Капкейк. Архивдик сүрөт

Дарыгер боорго зыяндуу азык-түлүктөрдү атады. Тизме

534
Мясниковдун айтымында, боордун циррозу ичимдиктен гана эмес, тамакты ашыкча жеп алгандан да пайда болушу ыктымал.

БИШКЕК, 23-ноя. — Sputnik. Дарыгер жана алып баруучу Александр Мясников "Россия 1" телеканалынын түз эфиринен боорго зыян делген азык-түлүктөрдү тизмектеп берди. Бул тууралуу РИА Новости кабарлады.

"Жумасына 200 грамм арак ичүү эркектердин боорун талкалайт, ал эми 140 грамм арак аялдардын бооруна уу болуп эсептелет", — деди ал.

Мясниковдун айтымында, боордун циррозу ичимдиктен гана эмес, тамакты ашыкча жеп алгандан да пайда болот.

"Таттуу токочтор, пельмен, котлет, колбаса жана башка азыктарды көп жегенде боордун клеткаларына май толуп, аталган органдын иштөөсү бузулат", — деди адис.

Дарыгер гепатиттин B жана C түрүнөн жылына 1,2 миллион адам каза болорун эскертип, коомчулукту гепатиттин B түрүнө каршы эмделип коюуга чакырган. Ошондой эле адис тамакты ашыкча тоюп жебей, аз-аздан сиңирип жегиле деген сунушун айткан.

534
Белгилер:
дарыгер, пельмен, колбаса, арак, ичимдик, боор
Тема боюнча
Арыктап, ич ооруганы күчөп... Боор рагынын алгачкы симптомдору айтылды
Белгилүү балдар хирургу Талант Өмүрбеков. Архив

Пневмония болгон хирург Талант Өмүрбековдун абалы айтылды

5
(жаңыланган 13:08 25.01.2021)
Өмүрбеков өткөн жумада эки тараптуу пневмония менен ооруканага түшкөн. Абалы оор болгондуктан дароо жандандыруу бөлүмүнө жаткырылган.

БИШКЕК, 25-янв. — Sputnik. Республикалык жугуштуу илдеттер ооруканасына түшкөн белгилүү балдар хирургу Талант Өмүрбековдун абалы тууралуу Sputnik агенттигине аталган медициналык жайдын жетекчиси Гүлжигит Аалиев маалымат берди.

Эске салсак, Өмүрбеков 19-январда эки тараптуу пневмония менен оор абалда ооруканага жаткырылган.

"Акыбалы турукташып калды. Бирок дагы деле жандандыруу бөлүмүнөн чыга элек", — деди Аалиев.

Талант Өмүрбеков Кыргызстанга таанымал дарыгер. Ал Бишкек шаардык Тез жардам балдар клиникалык ооруканасынын мурдагы дарыгери, Иса Ахунбаев атындагы медициналык академиянын балдар хирургиясы кафедрасынын жетекчиси, профессор, медицина илимдеринин доктору.

5
Белгилер:
оору, абал, пневмония, хирург, Гүлжигит Аалиев, Талант Өмүрбеков
Тема боюнча
Анжелика менен кызы реанимацияда. Кичүү кызына бүгүн операция жасалат
Аткаминердин мыйзамсыз байыган мүлкү

Хан сарай, бодо мал... Министрликтин өкүлү мыйзамсыз байыган деп кармалды

46
(жаңыланган 12:57 25.01.2021)
Кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө жана көптөгөн бодо малдарга ээлик кылганы айтылды.

БИШКЕК, 25-янв. — Sputnik. Транспорт жана жолдор министрлигинин алдындагы Жол чарба департаментинин директору И.Ш.М. мыйзамсыз байыганы аныкталып, кылмыш иши козголду. Бул тууралуу УКМКнын маалымат кызматы кабарлады.

Ага ылайык, кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө, көптөгөн бодо малга ээлик кылган. Булардын наркы тапкан кирешесине дал келбейт.

  • Транспорт жана жолдор министрлигинин алдындагы Жол чарба департаментинин директору И.Ш.М. мыйзамсыз байыганы аныкталып, кылмыш иши козголду
    © Фото / пресс-служба ГКНБ КР
  • Бул тууралуу УКМКнын маалымат кызматы кабарлады
    © Фото / пресс-служба ГКНБ КР
  • Ага ылайык, кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө, көптөгөн бодо малга ээлик кылган
    © Фото / пресс-служба ГКНБ КР
  • Булардын наркы тапкан кирешесине дал келбейт
    © Фото / пресс-служба ГКНБ КР
  • УКМКнын билдиришинче, Жол чарба департаментинин директору ири жолдорду куруу үчүн жыл сайын өткөрүлчү мамлекеттик сатып алуулар аркылуу активдерин көбөйткөнү болжолдонууда
    © Фото / пресс-служба ГКНБ КР
  • Республикалык маанидеги курулуштар үчүн мамлекеттик бюджеттен үч миллиарддан ашык каражат бөлүнөрү белгиленет
    © Фото / пресс-служба ГКНБ КР
  • Учурда Транспорт жана жолдор министрлигинин бюджеттик каражаттарга жооптуу жана жемкорлукка тиешеси бар башка кызмат адамдары аныкталып жатканы кошумчаланды
    © Фото / пресс-служба ГКНБ КР
1 / 7
© Фото / пресс-служба ГКНБ КР
Транспорт жана жолдор министрлигинин алдындагы Жол чарба департаментинин директору И.Ш.М. мыйзамсыз байыганы аныкталып, кылмыш иши козголду
"Мыйзамсыз мүлктөрүн жашыруу максатында жакын туугандарына жана аффилирленген жактарга көмүскө түрдө каттаткан. Атап айтканда, үч особнягы, шаардын чок ортосунан 20 батирлүү дагы бир особнягы жана кымбат баадагы автоунаалары болгон. Ошондой эле туугандары менен чет мамлекетке эс алууга байма-бай барып турганы аныкталды", — деп айтылат маалыматта.

УКМКнын билдиришинче, Жол чарба департаментинин директору ири жолдорду куруу үчүн жыл сайын өткөрүлчү мамлекеттик сатып алуулар аркылуу активдерин көбөйткөнү болжолдонууда. Республикалык маанидеги курулуштар үчүн мамлекеттик бюджеттен үч миллиарддан ашык каражат бөлүнөрү белгиленет.

Учурда Транспорт жана жолдор министрлигинин бюджеттик каражаттарга жооптуу жана жемкорлукка тиешеси бар башка кызмат адамдары аныкталып жатканы кошумчаланды.

46
Белгилер:
коррупция, кармоо, Транспорт жана жолдор министрлиги, УКМК
Тема боюнча
4 млн. долларга байыган. УКМК Финполдун башкармалык жетекчисин кармады. Сүрөт