Беткап кийген аял. Архивдик сүрөт

Баткенде "Ата-энеңди кооптуу илдеттен сакта" акциясы башталат

203
(жаңыланган 12:45 26.11.2020)
Иш-чара 1-декабрдан коронавирус илдети азайганга чейин уланат. Тийиштүү буйрукка өкмөттүн Баткен облусундагы өкүлү кол койгон.

БИШКЕК, 26-ноя. – Sputnik. Баткенде 1-декабрдан тарта "Ата-энеңди кооптуу илдеттен сакта" иш-чарасы башталат. Бул тууралуу өкмөттүн Баткендеги өкүлчүлүгүнүн маалымат катчысы Чолпон Бердикулова билдирди.

Анын айтымында, иш-чаранын алкагында окуучулар, студенттер, жалпы эле жаштар арасында түшүндүрүү иштери жүргүзүлүп, акция, флешмоб жана ЖМК аркылуу атайын берүүлөр уюштурулат. Мындай иш-чаралар 1-декабрдан коронавирус илдети азайганга чейин уланмакчы. Тийиштүү буйрукка өкмөттүн Баткен облусундагы өкүлү Жаныбек Жалалов кол койгон.

"COVID-19 негизинен жашы улгайган жана өнөкөт оорусу бар жарандар үчүн абдан кооптуу. Саламаттык сактоо министрлигинин анализинин негизинде өлкөбүздө өлүм учурларынын көпчүлүгү 60 жаштан ашкан бейтаптардын арасында болууда. Ал эми Дүйнөлүк саламаттык сактоо уюмунун эксперттеринин корутундусунда 65 жаштан өткөн адамдар вируска чалдыкса, 15 пайызы өлүмгө дуушар болуп жатат. Кыш мезгилинде өнөкөт жана сезондук жугуштуу оорулардын күчөшүнө байланыштуу 60 жаштан ашкан жарандарга коомдук жайларга, базарларга, эл көп топтолгон иш-чараларга барбоону жана үйдөн чыкпай санитардык нормаларды сактоо зарылдыгын эскертебиз", — деди Бердикулова.

Ал ошондой эле улгайган жарандарды кооптуу илдеттен сактоодо жаштардын жоопкерчилиги өтө чоң экенин белгилеп, ата-энесине балдары ооруну жугузуп койгон учурлар көп болуп жатканын кошумчалады.

203
Белгилер:
акция, ата-эне, коронавирус, Баткен
Тема:
Коронавируска байланыштуу Кыргызстандагы кырдаал (2552)
Тема боюнча
COVID-19дан алты киши көз жумду, бешөө — Бишкектин тургуну
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

65
(жаңыланган 22:06 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрында Нарын облусундагы Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

65
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

34
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

34
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды