Баткен обсулундагы айыл. Архив

Баткен облусунда 600 гектар жерге турак жай салууга уруксат берилди

243
(жаңыланган 13:37 17.11.2020)
Трансформациялоо боюнча чечимдер жергиликтүү элдин социалдык маселелерин чечүү максатында кабыл алынганы айтылды.

БИШКЕК, 17-ноя. — Sputnik. Баткен облусунун бир катар аймактарында жер тилкелери трансформацияланды. Бул туурасында өкмөттүн маалымат кызматы кабарлады.

Билдирүүгө ылайык, 2-ноябрда премьер-министр Садыр Жапаров Баткенге иш сапары менен барганда жергиликтүү эл калктын саны өсүп жаткандыгына байланыштуу турак жай салууга жер тилкесин бөлүп берүү меселесин көтөрүшкөн.

"Өкмөт башчы иш сапардан келгенден кийин аталган жер тилкелерин трансформациялоо туурасында токтомдорго кол койду. Белгилей кетүүчү жагдай, бул маселе көп жылдан бери чечилбей келе жаткан", — деп айтылат маалыматта.

Өкмөттүн маалымат кызматынын жетекчиси Бактыбек Рысалиев  Жапаров бул токтомдорго премьер-министрлик ыйгарым укуктары тототулгандан мурда кол койгонун ырастады.

Трансформацияланган жерлер:

  • Баткен району, Суу-Башы айыл аймагындагы 151,1 гектар жер жеке турак жайларды куруу үчүн "Айыл чарба багытындагы жерлер" категориясынан "Калктуу конуштардын жерлери" категориясына которулду;
  • Баткен району, Дара айыл аймагындагы 148,6 гектар жер "Айыл чарба багытындагы жерлерден" "Калктуу конуштардын жерлери" категориясына которулду;
  • Баткен районунун Кара-Бак айыл аймагында жайгашкан 300 гектар жерге үй салууга уруксат берилди.

Бул чечимдер жергиликтүү элдин социалдык маселелерин чечүү максатында кабыл алынганы белгиленет.

243
Белгилер:
Баткен облусу, уруксат, жер тилкеси
Тема боюнча
Жаңы конуштардагы документи жок жер тилкелерин мыйзамдаштыруу талкууланды
11 миңден ашык жер тилке мыйзамдаштырылат. Жапаров жаңы мыйзамга кол койду
Парктагы кишилер

Ишембиге карата аба ырайы

35
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

35
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт
Медициналык кызматкер ВИЧке кан анализин жүргүзүп жатат

Жалал-Абадда ВИЧ илдетин жуктургандарды аныктоо боюнча акция башталды

61
(жаңыланган 18:19 27.11.2020)
Өнөктүк маалында жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланмакчы.

БИШКЕК, 27-ноя. — Sputnik. Жалал-Абад облусунда "ВИЧ-СПИД илдети боюнча өз макамыңды бил" аттуу акция башталды. Бул тууралуу аталган аймактагы СПИДге каршы күрөшүү жана алдын алуу борборунан билдиришти.

Борбордун башкы дарыгери Элмира Сатарованын айтымында, облус аймагында илдетти жыныстык жол менен жуктуруп алган эркектердин саны өскөн. Мындан улам өзүнүн ВИЧ-инфекциясын жуктуруп алганын билбей жүргөндөрдү эртерээк аныктап, дарылоо максатында атайын иш-чара уюштурулган.

"Акция учурунда жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланат", — деди Сатарова.

Маалым болгондой, облуста илдетти жугузгандардын 62 пайызы ооруну жыныстык жол менен илештирсе, 27 пайызы кан аркылуу, беш пайызы энеден балага жуккан.

Учурда Жалал-Абад облусунда 1 087 адамдын ВИЧ-инфекциясына чалдыккандыгы аныкталган. Жыл башынан бери 36 адам аталган дартты жуктуруп, алардын 56 пайызы эркектер экени кошумчаланды.

61
Белгилер:
акция, аныктоо, оору, ВИЧ, СПИД, Жалал-Абад
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Портфель менен киши. Архив

Беш өлкө Кыргызстандын карызын төлөө мөөнөтүн жылдырып берди. Тизме

0
(жаңыланган 22:03 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

0
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады