Бүгүн УКМКнын төрагасы Камчыбек Ташиев Савай айыл өкмөтүнүн башчысы Мунарбек Сайпидиновду кабыл алды

УКМК башчысы Матраимовдун өкүл баласын кабыл алды. Видео

805
(жаңыланган 18:26 23.11.2020)
Камчыбек Ташиев айыл өкмөт башчысынын пикирин уккан соң УКМК эч качан саясий куугунтук менен алектенбей турганын билдирди.

БИШКЕК, 23-ноя. — Sputnik. Бүгүн УКМКнын төрагасы Камчыбек Ташиев Савай айыл өкмөтүнүн башчысы Мунарбек Сайпидиновду кабыл алды. Бул тууралуу ведомствонун маалымат кызматынан билдиришти.

  • Встреча председателя ГКНБ Камчыбека Ташиева с главой Савайского айыл окмоту Мунарбеком Сайпидиновым
    Бүгүн УКМКнын төрагасы Камчыбек Ташиев Савай айыл өкмөтүнүн башчысы Мунарбек Сайпидиновду кабыл алды
    © Фото / пресс-служба ГКНБ
  • Глава Савайского айыл окмоту Мунарбек Сайпидинов во время встречи с председателем ГКНБ Камчыбеком Ташиевым
    Эске салсак, УКМК Кара-Суу районунун Савай айыл өкмөтүнүн башчысы Мунарбек Сайпидинов менен Сарай айыл өкмөтүнүн башчысы Замирбек Тургунбаевдин үйүн тинтүүгө алган. Бул аракеттер криминалдардын облустагы коомдук-саясий кырдаалга таасир этишине жол бербөөгө багытталганы айтылган.
    © Фото / пресс-служба ГКНБ
1 / 2
© Фото / пресс-служба ГКНБ
Бүгүн УКМКнын төрагасы Камчыбек Ташиев Савай айыл өкмөтүнүн башчысы Мунарбек Сайпидиновду кабыл алды
"Төрага УКМКнын кызматкерлерине доомат коюп видеокайрылуу тараткан Сайпидиновду кабыл алып, анын пикирин укту. Жыйынтыгында тиешелүү тараптарга видеокайрылууда айтылган айыптоолор боюнча ар тараптуу жана тыкыр иликтөөнү тапшырды", — деп айтылат билдирүүдө.

Ошондой эле Ташиев УКМК эч качан саясий куугунтук же ушул сыяктуу мотивдер менен иш алып барбасын айтканы кошумчаланды.

Эске салсак, УКМК Кара-Суу районунун Савай айыл өкмөтүнүн башчысы Мунарбек Сайпидинов менен Сарай айыл өкмөтүнүн башчысы Замирбек Тургунбаевдин үйүн тинтүүгө алган. Бул аракеттер криминалдардын облустагы коомдук-саясий кырдаалга таасир этишине жол бербөөгө багытталганы айтылган.

Көп өтпөй Савай айыл өкмөтүнүн башчысы Сайпидинов өзүнүн туугандарына жана Сарай айыл өкмөтүнүн жетекчиси Тургунбаевдин апасына орой мамиле кылынды деп УКМКнын кызматкерлерин айыптап видеокайрылуу жасаган. Мындан улам ведомстводон Сайпидиновдун сөзүн чындыкка туура келбесин айтып, маалыматты төгүндөшкөн.

Белгилей кетсек, аты аталган эки айыл өкмөт башчысы тең 4-октябрда өткөн парламенттик шайлоодо "Мекеним Кыргызстан" партиясынын желеги алдында катышкан. Бири 119, экинчиси 126-тизмеде болчу. Алардын бири Мунарбек Сайпидинов Райым Матраимовдун өкүл баласы экени маалым.

805
Белгилер:
Камчыбек Ташиев, УКМК, Кара-Суу району, Кыргызстан
Тема боюнча
Чай ичкиле дешкен. УКМК Матраимовдун өкүл баласынын айыптоосуна үн катты
Нью-Йорк шаарындагы Эркиндик айкели. Архив

Байден АКШга кирчүлөргө жаңы эрежелерди киргизди

54
(жаңыланган 09:54 22.01.2021)
Жозеф Байден кызматка киришери менен экс-президент Дональд Трамптын бир катар жарлыктарын жокко чыгарган.

БИШКЕК, 22-янв. — Sputnik. АКШ президенти Жозеф Байден Кошмо Штаттарга кире турчу адамдардан ПЦР-анализи терс чыккан маалымдамаларды гана эмес, карантин да талап кылынарын жар салды. Бул тууралуу РИА Новости жазды.

"Вирустун жаңы штаммын аныктап калсак, АКШга башка мамлекеттерден учуп келгендерге жаңы чараларды киргизебиз. Ар бири бет капчан болушу шарт. Ошондой эле АКШга келе турчулар учакка отурарда коронавируска тест тапшырып, Америкага келгенде карантинден өтүшү зарыл", — деген Байден.

Белгилей кетсек, Байден кызматка киришери менен экс-президент Дональд Трамптын бир катар жарлыктарын жокко чыгарган.

Алгач президент АКШны кайрадан Дүйнөлүк саламаттык сактоо уюмуна мүчө кылып киргизди. Эске салсак, 2020-жылдын апрель айында Американын ал кездеги лидери Трамп ДССУну Кытайга өтө эле көңүл бурарын, болбосо уюм АКШ бөлгөн акчанын көпчүлүк үлүшүн аларын айтып чыккан. Июль айынан баштап Кошмо Штаттар уюмдан чыгуу процессин баштаган.

54
Белгилер:
эреже, карантин, коронавирус, Жо Байден, АКШ
Тема боюнча
Байден мигранттарга коюлган чектөөлөр боюнча Трамптын жарлыгын жокко чыгарды
АКШ кайрадан ДССУга кошулду. Байден Трамптын бир нече жарлыгын жокко чыгарды
Абактагы адам. Архив

Финполдун Ички иликтөө башкармалыгынын башчысы Токоев эки айга камалды

40
(жаңыланган 09:47 22.01.2021)
Финполдун жооптуу кызматкери 2014-2020-жылдары көптөгөн кыймылсыз мүлккө ээ болгону, ал мүлктөр жакын туугандарына көмүскө түрдө катталганы айтылат.

БИШКЕК, 22-янв. — Sputnik. Мыйзамсыз байыган деп кармалган Финполдун Ички иликтөө жана коопсуздук башкармалыгынын башчысы Айбек Токоев эки айга камалды. Бул тууралуу Биринчи май райондук сотунун маалымат кызматы кабарлады.

Билдирүүгө ылайык, 20-январда Биринчи май райондук сотунда Токоевдин баш коргоо чарасы тандалып, 18-мартка чейин УКМКнын тергөө абагына киргизүү чечими кабыл алынган.

УКМКнын Коррупцияга каршы кызматы Айбек Токоевди 18-январда кармаган. Ал 2014-2020-жылдар аралыгында көптөгөн кыймылсыз мүлккө ээ болгону, ал мүлктөр анын жакын туугандарына көмүскө түрдө катталганы айтылат. Алдын ала эсептөөлөр боюнча, кыймылсыз мүлк жана финансылык активдери 4 миллион долларга бааланып, мыйзамдуу кирешесине дал келген эмес.

40
Белгилер:
жетекчи, УКМК, кармоо, финансы полициясы
Тема боюнча
УКМК Ветинспекциянын мурдагы башчысы Жумакановду экинчи ирет кармады
Сот Кылыч Саркарбаев үй камагына чыгарылганын тастыктады
Ирландиялык Конор Макгрегор менен америкалык Дастин Порье беттеш учурунда. Архив

Макгрегор Порьенин кармашын кайдан көрүүгө болот? Түз эфирлердин тизмеси

0
(жаңыланган 10:30 22.01.2021)
Конор Макгрегор менен Дастин Порьенин UFC 257 мелдешиндеги кармашы уюмдун 2021-жылдагы чоң окуясы болот. Sputnik Кыргызстан редакциясы окурмандарга түз алып көрсөтө турган телеканалдардын, сайттардын тизмесин сунуштайт.

БИШКЕК, 22-янв. — Sputnik. Ушул аптанын аягында UFC жаңы жылдагы кезектеги мелдешин өткөрөт. Октагондо промоушендин атактуу мушкерлери ирландиялык Конор Макгрегор менен америкалык Дастин Порье күч сынашат.

Кармаш 24-январда Абу-Дабидеги "Мушкерлер аралы" спорттук жайында өтүүчү UFC 257 мелдешинде болот. Атлеттер жылдызы жанып келе жаткан мезгилде, 2014-жылы беттешип, ирландиялык спортчу биринчи эле раундда техникалык нокаут менен уткан.

Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө тең үчүн өтө маанилүү.

Макгрегор таймашка узак убакыттагы тыныгуудан соң чыгып жатат, ал акыркы жолу өткөн жылдын январында Дональд Серроне менен кармашып, аны 40 секундада нокаутка түшүргөн.

Атаандашы Порье да 2020-жылы бир гана беттеш өткөргөн. Америкалык мушкер июнь айында Дэн Хукер менен октагонго чыгып, калыстардын бир добуштан чыгарган чечими менен уткан.

Макгрегор — Порье беттеши качан, кайсын жерде өтөт

Таймаш UFC 257 мелдешинин алкагында Абу-Дабидеги "Мушкерлер аралында" жайгашкан Etihad Arena спорттук жайында өтөт. Жеңил салмактагы мушкерлердин кармашы кеченин башкы беттеши болот. Спорттук иш-чаранын катардагы беттештери 24-январда Бишкек убактысы боюнча саат 08:00дө башталып, болжол менен 10:30га чейин созулат. Ал эми кеченин башкы беттеши болжолдуу түрдө 10:30дарда болот.

Мелдештин башкы беттеши Макгрегор — Порье кармашын түз эфирден кайсыл сайттан же телеканалдардан көрүүгө болот

Кыргызстанда мелдешти түз эфирден РЕН ТВ телеканалы көрсөтөт. Ал башкы беттешке чейинки негизги кард деп саналган Жессика Ай (АКШ) — Жоан Калдервуд (Шотландия), Дэн Хукер (Жаңы Зеландия) — Майкл Чендлер (АКШ) таймаштарын көрсөтөт. РЕН ТВнын сайтындагы маалыматка ылайык, кармаштар Бишкек убактысы боюнча 09:40та башталат.

Setanta Sports спорттук телеканалы ММА спортунун күйөрмандарына акысыз түз эфир тартуулоону убада кылууда. Ал эми акы төлөп катталып UFC TV (Wink тиркемеси) жана UFC Fight Pass аркылуу беттештерди көрүүгө болот.

0
Белгилер:
түз эфир, Конор Макгрегор, Дастин Порье, UFC, мелдеш, кармаш
Тема боюнча
Эстеп көрөлү. Макгрегор менен Порьенин алгачкы беттешинин видеосу жарыяланды
Апамды таарынтып албайын. Хабиб карьерасын улантууга үндөгөндөргө жооп берди