Бала менен кыз кол кармашып бара жатат. Архив

Бишкекте жоголгон бир тууган балдар Жалал-Абаддан табылды

118
(жаңыланган 09:56 26.11.2020)
Балдар 25-ноябрь күнү эртең менен 6-кичи райондогу батирден ойноп келүүгө чыккан боюнча кайтып келишкен эмес.

БИШКЕК, 26-ноя. — Sputnik. Бишкекте изделип жаткан 11 жаштагы кыз менен 8 жаштагы бала Жалал-Абад шаарынан табылды. Бул тууралуу Октябрь райондук ички иштер башкармалыгынын маалымат кызматы кабарлады.

Ага ылайык, 25-ноябрь күнү милицияга 11 жаштагы Даткайым Салижанова менен 8 жаштагы Барсбек Салижановдун энеси кайрылган. Анын айтымында, балдары 25-ноябрь күнү саат 10:20да 6-кичи райондо жайгашкан батиринен ойноп келүүгө чыккан боюнча келишкен эмес.

"Буга байланыштуу балдарды издөө иштери башталган. 26-ноябрга караган түнү болжол менен саат 01:40та балдардын атасы кызы менен уулу Жалал-Абадда экенин кабарлаган. Ага бул тууралуу туугандары чалып айтышкан", — деп жазылат маалыматта.

Табылган бир туугандар аман-эсен экени кошумчаланды.

Бишкек ШИИБ ата-энелерге жана балдарга эгер коопсуздукка коркунуч жаралса, жакын жайгашкан милиция бөлүмдөрүнө кайрылып же 102 номерине чалууну эскертти.

118
Белгилер:
милиция, ата-эне, издөө, бала, Жалал-Абад, Бишкек
Тема боюнча
Киши өлтүрүп, тоноп, зордуктап... Милиция 121 кылмыштын бетин ачты
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

7
(жаңыланган 22:03 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Алмаз Акматов 2015-жылы "Бир Бол" партиясынын тизмеси менен депутат болуп шайланган.

7
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

17
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

17
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды