарында өткөн ACA 114 мелдешинде Камиль Онищук жердеши Кристиан Бельски менен кез келип, тик турган абалда анын баш тушуна тээп кулаткан.

Беттештин алгачкы мүнөттөрүндөгү Бельскинин үстөмдүгүнө карабастан Онищук үчүнчү раундда сол буту менен катуу тепкен. Бул соккуга даяр эмес болгон Бельски тик турган жеринен канваска кулаган.

Калыс заматта беттешти токтотуп, жеңишти Камиль Онищукка ыйгарган. Промоушен да анын нокаутун баалап, бонус берген.

Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

16
Белгилер:
ММА, нокаут, беттешүү
Тема боюнча
Валентина Шевченко каршылашы Майяны токмоктоп чемпиондук наамын сактап калды. Видео
Ай-буйга келтирбей, үч секундада жыга чапты. АКШдагы беттештин видеосу