Медик бейтаптын колуна пульсоксиметр тагууда. Архивдик сүрөт

Дарыгер коронавирусту аныктоодо пульсоксиметрдин натыйжалуулугун айтты

89
(жаңыланган 10:26 20.11.2020)
Адис белгилегендей, пульсоксиметр — канда кычкылтектин деңгээлин, башкача айтканда, сатурацияны ченеген аппарат. Ал өпкөдөгү кычкылтектин деңгээлин текшерет.

БИШКЕК, 20-ноя. — Sputnik. Өпкөнүн жабыркаганын аныктоо үчүн пульсоксиметрдин көрсөтмөлөрү канчалык жетиштүү экенин дарыгер Амиран Демуров Sputnik радиосуна айтып берген.

Адис белгилегендей, пульсоксиметр — канда кычкылтектин деңгээлин, башкача айтканда, сатурацияны ченеген аппарат. Ал өпкөдөгү кычкылтектин деңгээлин текшерет.

Дарыгер коронавируска кабылып өпкөнүн жабыркаганын аныктоо үчүн канда кычкылтектин деңгээлин билүү маанилүү экенин айтып, бирок дарттын оор же жеңил формасына кабылганын жалгыз эле сатурация көрсөтпөй турганын белгилеген.

"Пульсоксиметр кандагы кислороддун деңгээлин көрсөтөт. Бул — өпкөнүн жабыркаганын биле ала турган тесттердин бири. Коронавирустан өпкө жабыркаганда сөзсүз кычкылтек түшөт. Эгер аппарат канда кычкылтектин түшүп кеткенин көрсөтсө, анда бул бейтапты ооруканага жаткыруунун бир жагдайы", — деген дарыгер.

Демуров сатурация түшүп кеткен учурда бейтапты ооруканага жаткыруу чечимин медиктер кабыл алышы керек деп эсептейт. Ал пульсоксиметр өпкөгө кычкылтек жетпей жатканын көрсөтсө, дароо үйдөн дарыланып баштабаш керектигин эскерткен.

"Бөлмөнүн ичинде кычкылтек аз болсо да канда кычкылтектин деңгээли түшүп кетет. Бейтаптын ден соолугуна дарыгер гана баасын берип, текшере алат", — деген Демуров.

Ал организмде коронавирустун бар-жогун, андан өпкө жабыркап жатканын жалгыз пульсоксиметрдин көрсөтмөсү менен аныктоо аздык кыларын белгилеген.

89
Белгилер:
кычкылтек концентратору, кан, пульсоксиметр, өпкө, коронавирус
Тема:
Дүйнөгө жайылган коронавирус (1168)
Тема боюнча
Пульмонолог: дарыгер айтмайынча компьютердик томография, рентгенге барбагыла!
Коронавирус болгон бейтапты ооруканалар дароо албайт! Шарт-талабы кандай
Аял кол чатыр менен бара жатат. Архив

Жума күнүнө карата аба ырайы

77
4-декабрга караган түнү республиканын көпчүлүк аймактарында кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 3-дек. — Sputnik. 4-декабрда күндүз өлкөдө суук болуп, жолдор тайгак болот. Бул тууралуу Кыргызгидромет билдирди.

Абанын температурасы Чүй облусунда -2…+3, Ош, Жалал-Абад, Баткен аймактарында 0…+5, Талас жана Нарын өрөөндөрүндө -4…+1, Ысык-Көлдө -1…+4 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда 0…+2, Ош шаарында +3…+5 градус жылыйт.

 

77
Белгилер:
Кыргызстан, декабрь, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Бишкектеги көп кабаттуу үйлөр. Архив

Бишкектин айрым жерлеринде 4-декабрда жарык жок болот. Тизме

70
Жарык борбор калаанын төрт конушу менен ондон ашуун көчөсүндө өчүрүлөт. Монтаждоочу бригада электр тармагынын ишин жакшыртмакчы.

БИШКЕК, 3-дек. — Sputnik. Бишкектин айрым райондорунда эртең, 4-декабрда, электр жарыгы өчүрүлөт. Бул тууралуу "Түндүкэлектр" ишканасы кабарлады.

Жарык жок болот деген жерлер:

  • 9:00дөн 14:00гө чейин — Көк-Жар конушунда (Арстанбап, Кулмурзаев көчөлөрүндө);
  • 9:00дөн 17:00гө чейин — Карасаев жана Юнусалиев көчөлөрүнүн айрым жерлеринде;
  • 9:30дан 17:00гө чейин — Древесная көчөсү менен Эстония тилкесинин кесилишинде;
  • 9:30дан 18:00гө чейин — Кара-Балта, Коммунаров, Жаз көчөлөрүнүн жана Ала-Тоо (Кызыл-Тоо, Ак-Кыя, Камыр Ата көчөлөрүндө), "Арча-Бешик" (Бердибаева, Сулуу-Төр, Садырбаева, Ойсул-Ата көчөлөрүндө), Ак-Босого (Чүй 52 жана 55) жаңы конуштарынын айрым жерлеринде.
70
Белгилер:
көчө, жарык өчүрүү, Бишкек
Тема боюнча
Бишкектеги авариялык өчүрүү боюнча комиссия түзүлүп, ишти иликтемей болду
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

0
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

0
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео