Кайгуул милициясынын кызматкери. Архив

Бишкек: жигит автокыймылды жөнгө салып, инспектор четте турган видеонун төркүнү

214
(жаңыланган 16:30 21.11.2020)
Кайгуул милициясынан жай жаран автокыймылды жөнгө салып жатканда милиционер ошол жерде эмнеге карап тургандыгын айтып беришти.

БИШКЕК, 21-ноя. — Sputnik. Интернетке жигит Бишкек шаарындагы көчөлөрдүн биринде ышкырык жана автоинспектор таягы менен автокыймылды жөнгө салып, ал эми четте автоинспектор башка бирөө менен сүйлөшүп турган видео тарады.

Видеого тарткан кишинин айтымында, окуя Манас — Бөкөнбаев көчөлөрүнүн кесилишинде болгон.

Кайгуул милиция кызматынын маалымат катчысы Байгазы Айтикул уулу окуя мурдагы күнү болгондугун, видео кечээ тараганын айтты.

Посмотреть эту публикацию в Instagram

Публикация от Авторынок (@avtorinok_kg)

Ал көчөдө жол кыймылын башкарып жаткан жаран Кайгуул милициясы кызматынын башкармалыгынан окуудан өтүп жаткан курсант экендигин билдирди. Маалымат катчынын айтымында, курсантты кызматка алуу боюнча азырынча атайын буйрук жок болгондуктан, милиционердин кийимин кийбестен иштеген.

Айтикул уулу тажрыйба топтогон мындай сабактар дагы улантыларын айтты. Формасыз жөнгө салуучу курсанттардын жанында болгон Кайгуул милициясынын кызматкерлери аларды көзөмөлдөп турарын кошумчалады.

214
Белгилер:
жөнгө салуу, Бишкек, Кайгуул милициясы, Кыргызстан
Тема боюнча
Дөңгөлөктү түтөгүчө айлантып. Бейбаш айдоочуга айып пул салынды. Видео
Эси үйдүн бузуусу. Архив

Бишкектин чок ортосундагы эскилиги жеткен 4 имарат түрттүрүлөт. Тизме

46
(жаңыланган 16:45 04.12.2020)
Экономика министрлиги мамлекеттик-жеке өнөктөштүк принциби менен эски имараттарды жаңылоо пландалып жатканын кабарлады.

БИШКЕК, 4-дек. — Sputnik. Бишкектин чок ортосундагы эски административдик имараттарды бузуп ордуна жаңысын салуу пландалууда. Бул тууралуу Экономика министрлигинен кабарлашты.

Долбоорду мамлекеттик-жеке өнөктөштүк принциби менен ишке ашыруу пландалууда. Министрлик кызыкдар болгон жеке курулуш компанияларын иштешүүгө чакырган жарыя тараткан. Азырынча төрт объектини түрттүрүү пландалып жатат. Жаңы имараттар курулуш компанияларынын эсебинен салынып, 30 жылга чейин алардын колдонуусуна берилет. Бул мөөнөт аяктаган соң имарат мамлекеттин балансына өтөт.

Авариялык абалдагы имараттардын тизмеси:

Раззаков, 17 дарегинде имарат 1940-жылы курулган. Аянты — 0,135 гектар. Аймагында эки кабаттуу эки имарат бар. Биринчисинин жалпы аянты 392,5 чарчы метр болсо, экинчисиники 378,1 чарчы метр. Ачык булактагы маалыматтарга караганда, объект бош.

Мэриянын маалыматына караганда, бул жерге көп кабаттуу имарат курууга болбойт. Себеби өрт өчүрүүчү унаалардын өтүүсүнө жол жок болуп калат. Аянтты эске алуу менен ал жерге үч кабаттан ашпаган объект салуу сунушталат.

Гоголь, 94 дарегиндеги имарат дагы бош турат. Ал 1958-жылы курулган. Аянты 0,1392 гектар. Мында бир кабаттуу негизги имарат жана 146,6 чарчы метр жерди ээлеген курулуш бар. Мэрия бул жерге дагы үч кабаттан ашпаган имарат курууга болорун эскертти.

Бөкөнбаев, 182 дарегинде Мамлекеттик тил боюнча улуттук комиссиянын кеңсеси жайгашкан. Имарат 1937-жылы салынган. Жердин аянты 0,2130 гектар. Эки кабаттуу имараттын аянты 890,4 чарчы метр. Ал эми жанындагы курулуштун аянты 148,2 чарчы метр. Мэрия бул жерге тогуз кабаттуу имарат курса болорун болжоп жатат.

