Кыргызстандын жаранын паспорту. Архив

Чет элдиктерге кыргыз жарандыгын сатуу сунушталууда. Жаңы мыйзам долбоор

1295
(жаңыланган 13:12 25.11.2020)
Мыйзам долбоорго ылайык, Кыргызстандын жарандыгын алгысы келген чет элдик жаран атайын эсепке 100 миң доллар которушу керек.

БИШКЕК, 25-ноя. – Sputnik. Кыргызстанга 100 миң долларлык инвестиция жасаган чет элдик жарандарга кыргыз жарандыгын берүү сунушталып жатат.

Мыйзам долбоорду депутат Дастан Бекешев жазып, документ коомдук талкууга коюлду. Андагы маалыматка караганда, бир катар мамлекеттерде "Инвестициялардын ордуна жарандык" деген программа иштеп келет. Аны Кыргызстанда дагы ишке ашырууга болору белгиленди.

"Бул мыйзам долбоор инвестициялардын ордуна чет элдиктерге Кыргыз Республикасынын жарандыгын берүү механизми аркылуу Кыргызстандын тышкы карызын төлөө үчүн акча топтоо максатында иштелип чыкты", — деп айтылат документте.

Ага ылайык, Кыргызстандын тышкы карызын төлөө үчүн каражатты аккумуляциялоо боюнча атайын эсепке 100 миң доллар төлөгөн чет элдиктерге Кыргызстандын жарандыгы жөнөкөйлөштүрүлгөн тартипте берилет.

Буга окшош мыйзамдар бир катар өлкөлөрдө бар экени белгиленген. Мисал катары Сент-Китстеги жарандык боюнча эрежелер келтирилген.

"Сент-Китс кош инвестициялык жарандыкты сунуштаган алгачкы өлкөлөрдүн бири. "Инвестициялардын ордуна жарандык" программасы 1984-жылдан тартып ишке ашкан. Инвестициялоого бир нече мүмкүндүк бар: туруктуу өнүгүү фондуна 183 150 доллар которуу же 288 150 долларга кыймылсыз мүлк сатып алуу. Бул өлкөнүн жарандыгы 150 өлкөгө визасыз кирүүгө мүмкүндүк берет", — деп жазылган документте.

Дүйнөдө инвестициялардын ордуна жарандыкты сунуштаган 30дай өлкө бар экени кошумчаланган.

Эгер мыйзам долбоор кабыл алынып калса, Кыргызстан инвестициялардын ордуна жарандыкты сунуштаган Борбор Азиядагы биринчи мамлекет болмокчу.

"Биздин өлкө үчүн бул программа тышкы карызды төлөө үчүн каражат тартууга мүмкүндүк берет. Мыйзам кабыл алынган учурда өкмөт тышкы карызды төлөө үчүн каражатты аккумуляциялоо боюнча атайын эсеп ачышы керек", — деп айтылат долбоордо.

Белгилей кетсек, мында чет элдик жарандар Кыргызстандын жалпы чек арага ээ болгон мамлекеттерден болбошу керек.

1295
Белгилер:
инвестициялар, жарандык, тышкы карыз, Кыргызстан
Тема боюнча
Депутаттар 2020-2021-жылдардын бюджетин бекитүүдө. ЖК жыйынынан видео
ЖК социалдык өнүктүрүү министри кызматына Ализа Солтонбекованы колдоду
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

21
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

21
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

23
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

23
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду