Онлайн окутууда жүргөн мектеп окуучусу. Архивдик сүрөт

Прокуратура Бишкекте онлайн-сабакка кирбей жүргөндөрдү көзөмөлгө алат

252
(жаңыланган 12:33 16.11.2020)
Райондук прокуратурадан окубай сыртта жүргөн балдарды сабакка тартып, мыйзам чегинде иш алып бара тургандыктарын айтышты.

БИШКЕК, 16-ноя. — Sputnik. Бишкек шаарынын Биринчи май райондук прокуратурасы онлайн-сабакка кирбей жүргөндөрдү таап, кармап жаткандыктарын билдиришти.

Ош шаарындагы Ломоносов атындагы №3 мектептин 500 орундуу кошумча окуу корпусунун курулуш иштери
© Фото / пресс-служба мэрии города Ош
11-ноябрда райондук прокуратура Биринчи май райакимчилигине онлайн-сабакка кирбей жүргөн балдарды таап, кармоо боюнча биргелешкен иш-чараларды жүргүзүүнү сунуштаган кат жөнөткөн.

Көзөмөл органы "Кыргыз Республикасындагы мыйзам бузуулардын алдын алуу жөнүндөгү" мыйзамга ылайык, органдар менен билим берүү системасындагы окуу жайлар сабактан качып жүргөн өспүрүмдөрдү окууга тартуу боюнча чараларды көрүшү керектигин айтты.

Прокуратура бул демилге окуу процессинен четтеп калган мектеп окуучуларын табууга, алардын ата-энелери менен түшүндүрүү иштерин жүргүзүүгө, жашы жете электердин көзөмөлсүз калуусунун алдын алуу үчүн жасалып жаткандыгын билдирди.

252
Белгилер:
өспүрүм, мыйзам, Прокуратура, онлайн окутуу, Бишкек
Тема:
Коронавируска байланыштуу Кыргызстандагы кырдаал (2429)
Тема боюнча
Көзүмө жаш келди. Россияда сынакта элди сыймыктанткан Нурболоттун апасы менен маек
Бишкектеги кырдаал сабак болсун! Президент облус башчыларына тапшырма берди
Вице-премьер Эльвира Сурабалдиева. Архивдик сүрөт

Сурабалдиева министрликтин гумжардам боюнча отчёту чийки экенин айтты

26
(жаңыланган 17:56 02.12.2020)
Эльвира Сурабалдиева Кыргызстанга кирген гумжардамдар кайда жумшалганы боюнча Саламаттык сактоо министрлигинин отчёту чийки экенин айтып, иликтөө жүргүзүлөрүн белгиледи.

БИШКЕК, 2-дек. — Sputnik. Вице-премьер Эльвира Сурабалдиева гуманитардык жардам тууралуу отчёт берүү маселеси боюнча Саламаттык сактоо министрлигинин жана жергиликтүү бийликтин дарегине катуу сын айтты.

Чиновник бүгүн Республикалык ыкчам штабдын кезектеги жыйынын өткөрдү.

"Мамлекеттик органдарга жана жергиликтүү бийлик органдарына алган гуманитардык жардамдар боюнча толук отчёт берүү тапшырмасы берилген. Муну жарандар, Жогорку Кеңештин депутаттары, жардам берген эл аралык уюмдар жана донорлор күтүүдө. Бирок берилген отчёт толук эмес жана айрым пунктулар түшүнүксүз. Мисалы, Талас жана Чүй облустарындагы аймактык медициналык мекемелерге кандай конкреттүү медициналык буюмдар жеткирилген? Ош облусу боюнча кандай чыгымдалуучу материалдар, канча тест-система алынды? Жер-жерлерге өпкөнү жасалма дем алдыруучу аппараттын, концентраторлордун, рентген-аппараттардын канчасы жеткирилди? Отчётто 325 рециркулятор алынганы белгиленген, бирок алар кайда экени көрсөтүлгөн эмес. Эмне үчүн медициналык жабдуулар баланска алынып, тиешелүү тартипте белгиленген эмес? Жарандардан, донорлордон жана ыктыярчылардан алынган бардык жардамдар кылдаттык менен изилденет", — деди ал.

Сурабалдиева отчёттордо канча дары-дармек каражаты алынгандыгы жана алардын аталышы көрсөтүлбөгөнүн кошумчалады.

26
Белгилер:
отчет, донор, коронавирус, штаб
Тема боюнча
Сурабалдиева Тез жардам станциясынын жабдылбай калышын кызматтагы жубайлардан көрүүдө
Сурабалдиева: бейтаптарга жайында курамы текшерилбеген кытай дарылары берилген
Тез жардам кызматы. Архив

Сурабалдиева Тез жардам станциясынын жабдылбай калышын кызматтагы жубайлардан көрүүдө

35
(жаңыланган 17:35 02.12.2020)
Тез жардам станциясынын жетекчиси Искендер Шаяхметов болсо, анын жубайы Бактыгүл Исмаилова Бишкек мэриясынын саламаттык сактоо башкармалыгынын жетекчиси болуп эмгектенет.

БИШКЕК, 2-дек. — Sputnik. Вице-премьер Эльвира Сурабалдиева Республикалык ыкчам штабдын жыйынында Тез жардам станциясы жабдылбай калганы боюнча маселеге көңүлүн бурду.

Анын айтымында, маселе айлык акыга гана байланыштуу эмес.

"Тез жардам станциясынын жабдылбай калганынын себеби эмнеде? Жеке пикиримде, анын себеби айлык акыга гана байланыштуу эмес. Мага белгилүү болгондой, жубайы Бишкек шаары боюнча түзүмдүк бөлүктөрдү башкарса, жолдошу Тез жардам станциясынын ишин координациялайт. Маалыматтарга ылайык, ошол эле учурда жолдошу жеке Тез жардам кызматын ачкан. Мында түздөн-түз кызыкчылыктардын кагылышы бар экендиги байкалбайбы? Бишкек шаардык мэриясы кызыкчылыктардын кагылышуусу жана маселенин моралдык тарабын эске алуу менен кызматтык иликтөө жүргүзүүсү тийиш", — деди ал.

Белгилей кетсек, Тез жардам станциясынын жетекчиси Искендер Шаяхметов болсо, анын жубайы Бактыгүл Исмаилова Бишкек мэриясынын саламаттык сактоо башкармалыгынын жетекчиси болуп эмгектенет.

35
Белгилер:
Элвира Сурабалдиева, "Тез жардам" кызматы, КР Саламаттык сактоо министрлиги, Бишкек мэриясы
Тема боюнча
Сурабалдиева: бейтаптарга жайында курамы текшерилбеген кытай дарылары берилген