Раззаков, 43 дарегинде Айыл чарба министрлигине караштуу Өсүмдүктөрдүн карантини департаменти жайгашкан. Имарат 1950-жылы курулган. Жердин аянты 0,0618 гектар. Ал эми негизги имараттын аянты 516,3 чарчы метр. Жанындагы курулуштуку — 79,5 чарчы метр.

Эгер жеке уюмдарда кандайдыр бир сунуш болсо (0312) 66-47-31 (Мамлекеттик-жеке өнөктөштүк борбору) же (0312) 66-07-39 (Мамлекеттик имараттар департаменти) номерлери аркылуу байланышка чыкса болот.

46
Белгилер:
түрттүрүү, имарат, Бишкек
Тема боюнча
Жогорку Кеңештин имаратынын өрттөлүп, талкалангандан кийинки көрүнүшү. Видео
Бишкекте мыйзамсыз курулуп жаткан көп кабаттуу үйлөрдүн тизмеси жарыяланды
Персональный идентификационный номер (ПИН) на биометрическом паспорте гражданина КР. Иллюстративное фото

ПИН кайсы учурда керек, экөө-үчөө чыкса эмне кылуу зарыл? 7 суроого жооп

98
(жаңыланган 16:25 04.12.2020)
Азыр Каттоо кызматы, Соцфонд, Салык кызматы же банктарга барсаң, дароо ПИН сурашат. Аны текшерте келгенде бир эле адамдын эки-үч номер чыгып калышы толук ыктымал.

Эмне себептен бир эле адамдан эки-үч ПИН чыгып калат, аны оңдотууга канча убакыт кетет, дегеле ПИН (Персоналдык идентификациялык номер) деген эмне экенин Sputnik Кыргызстан агенттигине Мамлекеттик каттоо кызматынын төрагасынын орун басары Тилек Батырканов айтып берди.

ПИН деген эмне?

Персоналдык идентификациялык номер — жарандын мамлекеттин маалымат базасындагы ачкычы. Бул номерде ар бир жарандын жекече маалыматы камтылган. Аны менен адам эч көйгөйсүз паспорт, нике күбөлүгү, айдоочулук күбөлүк, аттестат сыяктуу документтерди ала алат.

ПИН кайсы учурда керек болот?

Персоналдык идентификациялык номер Мамлекеттик каттоо кызматына, Салык кызматына, Соцфондго жана банктарга барганда керек болот. Кайрылган адамдын аты-жөнүн сураганда андайдан төрт-бешөө чыгып калышы ыктымал. Ал эми мыйзам боюнча ПИН бир адамда бирөө гана болушу шарт. Ошол себептен жеке номерин сурап, андан керектүү маалыматтарды ала алышат.

Бир эле адамдан эки-үч ПИН чыгып калган учурлар катталууда. Себеби эмнеде?

Персоналдык идентификациялык номерлер жеке ишкерлерге 90-жылдары эле Салык кызматы тарабынан бериле баштаган.

Андан кийин ПИНди берүү милдети Социалдык фондго жүктөлгөн. Себеби пенсия аларда ар бир адамдын бирдей жеке номери болсун деп аталган кызмат жалпы жарандарга берип баштаган.

Ал мезгилде автоматташтырылган система жок болгондуктан, ПИН алууга адам өзү да, иштеген жери да кайрыла берип бир эле адамга эки-үч ПИН берилип кеткен.

ПИН берүү функциясын Каттоо кызматы 2016-жылдын 1-августунан баштап өзүнө алган.

Себеби паспорт жана башка документ алууда биринчи кезекте ПИНи такталат. Ал аркылуу ошол жарандын маалымат базасы текшерилет. Бир нече ирет берилип кеткен ПИНдерди оңдоп, текшерүү үчүн кызматтын алдында атайын комиссия түзүлгөн. Мыйзам боюнча бир адамда бир эле персоналдык идентификациялык номери болушу шарт. Ошол себептен атайын комиссия анын баарын тактоодо.

Эгер эки же андан көп ПИН бар болсо, ал канча убакытта оңдолот?

ПИНди текшере турган комиссия жумуштун баарын жабык эшик артында жасайт. Себеби алар ар бир адамдын жеке маалыматын бирден текшерип чыгышат. Алсак, айрымдарынын туулган жери же жылы туура эмес жазылып калган болот. Же болбосо туулгандыгы тууралуу күбөлүк менен паспорттогу маалыматтар дал келбей калат. Комиссия мунун баарын текшерип чыкканга чейин 10 күн керектелет.

Комиссиянын курамында сегиз гана киши иштейт. Ал эми идентификациялык номер боюнча мамлекеттик каттоо кызматына күнүнө 400-500 арыз келип түшөт. Буга чейин комиссияда беш гана адам иштечү. Бирок жумуш көбөйгөндүктөн дагы үчөө кошулган. Арыз көп, киши аз болгондуктан да ПИНди берүү мөөнөтү узарып кетүүдө.

