Нарын облусунун Кочкор районунда калкты тейлөө борбору ачылып, алгачкы кызматын 104 жаштагы кемпирге көрсөттү

104 жаштагы байбиче паспортун алмаштырды. Кочкордо калкты тейлөө борбору ачылды

154
(жаңыланган 12:29 14.11.2020)
Паспортун 26 жылдан кийин жаңыртып жаткан Шамшия Шалпыкова 1916-жылы туулуп, өмүр бою Кочкор районунда жашаган.

БИШКЕК, 14-ноя. — Sputnik. Нарын облусунун Кочкор районунда калкты тейлөө борбору ачылып, алгачкы кызматын 104 жаштагы байбичеге көрсөттү. Бул тууралуу Мамлекеттик каттоо кызматынан кабарлашты.

Билдирмеге ылайык, улгайган аялдын 1994-жылкы паспортун алмаштыруу үчүн калкты тейлөө борборунун мобилдик тобу анын жашаган үйүнө барып, документтерин кабыл алган. 

Мобильный ЦОН в Кочкорском районе организовал выезд к 104-летней жительнице Шалпыкове Шамшие района для обмена паспорта 1994 года образца.
© Фото / Пресс-служба ГРС КР
Нарын облусунун Кочкор районунда калкты тейлөө борбору ачылып, алгачкы кызматын 104 жаштагы кемпирге көрсөттү
"Алгачкы кардарлардын бири Шамшия Шалпыкова 1916-жылы туулуп, өмүр бою Кочкор районунда жашаган. Анын жаш курагы эске алынып, бардык кызматтар акысыз көрсөтүлдү", — деп айтылат маалыматта.

Өмүр бою Өзгөндө жашаган 100 жаштагы энеге биринчи ирет паспорт берилди

Мындан сырткары, калкты тейлөө борбору 1-топтогу майып, 29 жаштагы Жолдубай Төлөмүш уулунун паспортун алмаштырууга да көмөктөшкөнү айтылды.

154
Белгилер:
документ, борбор, тейлөө, Кочкор, калк, Нарын
Тема боюнча
Жапаров паспортко "улуту" деген графа кайра киргизилерин айтты
Паспорт, күбөлүк, транспорт боюнча кеңеш берген атайын номерлер ишке кирди
Медициналык бет капчан фужер кармап турган официант. Архив

Маданият министри таксист менен официанттарды окутуу курсун ачууну сунуштады

3
Туристтерди аэропорттон биринчи болуп тосуп алган жана тейлеген адистерди атайын окутуу демилгеси көтөрүлдү.

БИШКЕК, 28-ноя. — Sputnik. Маданият, маалымат жана туризм министри Нуржигит Кадырбеков таксисттерди жана коомдук тамактануучу жайларда кардар тейлеген официанттарды окутууну сунуштады. Бул тууралуу ведомствонун маалымат кызматы билдирди.

Министр туризм бизнесинин өкүлдөрү менен жолугушуу өткөргөн. Тараптар өлкөнүн туризм тармагын, анын ичинде кышкы туризмди калыбына келтирүү жана андан ары өнүктүрүү, ошондой эле COVID-19 пандемиясынын шартында пайда болгон көйгөйлөрдү чечүү жолдорун талкуулашканы айтылат.

"Балким, такси айдоочулары үчүн жалпы кабыл алынган эрежелерди жана эл аралык этикеттин нормаларын үйрөтүүнү биргелешип уюштуруу максатка ылайыктыр. Анткени алар чет элдик туристтерди аэропорттон биринчи болуп тосуп алышат. Ошол эле курстарды официанттар жана гиддер үчүн уюштуруу керек. Алардын жүрүм-турум маданиятынын деңгээли жана тейлөө маданияты өлкөнүн, элибиздин биринчи элесин чагылдырат. Чет элдик туристтерди көбүнчө сертификат алган адистер тейлеши керек. Мындай тажрыйба өнүккөн өлкөлөрдө бар", — деди Кадырбеков.

Ошондой эле ал туризм бизнесинин өкүлдөрү тарабынан айтылган сунуштар менен идеялар дагы каралып, сөзсүз түрдө иштелип чыгарын белгилеген.

3
Белгилер:
окутуу, тейлөө, таксист, официант, Нуржигит Кадырбеков
Тема боюнча
Бишкектин кинотеатрлары качан ачылары айтылды
Мырзабеков: кышкы туризм дагы кризиске кептелүү коркунучунда
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

111
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

111
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео