Улуттук гвардия кызматкерлери Кыргызстандын желегин фонунда. Архив

Конституциялык кеңешмеде Кыргызстандын аталышын өзгөртүү сунушталды

517
(жаңыланган 14:12 23.11.2020)
Кошалиевдин пикири боюнча, элдик бийлик кирип жаткандан кийин мамлекеттин аталышына "эл" деген сөз кошулушу керек.

БИШКЕК, 23-ноя. — Sputnik. Конституциялык кеңешменинин мүчөсү Кадыр Кошалиев бүгүнкү жыйында Кыргыз Республикасынын аталышын өзгөртүүнү сунуштады.

Анын пикиринде, элдик бийлик кирип жаткандан кийин "эл" деген сөз кошулушу керек.

"Кыргыз Эл Республикасы" деген аталышты сунуштайбыз. Элдик бийлик кирип жатканына байлыныштуу аталышында эле "эл" деген сөз турушу керек. Кытай Эл Республикасы дегендей эле", — деди Кошалиев.

Ошондой эле ал элдик бийлик менен мамлекеттик бийликти бири-бири менен кынаштырып орду менен алып келген түйүн — бул Элдик курултай экенин белгиледи. Андыктан бул маселе боюнча Конституциялык кеңешменин өзүнчө бир жыйынын өткөрүп, жол-жобосун тактоону сунуштады.

517
Белгилер:
курултай, бийлик, өзгөртүүлөр, аталыш, Кыргызстан
Тема:
Жаңы Конституциянын долбоору жана референдум (72)
Тема боюнча
Курултайды элдин 51 пайызы колдойт. Конституциялык кеңешме эмнени талкуулады
Жаңы түзүлгөн Конституциялык кеңешменин курамына кимдер кирди. Тизме
Медициналык кызматкер COVID-19га каршы эмдөө жүргүзүп жатат

АКШда COVID-19га каршы эмделген киши эки сааттан кийин көз жумду

3
Көз жумган киши Moderna же Pfizer вакцинасыбы, кайсынысы менен эмделгени азырынча белгисиз. Буга карата жергиликтүү, штаттык жана федералдык деңгээлде иликтөө жүргүзүлүп жатат.

БИШКЕК, 24-янв. — Sputnik. АКШда коронавируска каршы эмделген киши бир нече саат өткөндөн кийин көз жумганын РИА Новости жазды.

Калифорниядагы Плейзер округунун шерифинин кеңсеси өзүнүн Facebook баракчасына каза болгон адам өткөн айда COVID-19 илдети менен ооругандыгын билдирген. 

"Плейсер округунун Саламаттык сактоо кызматы жана шерифтин кеңсесинин коронавирус боюнча бөлүмү адам көз жумгандыгы жөнүндө маалымат алышты. Ал кишиге декабрь айынын аягында COVID илдети жуккандыгы аныкталган. 21-январда эмделип, бир канча саат өткөндөн кийин каза болгон", — деп айтылат билдүүдө.

Маркум округдун Саламаттык сактоо департаментинен башка жактан эмделгени айтылат. Буга карата жергиликтүү, штаттык жана федералдык деңгээлде иликтөө жүргүзүлүп жатат. Көз жумган киши Moderna же Pfizer вакцинасыбы, кайсынысы менен эмделгени азырынча белгисиз.

3
Белгилер:
эмдөө, вакцина, АКШ, өлүм, коронавирус
Тема:
Дүйнөгө жайылган коронавирус
Тема боюнча
Кыргызстанда коронавируска каршы эмдөө үч этап менен жүрөт
Коронавирустун жаңы түрүндө өлүм көп катталары айтылды. ДССУ эмне дейт
Ырчы Анжелика. Архив

Жол кырсыгына кабылган Анжелика Кайратовага шашылыш операция жасалды

77
(жаңыланган 15:04 24.01.2021)
Ырчы өзүнүн кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркап, ооруканага түшкөнү айтылган.

БИШКЕК, 24-янв. — Sputnik. Жол кырсыгына кабылган ырчы Анжелика Кайратовага Бишкектеги Травматология жана ортопедия илим-изилдөө борборунда операция жасалды. Бул тууралуу мекеменин маалымат кызматынан билдиришти.

“Бүгүн эртең менен академик Сабыр Жумабеков ырчыга шашылыш түрдө операция жасады. Анын жабыркаган омурткалары калыбына  келтирилди. Азыр бейтаптын абалы туруктуу. Наркоздон акырындык менен ойгонуп, эсине келип жатат”, — дешти маалымат кызматтан.

Эске салсак, ырчы 23-январдын таңында кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркаганы айтылган.

77
Белгилер:
жол кырсык, ден соолук, операция, Анжелика Кайратова, Бишкек
Тема боюнча
Эки тараптуу пневмония. Балдар хирургу Талант Өмүрбеков ооруканага түштү