Мугалим сабак учурунда. Архивдик сүрөт

Беймаал тынчын алба! Мугалимге кайрылуу этикети

554
(жаңыланган 14:27 23.11.2020)
Sputnik Кыргызстан "Этикет" рубрикасынын алкагында коомдук жайларда жана ар кыл жагдайда өзүн татыктуу алып жүрүү эрежелери менен тааныштырат.

Пандемия шартында окуучулардын аралыктан билим алуусу ата-энелерге дагы, балдарга дагы, мугалимдерге дагы бир топ түйшүк алып келгени талашсыз. Биринчиден, ойноп-күлүп классташтары менен чер жазчу баланы үйдө кармоо, интернет аркылуу окутуу психилогиялык жактан көбүн чүнчүттү.

Бүгүн биз ата-эне менен окуучулардан кем эмес түйшүк тарткан мугалимдерге карата кандай мамиле кылуу керектигин кеп кылабыз. Макаланы даярдоого этикет мугалими Нуржан Исмаилова жардам берди.

Мугалимге кайрылуу

Аралыктан окуу башталгандан бери мугалим менен ата-эне онлайн-байланышта болууга аргасыз. Бул учурда деле бетме-бет кезиккендей эрежелерди кармануу керек. Учурашып, сүйлөшүүгө ыңгайлуубу, убактысы бар-жогун сурап койгонуңуз жакшы. Анткени сиз бир гана баланын маселеси менен чаласыз, ал эми мугалимдин карамагында ондогон окуучу бар. Экинчиден, кимдин ата-энеси экениңизди жана кайсы маселе менен кайрылып жатканыңызды так түшүндүрүңүз.

Ойго келген маалда тынчын ала бербеңиз

Жумуш бүтүп, кеч кирип же дем алыш күндөрү мугалимдин тынчын ала бербеңиз. Анын дагы үй-бүлөсү, жеке жашоосу, балдары бар. Өзүңүз деле эс алып отурган маалда улам бирөөнүн жумуш боюнча чала бергенин элестетип көрсөңүз. Айрым ата-энелер өздөрүнүн бардык иши бүткөндөн кийин гана балдарынын окуусуна, үй тапшырмасына киришет. Анан түнкү 11де мугалимге жаза башташат. Бул жат көрүнүш, бирөөнүн убактысын сыйлабагандыкка жатат.

Тапшырмага так болгула

Көп ата-эне кенже класстарда окуган балдарына үй тапшырмасын аткарууга жардам берет. Андыктан эч кимге тоскоолдук жаратпаш үчүн кандай тапшырма берилгенин, түшүнбөгөн суроолорду тактап алууга күндүзгү убактыңыздын бир нече мүнөтүн бөлүп койгонуңуз жакшы. Бул нерсе буга чейин айтылгандай, мугалимдин иштен тышкаркы убактысын албоого жардам берип, өзүңүзгө дагы кечкисин жалаң сабак эмес, бала менен башка, маанилүү темаларда сүйлөшүүгө шарт түзөт.

Мугалимдин талабын так аткар

Балага үлгү болом десеңиз, мугалимдин талабын өзүңүз так аткарыңыз. Мисалы, ата-энелер чогулушуна калбай катышуу же балага үй тапшырмасына жардам берүү сыяктуу мугалимдин өтүнүчүн өз маалында жана сапаттуу аткарып койгонуңуз туура. Негизи эле балаңызга билим берип жаткан адамдын сөзүн эки кылбоо — окуучуга эң жакшы сабак болуп эсептелет.

Убагында жооп бер

Мугалим кайсы бир суроо, талап же өтүнүч менен кайрылып калышы мүмкүн. Ага убагында жооп берген туура.

Жылуу мамиле

Жылуу сөз эч кимге эч качан зыянын тийгизе электигин унутпаңыз. Бул, тескерисинче, адамга канат байлатып, жакшы иштерди кылууга түртмөлөйт. Андыктан мугалим менен башынан жылуу мамиледе болуп, майрам, салтанаттарда куттуктоо сөзүн айтып коюу ашыкча болбойт.

Баланын көзүнчө сын айтпа

Албетте, мугалимден дагы кемчилик кетет. Бирок нааразычылыктарды баланын көзүнчө айтпай эле койгон туура. Мындай учурда мугалимдин окуучунун алдында кадыр-баркы төмөндөп калышы мүмкүн. Ал эми ишеним азайган, ал үчүн "кыйын" көрүнбөгөн мугалимден баланын тарбия алышы татаалыраак болуп калат.

554
Белгилер:
мамиле, этикет, мектеп, эне, ата, мугалим
Тема:
Өзүн алып жүрүүнүн эрежеси (42)
Тема боюнча
Чала тааныш адамга күтүүсүз чалба. Видео байланыш учурундагы этикет
Чүй облусундагы Оруу-Сай лыжа базасы. Архив

Бейшембиге карата аба ырайы

24
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

24
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

60
(жаңыланган 20:31 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 3-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

60
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты
Шайлоо участогундагы электрондук урна. Архив

КП парламенттик шайлоонун узартылышы боюнча өз чечимин түшүндүрдү

0
КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

БИШКЕК, 2-дек. — Sputnik. Жогорку соттун Конституциялык палатасы (КП) парламенттик шайлоонун мөөнөтүнүн узартылышын эмне үчүн мыйзамдуу деп тапканын түшүндүрдү.

КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

Маалыматка караганда, мамлекет кандайдыр бир өзгөчө абалга кабылбайт деп кепилдик берүү мүмкүн эмес. Андыктан мындай кырдаалдар жаралганда айрым мыйзамдарды шашылыш түрдө кабыл алып, пайдаланса болот.

“Өлкөнүн ошол кезде масштабдуу социалдык-саясий кризисте турганын тана албайбыз. Ошол себептүү Жогорку Кеңештин өзгөчө абал учурунда шайлоонун мөөнөтүн жылдырууга жана башка маанилүү чечимдерди кабыл алууга укугу бар болчу”, — деп айтылат билдирүүдө.

Жогорку Кеңеш саясий кризистен, социалдык чыңалуудан чыгуу үчүн, ошондой эле бийликтин ишинин эффективдүүлүгүн кармап туруу үчүн ар кандай чечим кабыл алса болору кошумчаланды.

Белгилей кетсек, 21-октябрда Борбордук шайлоо комиссиясы парламенттик шайлоону кайрадан өткөрүүнү 20-декабрга дайындаган. Бирок анын эртеси Жогорку Кеңеш шайлоонун мөөнөтүн жылдыруу, башкача айтканда, БШК таянып иш алып барып жаткан беренени токтото туруу мыйзамын кабыл алды. Ага ылайык, шайлоо күнү конституциялык реформадан кийин, 2021-жылдын 1-июнуна чейинки мөөнөткө белгиленген. Аталган мыйзамга ошол убактагы президенттин милдетин аткаруучу Садыр Жапаров кол койгон. Азыркы парламенттин беш жылдык мөөнөтү 28-октябрда аяктаган.

Ал эми БШК өз мөөнөтүндө өткөрүү талабы менен Жогорку сотко чейин даттанып утулуп калган.

Буга чейин Конституциялык палата Венеция комиссиясына дал ушул жагдай боюнча кайрылып, жооп алган.

0
Белгилер:
шайлоо, чечим, Жогорку Кеңеш, Конституциялык палата
Тема:
Жогорку Кеңешке боло турган кайра шайлоо
Тема боюнча
КП ЖК мөөнөтүнүн узартылышын мыйзамдуу деп тапты. Жыйында тараптар эмне деди