Жолду кардан тазалоо. Архивдик сүрөт

Кыргызстандагы бардык жолчуларга күнү-түнү иштөө милдети жүктөлдү

89
Премьердин милдетин аткаруучу бардык эле унаа кыймылдарынын токтотулушу өлкөнүн экономикалык абалына таасирин тийгизерин айтты.

БИШКЕК, 17-ноя. — Sputnik. Өлкөдөгү аймактык жана эл аралык автотрассаларды тейлеген бардык кызматтардын ишин күнү-түнү иштөө режимине өткөрүү зарыл. Бул тууралуу премьер-министрдин милдетин аткаруучу Артем Новиков айтты.

Өкмөттүн маалымат кызматы билдиргендей, Новиков кыш мезгилинде автоунаа жолдорундагы коопсуздукту камсыздоого арналган жыйынга катышкан.

"Өлкөдө аба ырайы кескин өзгөрүп, жолдордо абал кыйындады. Бул өзгөчө автоунаа жолдорунун кооптуу участкаларында жана ашууларда сезилип жатат. Жол кыймылындагы мындай терс жагдайларды болтурбоо үчүн тийиштүү чараларды көрүшүбүз керек. Бул үчүн бардык кызматтар күчөтүлгөн режимде иштөөгө өтүүсү зарыл. Бардык жолдор, өзгөчө кооптуу участкалар өз убагында кардан тазаланып турушу керек", — деген Новиков.

Транспорт жана жолдор министрлигинин маалыматы боюнча, инерттүү жана күйүүчү-майлоочу материалдар жетиштүү. Ал эми жол тазалаган техника жетишсиз болуп, маселени чечүүнүн амалдары каралып жатат. Жалпысынан кыш мезгилине даярдык 80 пайыз деп бааланууда.

"Унаа кыймылынын токтотулушу өлкөнүн экономикалык абалына таасирин тийгизет. Бүгүнкү шартта бул актуалдуу болуп турат. Ошондуктан ар бир орган өз ишин мүмкүн болушунча жогорку деңгээлде аткарышы зарыл. Абалдын начарлап кетишине жол берилбеши керек", — деди премьердин милдетин аткаруучу.

Кеңешменин жыйынтыгы менен Новиков Транспорт жана жолдор министрлигине айдоочуларга жолдордо, өзгөчө кооптуу участкаларда коопсуздук чараларын сактоо боюнча түшүндүрүү иштерин жүргүзүүнү тапшырды. Мындан сырткары, дөңгөлөктөрдү кышкысына алмаштыруу, тайгак ашууларда дөңгөлөккө чынжырларды ороп айдоо боюнча айдоочуларга эскертүү берүү белгиленген.

Ички иштер министрлигине зарылчылыкка жараша ашуулардагы жол кыймылын чектөө графигин камсыздоо тапшырылган. Ал эми Өзгөчө кырдаалдар министрлигине эл аралык маанидеги автотрассалардын кооптуу аймактарына жакын жерге жылынуучу жана медициналык жардам көрсөтүүчү пунктуларды уюуштуруу милдеттендирилген.

89
Белгилер:
Транспорт жана жолдор министрлиги, транспорт, ӨКМ, ИИМ, коопсуздук, тыгын, тазалоо, жолдорду оңдоо
Тема боюнча
Кар жаагандан кийин Бишкектин жолдоруна 413 тонна туз себилди
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

32
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

32
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

53
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

53
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт