Жолдогу автоунаалар. Архив

Жол тайгакта айдоочулар эсинен чыгарбай турчу 6 эреже

292
(жаңыланган 14:05 26.11.2020)
Айдоочулардын баары эле жол тайгакта жана суук түшкөндө автоунаа башкаруу эрежесин биле бербейт. Айрыкча тажрыйбасы аз жана жаңы үйрөнчүктөр кыйналат. Алардын арасында биринчи жолу кышында машина айдап жаткандары болушу ыктымал.

Буга байланыштуу Sputnik Кыргызстан агенттиги "Жол эрежеси" рубрикасынын алкагында айдоочуларга кышкы сезонго унааны кантип даярдап, жол тайгакта башкаруу эрежелери тууралуу пайдалуу маалыматтарды чогултту.

Керектүү маалыматтар Жол кыймылы коопсуздугун камсыздоо башкармалыгы менен инструктор Саламат Дүйшеевден алынды.

Автоунааны кыш мезгилине даярдоо. Кар жаап салды, кыш дагы үч айга созулат. ЖКККББ айдоочуларга бул сезонго өзгөчө даярдык көрүүнү эскертти.

Биринчи кезекте унаанын техникалык абалына көңүл буруу зарыл. Айдоочу автоунаасынын жарык берүүчү фараларын карап, айнек тазалоочу, электр шаймандарын даярдап, аккумулятордун туура иштеп жатканын текшертип коюшу шарт.

Жайкы дөңгөлөктөрдү кышкыга сөзсүз алмаштыруу керек. Дөңгөлөктөрдү өз убагында алмаштыруу айдоочуга жолдо ишенимдүү жүрүүгө мүмкүнчүлүк берип, жол кырсыктарын азайтууга өбөлгө болот.

Ылдамдык менен аралыкты сактоо. Айдоочулар кыш мезгилинде ушул эки эрежени так сакташы керек. Инструктор кар жааганда жол чырактын алды 10 метрге чейин тайгак болуп каларын эскертип, айдоочулар ага жакындаганда ылдамдыкты азайта башташы керектигин айтты.

Айдоочу тормозду жол чыракка келгенде же токтоп турган унаалардын катарына кошулганда баспаш керек. Кызыл же сары күйүп турганын көрөрү менен акырындап тормозду басып, ылдамдыкты жайлатып келгени дурус.

Алдыңкы автоунаадан болжол менен 20 метрдей алыс туруу керек. Жол тайгакта тормоз дароо кармабай калышы ыктымал. Алдыңкы автоунааны сүзүп албайын десеңиз, андан 18-20 метр алыс токтогонуңуз оң. Канчалык алыс болсо, ошончо коопсуз. Жол тыгында газды дароо тээп айдабай, акырын гана басуу керек. Эгер автокөлүк тайгаланып токтобой жатса, тормозду бирде басып, бирде кое берип отуруп аны эки-үч ирет кайталаш керек. Ошондон кийин автоунаа токтойт. Тайгак жерден эч качан тормозду дароо баспаш керек.

Туман түшүп айлана көрүнбөй калганда эскертүүчү жарыкты күйгүзүү зарыл. Күн суукта туман бат-баттан түшүп, күндүз болобу, кечинде болобу, айлана жакшы көрүнбөй калат. Эгер тумандан эки метрге чейин алыстык көрүнбөй кала турган болсо, анда айдоочу автоунаанын "аварийкасын" күйгүзүп алышы керек. Айлана жакшы көрүнбөгөн шартта автоунаанын габарит жарыктарын жандырып койгон оң. Тегерек жакшы көрүнбөгөн кезде габарит жарыктар эле эмес, жакын жарыктын фаралары, унаанын алдында жана арт жагында жайгашкан туманга каршы фаралар, ошондой эле фонарлар күйгүзүлүүгө тийиш.

Жөө адамдар өтүүчү чийинге аз калганда ылдамдыкты жайлатуу. Мындай өткөөл жерлерге аз калганда сөзсүз ылдамдыкты азайтуу зарыл. Анткени жол тайгакта автоунааны дароо токтото албай калышыңыз ыктымал. Жөө адамдар кышкысын жылуу кийим кийип, топу, капюшончон жүрүшөт. Алар автоунааны карабай өтүп кетиши ыктымал же байкабай, укпай калышы толук мүмкүн. Ошондой эле тайгакта бурулуш, кайрылыш жерлерден да автоунаанын ылдамдыгын азайтып бурулуу кажет.

