Мурдагы ички иштер министри Кашкар Жунушалиев. Архивдик сүрөт

Кашкар Жунушалиев Россияда концерт көрүп отурабы? Соцтармактагы видеонун чоо-жайы

2454
(жаңыланган 11:04 16.11.2020)
Айрым ЖМКлар жана соцтармак колдонуучулары "Октябрь окуясында качып кеткен ИИМ башчысы Россияда концерт көрүп отурат" деп жазышууда.

БИШКЕК, 16-ноя. — Sputnik. Мурдагы ички иштер министри Кашкар Жунушалиев Россияда концерт көрүп отурганы боюнча тараган видео быйыл тартылган эмес. Муну "Биринчи каналдын" расмий сайтына жарыяланган видео тастыктайт.

Бүгүн айрым ЖМКлар "Октябрь окуясында качып кеткен ИИМ башчысы Россияда концерт көрүп отурат" деп жазып чыгышты. Анда видеосу дагы камтылган.

Маалыматка ылайык, 2019-жылы 10-ноябрда Россиянын ички иштер органдарынын кызматкерлеринин күнүнө арналган майрамдык концерт өткөн. Ал эми Жунушалиевдин тарап жаткан видеосу ошол учурда тартылган.

Мурдагы ички иштер министри Кашкар Жунушалиев
© Фото / пресс-служба правительства / Алишер Алиев
"Биринчи каналдын" расмий сайтына чыккан концертте экс-министрди 1:04:33 мүнөтүнөн көрүүгө болот.

Белгилей кетсек, Россияда дагы деле карантиндик чектөөлөр алына элек. Көп сандагы адамдардын катышуусунда концерт өткөрүүгө да уруксат берилген эмес.

Эске салсак, 5-6-октябрдагы элдик толкундоодон кийин ички иштер министри Кашкар Жунушалиев кызматын таштап качып кеткен. Премьер-министр Садыр Жапаров ал кайда экени белгисиз деп айтып, изделип жатканын билдирген.

2454
Белгилер:
Россия, видео, концерт, Кашкар Жунушалиев
Тема боюнча
Курсан Асанов: Кашкар Жунушалиев митингде таш ыргытыла баштаганда качып кеткен
Жапаров дайындаган кадрлар. Кызматка келген достору, үзөңгүлөштөрү
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

36
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

36
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

56
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

56
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт