Милиция кызматкери. Архив

Киши өлтүрүп, тоноп, зордуктап... Милиция 121 кылмыштын бетин ачты

102
(жаңыланган 10:07 25.11.2020)
ИИМдин "Издөө" операциясынын алкагында кылмышкерлер жүрөт деп болжолдонгон жерлер текшерилген.

БИШКЕК, 25-ноя. — Sputnik. Ички иштер министрлиги ушул жылы өлкө аймагында "Издөө" операциясын жүргүзүп, жүздөн ашуун кылмыштын бетин ачып, бир нече кишини колго түшүрдү. Бул тууралуу мекеменин маалымат кызматы билдирди.

Криминалдык милиция кызматынын маалыматы боюнча, рейддик иш-чарада издөөгө алынган кылмышкерлердин болжолдуу жүргөн жерлери текшерилип, дайынсыз жоголгондордун кайда жүргөндүгүн жана өздүгү такталбаган сөөктөрдүн ким экендигин аныктоо боюнча аракеттер болду.

"Операция жүргүзүү маалында ички иштер органдары мыйзамга каршы аракеттерди жасап, анын ичинен оор кылмыштар үчүн издөөдө жүргөн 92 адамды кармады. Адам өлтүрүү үчүн кол салган деп бир, карактаган бир, тоногон бир жана башка кылмыштарды жасаган 46 киши колго түштү. Ошондой эле КМШ өлкөлөрүнүн укук коргоо органдары издөөгө алган эки жана мамлекеттер аралык издөөдө жүргөн бир адам кармалды", — деп айтылат маалыматта.

Мындан сырткары, ыкчам-алдын алуу операциясында 121 кылмыш ишинин бети ачылды.

"Алардын ичинен киши өлтүрүү боюнча бир, ден соолукка атайылап зыян келтирүү боюнча үч, зордуктоо боюнча эки, тоноо боюнча эки, уурулук боюнча 40, алдамчылык 35, ээнбаштык 9, автомототранспорт каражаттарын мыйзамсыз ээлеп алуу боюнча бир жана башка 25 кылмыш болду", — деп жазылган билдирмеде.

Буга кошумча "Издөө" операциясынын жүрүшүндө баңгизаттарга тиешелүү эки факты, ок атуучу курал жана ок-дарыларды мыйзамсыз сактоо боюнча дагы эки факты аныкталган.

Дайынсыз жоголгон 21 адамдын кайда жүргөндүгү жана өздүгү такталбаган алты өлүк тууралуу маалыматтар белгилүү болгон.

102
Белгилер:
операция, кармоо, кылмыш, ИИМ
Тема боюнча
Сокулукта токмоктолгон жеткинчек. Өгөй атасы милицияга жеткирилди
Милиция бөлүмүндө көз жумган шектүү жигит. Алты кызматкер кармалды
Көк чай. Архив

Адис узак өмүр сүрүү үчүн төрт эрежени эстен чыгарбоону эскертти

2
Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

БИШКЕК, 22-янв. — Sputnik. Нутрициолог Марк Гилберт Express басылмасына берген маегинде ден соолукту бекемдеп, узак өмүр сүрүү үчүн туура тамактануу керектигин айтты. Бул тууралуу РИА Новости жазды.

Адистин айтымында, биринчи кезекте калориялуу азыктарды азайтуу керек. Анткени калориясы төмөн тамак рациону картаюуну жайлатып, рак, Альцгеймер жана кант диабети илдеттерин алдын алат.

Нутрициолог организмге D витамини өтө зарыл экенин белгилеп, ал иммунитет менен тыгыз байланышта болоруна токтолгон.

"Жемиштерди көп жегиле. Себеби ал жүрөктүн иштөөсүн жакшыртып, иммунитетти бекемдеп, кан басымын түшүрөт. Жемиштер холестериндин топтолушун да алдын алат", — деген адис.

Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

Бул эрежелерди бир аз убакыт эле сактаган учурда адамдын ден соолугу бир топ жакшыра турганы айтылды. Ал эми аларды дайыма аткарса, адамдын узак жашоо мүмкүнчүлүгү көбөйөт.

2
Белгилер:
кеңеш, ден соолук, өмүр
Тема боюнча
Кайсы суусундук рак оорусун алдын алат? Далилденген изилдөө
Балык уулап жаткан адамдар. Архив

Айыл чарба министрлиги муз үстүндө балык кармоо боюнча мелдеш өткөрөт

5
Бул иш-чара сергек жашоого үндөө жана балык уулоо спортун өнүктүрүү максатында уюштурулууда. Мелдешке ондон ашык команда катышары күтүлүп жатат.

БИШКЕК, 21-янв. — Sputnik. Айыл чарба министрлигинин алдындагы Балык чарба департаменти муз үстүндө балык кармоо боюнча мелдеш өткөрөт. Бул тууралуу министрликтин маалымат кызматы кабарлады.

Чүй-Бишкек балык уулоочулар жана балыкчылар коомдук бирикмеси менен биргеликте уюштурулуп жаткан бул иш-чара 23-январга белгиленген.

"Иш-чара сергек жашоо мүнөзүн жайылтуу жана Кыргызстанда балык уулоо спортун өнүктүрүү максатында уюштурулууда. Биздин өлкөдө спорттун бул түрүн жигердүү өнүктүрүүгө бардык шарттар түзүлгөн. Учурда Балык чарба департаменти дарыя сууларында жашоочу осман жана форель балыктарын кармоого уруксат билеттерин берет", — деп билдирген Балык чарба департаментинин директору Эдил Ниязов.

Мелдеш Төмөнкү Ала-Арча каналындагы 3-суу сактагычта өтөт. Каалоочулар команда түзүп катыша алышат. Командада капитанды кошкондо төрт адам болушу керек.

Толук маалымат алуу үчүн 0 (312) 31 86 23, 0 (312) 319046, 0 700 95 69 40 номерлерине кайрылууга болот.

5
Белгилер:
Айыл чарба жана мелиорация министрлиги, балык, мелдеш, балык уулоо
Тема боюнча
Кышкысын балык уулоодо муздун калыңдыгы канча болушу керек?