Өрттөнүп кеткен Башкы прокуратуранын эски имаратыны. Архив

Башкы прокуратуранын өрттөлгөн имаратынын ордуна шаардык кеңешке кеңсе курулат

89
(жаңыланган 10:56 25.11.2020)
Курулушка болжолдуу түрдө канча каражат кете турганы азырынча айтыла элек. Мэрдин милдетин аткаруучу долбоор иштелип чыкканда маалым болорун билдирет.

БИШКЕК, 25-ноя. — Sputnik. Өрттөнүп кеткен Башкы прокуратуранын эски имаратынын ордуна Бишкек шаардык кеңешине жана бир катар шаардык мекемелерге жети кабаттуу жаңы имарат куруу пландалууда. Бул тууралуу Sputnik Кыргызстан агенттигине мэрдин милдетин аткаруучу Балбак Түлөбаев билдирди.

Анын айтымында, учурда долбоорлоо үчүн тендер жарыяланган, анын жыйынтыгы менен курулуш качан башталары маалым болот. Ал шаардык бюджеттин эсебинен жүргүзүлөт.

Түлөбаев сарпталган каражат жаңы курулган жайга көчүрүлгөн шаардык кызматтардын мурдагы имараттарын ижарага берүүдөн бюджетке кайтарылышы мүмкүн экенин белгиледи.

"Учурда шаардык кеңештин кызматкерлери мэриянын административдик имаратында кысылган шартта иштеп келишет, ар бир кеңседе көп адам отурат. Жаңы имаратка башка кызматтарды дагы көчүрүү пландалууда. Балким, келечекте Бишкек шаардык кеңеши Москвадагыдай эле туруктуу иштеп турушу мүмкүн", — деди мэрдин милдетин аткаруучу.

Курулуштун болжолдуу баасы аны долбоорлоодон кийин белгилүү болору кошумчаланды.

Учурда мэрия менен шаардык кеңеш Чүй жана Манас көчөлөрүнүн кесилишиндеги имаратта чогуу отурушат.

Башкы прокуратуранын Орозбеков менен Киев көчөлөрүнүн кесилишиндеги мурдагы имараты 2010-жылдагы апрель окуясында өрттөнүп кеткен.

89
Белгилер:
план, курулуш, имарат, шаар, Бишкек мэриясы, Бишкек
Тема боюнча
Мэрия Башкы прокуратуранын өрттөлгөн имаратынын тагдырын чечмей болду
Өзгөчө кырдаалдар министрлигинин Суучулдарды даярдоо жана суу алдындагы техникалык иштерди жүргүзүү кызматы атайын машыгуу өткөрдү.

Музду чагып, суунун ичин тинткен куткаруучулар. ӨКМдин машыгуусу видеодо

2
Өзгөчө кырдаалдар министрлигинин Суучулдарды даярдоо жана суу алдындагы техникалык иштерди жүргүзүү кызматы атайын машыгуу өткөрдү.

Видео мекеменин YouTube каналына жүктөлдү. Машыгуу Чүй облусунун ГЭС-5 эс алуу борборунда өткөн.

Суучулдар муздун алдында издөө-куткаруу иш-чараларын жүргүзүүгө тартылары белгиленди.

Куткаруучу-суучулдар күжүрмөн даярдыкта болуу үчүн маал-маалы менен муз алдында практикалык жана теориялык көнүгүүлөрдү аткарып турушат.

2
Белгилер:
машыгуу, суучул, куткаруучу, ӨКМ
Тема боюнча
Жети-Өгүздө балык уулоого кеткен кишинин сөөгү табылды. Сүрөт
Көк чай. Архив

Адис узак өмүр сүрүү үчүн төрт эрежени эстен чыгарбоону эскертти

17
Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

БИШКЕК, 22-янв. — Sputnik. Нутрициолог Марк Гилберт Express басылмасына берген маегинде ден соолукту бекемдеп, узак өмүр сүрүү үчүн туура тамактануу керектигин айтты. Бул тууралуу РИА Новости жазды.

Адистин айтымында, биринчи кезекте калориялуу азыктарды азайтуу керек. Анткени калориясы төмөн тамак рациону картаюуну жайлатып, рак, Альцгеймер жана кант диабети илдеттерин алдын алат.

Нутрициолог организмге D витамини өтө зарыл экенин белгилеп, ал иммунитет менен тыгыз байланышта болоруна токтолгон.

"Жемиштерди көп жегиле. Себеби ал жүрөктүн иштөөсүн жакшыртып, иммунитетти бекемдеп, кан басымын түшүрөт. Жемиштер холестериндин топтолушун да алдын алат", — деген адис.

Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

Бул эрежелерди бир аз убакыт эле сактаган учурда адамдын ден соолугу бир топ жакшыра турганы айтылды. Ал эми аларды дайыма аткарса, адамдын узак жашоо мүмкүнчүлүгү көбөйөт.

17
Белгилер:
кеңеш, ден соолук, өмүр
Тема боюнча
Кайсы суусундук рак оорусун алдын алат? Далилденген изилдөө