Кыйын кырдаал жаралса. Кокус айдоочу же жөө адам жолдон кыйын кырдаалга кабылса, ЖКККББнын бөлүмдөрүнө кайрыла алышат. Ал үчүн 0312 63-09-01, 0556 63 00 09 телефондоруна чалып же 0703 63 09 00 (Whats App) номерине жазса болот.

292
Белгилер:
кыш, тыгын, эреже, айдоочу, автоунаа
Тема боюнча
Декабрга карата аба ырайы. Тоолуу жерлерде суук 34 градуска жетет
Тоок. Архив

АКШда аял тоогунун жүрөгүн дарылатыш үчүн 10 миң доллар сарптады

8
(жаңыланган 14:42 24.01.2021)
Блю деп аталган тоогунун абалын байкаган кожойкеси адистерге кайрылган. Алар канаттуунун канынан анализ алып, УЗИ, рентген жана эхокардиографиядан өткөрүшкөн.

БИШКЕК, 24-янв. — Sputnik. АКШда Веллингтон шаарынын тургуну тоогунун жүрөгүн дарылатыш үчүн 10 миң доллар сарптады. Бул тууралуу "National Geographic Россия" кабарлады.

Ага ылайык, эки жыл мурда аял зоологиялык дүкөндөн жөжө сатып алып, аны үйүндө багып келген. Тоогу Блюнун абалы начарлагандыгын байкаган кожойкеси адистерге кайрылган. Алар канаттуунун канынан анализ алып, УЗИ, рентген жана эхокардиографиядан өткөрүшкөн. Жыйынтыгында тооктун жүрөгү ооруй турганы аныкталган.

​Ветеринарлардын көрсөтмөсүн укканда Селена Нотнагель тоогу жок жашай албай турганын айткан.

"Ал менин жанымдын бир бөлүгү. Күйөөмө "эгер Блю жакшы болбосо, анда чуңкурду экөөбүздү ылайыктап каз" деп айттым. Мен ал жок кантип жашаарымды билбейм", — деген Нотнагель.

Канаттууга адистер операция жасаган. Медициналык процедурадан кийин Блю тамак жеп, басып, мурдагы калыбына келген. Аны дарылатууга 10 миң долларга чукул каражат сарпталганы маалым болду.

8
Белгилер:
каражат, канаттуулар, операция, тоок, АКШ
Тема боюнча
Индияда ээси менен обон созгон ит интернетти жарды. Видео
Ырчы Анжелика Кайратова. Архив

Ырчы Анжелика жол кырсыгына кабылып, кызы жаракат алды. Чоо-жайы

217
(жаңыланган 14:17 24.01.2021)
Жабыркаган кыз кечээ Түп райондук ооруканасында калтырылган. Ал эми бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

БИШКЕК, 24-янв. — Sputnik. Ырчы Анжелика Кайратова кыздары менен чогуу келе жатып, Ысык-Көл облусунда жол кырсыгына кабылган. Анын беш жаштагы кызы жабыркап, ооруканага түшкөнүн Облустук үй-бүлөлүк медицина борборунун директору Жибек Жайылмышева билдирди.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

"Автоунаада беш киши болгон. Ырчынын беш жаштагы кызынын эки бутунун тең сан сөөктөрү сынып кеткен. Башкаларына медициналык жардам зарыл болгон жок", — деди директор.

Маалыматка караганда, алар Бишкекке жөнөтүлгөн. Ал эми жабыркаган кыз кечээ Түп райондук ооруканасында калтырылган. Бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

Кырсык 23-январда таңкы саат алтыларда Балбай айылынын жанынан болгондугу маалымдалды. 

Кийин ырчы өзүнүн Instagram баракчасына колдоо көрсөткөндөргө ыраазычылык билдирип пост жазды.

"Аллахка чексиз мактоолор. Доктурларга таазим. Баары шүгүр. Чын жүрөктөн төртөөбүзгө берип жаткан дуаларыңыздар кабыл болсун. Аманбыз", — деди Кайратова.

Маалыматка караганда, автоунаанын ичиндеги калган жүргүнчүлөр катуу жаракат алган эмес. 

 

217
Белгилер:
автоунаа, кыз, жол кырсык, Анжелика Бекболиева
Тема:
2021-жылдын башынан бери Кыргызстанда болгон жол кырсыктар
Тема боюнча
Ырчы Юлия Руцкаянын апасын милициянын унаасы сүзүп кетти. Окуянын чоо-жайы
Автоунаа мүрзөнү тоскон дубалды сүзгөн. Сания Шакирова каза болгон кырсыктын чоо-жайы