Негизи 10 күндүн ичинде такталган ПИН берилиши шарт. Азыркы тапта комиссияда 4 800 туура эмес ПИН турат.

Эгер андан көп убакыт өтүп кетсе эмне кылуу керек?

ПИНди оңдоо бир айга чейин созулуп кеткен фактылар катталган. Адатта эскирип, жазуусу өчүп калган туулгандыгы тууралуу күбөлүктөрдү текшерүүгө көбүрөөк убакыт кетип калат. Ошол себептен эки жумадан ашык убакыт кетип калышы мүмкүн. Бирок 10 күндүн ичинде бүтүрүүгө аракет кылышат. Кокус ал убакытта номер колго тийбей калса, жарандар Каттоо кызматынын 62 41 40 ишеним телефонуна чалса болот. Бүгүнкү күндө 200 000 ашык ПИН өзгөртүлүп, оңдолду.

ПИНди текшертүү үчүн кайда кайрылуу керек?

Персоналдык идентификациялык номерди текшертүү үчүн Мамлекеттик каттоо кызматына кайрылуу керек. Кокус эки же үч ПИН чыгып калып же аты-жөнү боюнча ката кездешсе, жаран ошол жерден арыз жазат.

Кыргызстандын жана чет элдик жарандардын персоналдык номер алуусу же аны өзгөртүүсү ЗАГС органынын бардык аймактык бөлүмдөрүндө (катталган жерине карабастан) жана чет өлкөдөгү тийиштүү мекемелерде ишке ашырылат.

Персоналдык идентификациялык номер кыргызстандыктарга, чет элдик жана жарандыгы жок адамдарга бекер берилет.

ПИН алуу үчүн кандай документ керек? (18 жашка толгондорго)

Бекитилген форма боюнча арыз;

Туулгандыгы жөнүндөгү күбөлүгү же туулгандыгы тууралуу актыдан көчүрмө, болбосо Кыргызстандын жараны экендигин тастыктаган башка документ, көчүрмөсү менен;

Эгер туулгандыгы жөнүндөгү күбөлүк же туулгандыгы жөнүндө бекитилген актынын көчүрмөсү жок болсо жарандын туулгандыгы жөнүндөгү фактыны бекиткен соттун чечими.

98
Белгилер:
текшерүү, документ, каттоо кызматы, каттоо, маалымат, жеке иш
Тема боюнча
104 жаштагы байбиче паспортун алмаштырды. Кочкордо калкты тейлөө борбору ачылды
Жапаров паспортко "улуту" деген графа кайра киргизилерин айтты
Кыргызстанга чоочун бирөөнүн паспорту менен кирүүгө аракет кылган аял кармалды
Бишкекте жарандын ишенимине кирүү менен 100 миң долларын алып из жашырган киши кармалды.

Батирин сатымыш болуп аялдын 100 миң долларын алып койгон. Шектүү кармалды

0
(жаңыланган 17:13 04.12.2020)
Шектүүнүн башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар милицияга кайрылса болот.

БИШКЕК, 4-дек. — Sputnik. Бишкекте жарандын ишенимине кирүү менен 100 миң долларын алып из жашырган киши кармалды. Бул тууралуу шаардык милициядан кабарлашты.

Маалыматка караганда, үстүбүздөгү жылдын 1-декабрында Октябрь райондук милициясына З.Е. аттуу аял арыз менен кайрылган. Ал март айында О.Т. аттуу жаран борбор калаадагы Каралаев көчөсүндө жайгашкан көп кабаттуу үйдөгү батирлердин бирин сатам деп, ошол эле жерден андан 100 миң 150 долларын алып калганын айткан. Кийин шектүү убадасын аткарбастан из жашырып кеткен.

Факты Кылмыш жана жоруктардын бирдиктүү реестрине Кылмыш-жаза кодексинин 204-беренеси ("Алдамчылык") боюнча каттоого алынган.

"Ыкчам издөө иш-аракеттеринин негизинде 33 жаштагы О.Т. аттуу шектүү кармалды. Ал Жукеев-Пудовкин көчөсүндөгү ижарага алынган батиринде жашап жүргөн. Шектүү Бишкек шаардык милициясынын убактылуу кармоочу жайына киргизилди", — деп айтылат маалыматта.

Учурда анын башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар болсо 0(772) 33-32-01, 0(707) 81-44-44 же 102 номерлерине кайрылууга болот.

0
Белгилер:
шектүү, батир, милиция, Бишкек
Тема боюнча
Бишкектин чок ортосунан 18 жаштагы куралчан жаран кармалды. Сүрөт