Электронный страховой полис.

ОСАГО алуу мөөнөтү жылды. Эми кайсы убактан тарта талап кылына баштайт

108
Коронавирус пандемиясынан улам элдин кирешеси азайып калганын эске алуу менен жоопкерчилик каралган мөөнөт бир нече этап менен жылдырылды.

БИШКЕК, 19 ноя — Sputnik. "Автотранспорт каражаттарынын ээлеринин жарандык-укуктук жоопкерчилигин милдеттүү камсыздандыруу" (ОСАГО) боюнча белгиленген жоопкерчиликтин мөөнөтү жылды. Бул тууралуу Финансы рыногун жөнгө салуу жана көзөмөлдөө мамлекеттик кызматынын жетекчиси Арзыбек Кожошев билдирди.

Мурдагы мыйзам боюнча, автоунаа ээси болгон чет элдик жарандар, юридикалык тараптар, анын ичинен мамлекеттик жана муниципалдык уюмдар, жүк көтөрүмдүүлүгү 12 тоннадан ашкан автоунаалардын кожоюндары 2021-жылдын 1-январынан тарта камсыздандырууга милдеттүү болгон

Кожошевдин айтымында, автотранспортту камсыздандыруу боюнча маселе премьер-министрдин милдетин аткаруучу Артем Новиков менен макулдашылды.

Коронавирус пандемиясынан улам элдин кирешеси азайып калганын эске алуу менен жоопкерчилик каралган мөөнөт бир нече этап менен жылдырылды.

2021-жылдын 1-июлуна чейин:

  • Башка мамлекетте катталган автоунаалар үчүн.

2022-жылдын 1-январына чейин:

  • юридикалык тараптардын, анын ичинен мамлекеттик жана жергиликтүү өз алдынча башкаруу органдарынын менчигиндеги автоунаалар үчүн;
  • жүк көтөрүмдүүлүгү 12 тоннадан ашкан автоунаалар үчүн;
  • жүргүнчү ташыган автоунаалар үчүн.

2023-жылдын 1-январына чейин:

  • катардагы айдоочулар үчүн.
108
Белгилер:
мыйзам, камсыздандыруу, автоунаа, Кыргызстан
Тема боюнча
Кыргызстанга жалпы эреже менен машина алып кирүү канча турат. Калькулятор
Вице-премьер, Коронавируска каршы күрөшүү штабынын жетекчиси Эльвира Сурабалдиева. Архивдик сүрөт

Туура эмес дарылаганбы? Сурабалдиева Жалал-Абаддагы 8 кишинин өлүмүн текшертет

7
(жаңыланган 14:35 05.12.2020)
Илдетке кабылган тогуз бейтапты жеке менчик клиникадан мамлекеттик аймактык ооруканага которушканы айтылат.

БИШКЕК, 5-дек. — Sputnik. Жалал-Абадда мамлекеттик аймактык ооруканага коронавирус илдети менен жаткырылган тогуз адамдын сегизинин өлүмү текшерилет. Бул тууралуу вице-премьер, Коронавируска каршы күрөшүү штабынын жетекчиси Эльвира Сурабалдиева Twitter баракчасына жазды. 

​Анын айтымында, бейтаптар протоколдо жазылган эреже менен дарыланган эмес.

"Коронавируска кабылган бейтаптар оорунун алгачкы стадиясында протоколду карабай эле уккан-билген антибиотик, гормоналдык дарыларды иче берет. Жалал-Абадда жеке менчик клиникадан тогуз бейтапты мамлекеттик аймактык ооруканага которушкан. Анын ичинен сегизи каза болгон. Штабда муну териштирүүгө прокуратурага тапшырма берилди. Бул чоң жаңжал", — деди Сурабалдиева.

Ошондой эле оорунун алгачкы стадиясында эле антибиотиктерди бере бербей, организмге COVID-19 менен күрөшүүгө убакыт керектигин билдирди.

7
Белгилер:
Эльвира Сурабалдиева, өлүм, Жалал-Абад облусу, коронавирус
Тема:
Коронавируска байланыштуу Кыргызстандагы кырдаал
Тема боюнча
Сурабалдиева Тез жардам станциясынын жабдылбай калышын кызматтагы жубайлардан көрүүдө
Сурабалдиева: бейтаптарга жайында курамы текшерилбеген кытай дарылары берилген
Сурабалдиева министрликтин гумжардам боюнча отчёту чийки экенин айтты
COVID-19 вакцинасынын изилдөө иштери. Архивдик сүрөт

Кыргызстан ЕККУдан вакцина сатып алууга көмөктөшүүнү өтүндү

12
(жаңыланган 14:06 05.12.2020)
Вакцина баары үчүн жеткиликтүү болушу зарыл. Ошону менен бирге эле айрым мамлекеттердин да препаратты ыксыз көп сатып алуусуна жол бербөө керек.

БИШКЕК, 5-дек. — Sputnik. Тышкы иштер министри ЕККУну өнүгүп келе жаткан өлкөлөргө коронавируска каршы вакцина сатып алууга жардам берүүгө чакырды.

ТИМдин маалыматы боюнча, Казакбаев 3-4-декабрь күндөрү ЕККУга мүчө мамлекеттердин тышкы иштер министрлер кеңешинин 27-жыйынына катышкан.

"Министр өз сөзүндө COVID-19га каршы вакцинанын жалпыга жеткиликтүү болушун камсыздоо маселеси курч экенин белгиледи. Мындан тышкары, препаратты элинин саны аз өлкөлөрдүн ыксыз көп сатып алуусуна да жол берилбеши керектигине токтолгон. Мындан улам ЕККУдан өнүгүп келе жаткан мамлекеттерге вакцинаны сатып алууга жардам берүүнү өтүндү", — деп айтылат маалыматта.

Эскерте кетсек, ооруга каршы бир катар вакцина иштелип чыккан, анын үчөө Россияга таандык. Жакында эле РФ президенти Владимир Путин үч вакцинаны тең ЖККУ өлкөлөрүнө жеткирүү маселеси жана биргелешип өндүрүү мүмкүнчүлүгү каралып жатканын билдирген.

12
Белгилер:
коронавирус, Россия, ЕККУ, вакцина, Руслан Казакбаев
Тема:
Коронавируска байланыштуу Кыргызстандагы кырдаал
Тема боюнча
Кыргызстан референдум өткөрүүгө БУУдан техникалык жардам сурады