Киши витаминдерди кармап турат. Архив

Витаминди көп ичсе эмне болот? Дарыгер анын зыянын түшүндүрүп берди

173
(жаңыланган 16:34 21.11.2020)
Гипервитаминоз адамды шалдыратып, чарчатып, жүрөгүн айлантат. Эгерде D витамини көп болуп кетсе киши кусат, организмдин ууланган белгилери байкалат.

БИШКЕК, 21-ноя. — Sputnik. Витаминдин организмде көп болуп кетиши адамга кадимкидей эле зыян келтирет. Бул туурасында аллерголог-иммунолог дарыгер Алексей Бессмертный айтып бергенин РИА Новости жазды.

Витаминдин арбын болуп кеткендиги анын жетишпестиги сыяктуу эле көйгөй жаратат.

Азыр элдин иммунитетин бекемдөө үчүн поливитаминдерди сатып алып ичип жаткан кези. Дарыгер эгерде жаңы жашылча-жемиштерди жана сапаты жакшы азыктарды жеп, аны көбөйтсө маселе жаралбай тургандыгын айткан.

"Өнүккөн коом менен өлкөлөрдө жакшы тамактанган адамдарда витамин жетишпестиги байкалбайт. Аны күндө азык-түлүк менен кошо жейт. Болгону кээ бир аймактарда D витамини үч жашка чейинки балдарда тартыш болушу мүмкүн. Бир нече жылдан бери адистер поливитаминдерди ичүү пайдалуу эле эмес, кооптуу да экендигин айтып келет", — деген аллерголог-иммунолог.

Анын айтымына караганда, витаминдерге ашыкча кызыгуу организмге зыянын тийгизе турган гипервитаминозго алып келиши мүмкүн. Гипервитаминоз — витаминдерди ашыкча кабыл алуунун кесепетинен пайда болгон оору.

"D же А витаминдеринин ашыкча болушу организм үчүн кооптуу. Андан сырткары, көп поливитаминдер дары эмес, биологиялык активдүү кошулмалар (БАК) катары катталган. Негизи боордун зыяндуу заттардан жабыркашы статистикада БАКтан улам болушу мүмкүн деп айтылып келет. Себеби алардын көбү сертификацияланган да эмес", — деген Бессмертный.

Анын пикиринде, витаминдерди көбөйтүп жиберүү иммундук системага радикалдуу таасири тийгизбегени менен жалпы саламаттыкка кесепетин тийгизет.

Бул өзгөчө гипервитаминоздо байкалат, адамды шалдыратып, чарчатып, жүрөгүн айлантат. Эгерде D витамини көп болуп кетсе киши кусат, организмдин ууланган белгилери байкалат.

"Мындай абалга кептелүү оңой эмес. Бирок витаминдерди кочуштап ичкендер токсикология бөлүмүнө тез эле түшүп калышы мүмкүн ", — деген дарыгер.

Анткен менен жакында эле дерматолог, косметолог дарыгер Станислав Арканников теринин эрте картайып кетүүсүн алдын алуу үчүн адамга кандай витаминдер керек экендигин санап берген.

173
Белгилер:
кеңеш, дарыгер, иммунитет, витамин, ден соолук, Россия
Тема боюнча
Диетолог: сулу боткосун күнүгө жегенге болбойт
Кардиолог кан тамырлар үчүн пайдалуу азыкты атады
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

107
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

107
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

89
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

89
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт