Тепкич. Архив

Ошто тепкичтен автоунаа менен чыккан адам мурдагы милиционер экени такталды. Видео

380
(жаңыланган 16:35 26.11.2020)
Рулда отурган жигит жанындагы жаңы автоунааны текшерип көрүү үчүн тепкич менен айдап, аны өзүлөрү видеого тарткан.

БИШКЕК, 26-ноя. — Sputnik. Ош шаарында мурунку милиция кызматкери жолтандабас унаасын текшерүү үчүн тепкичтен чыккан. Бул туурасында Ош ШИИБдин маалымат катчысы Замир Сыдыков билдирди.

Анын айтымында, окуя 26-ноябрга караган түнү Ош шаарындагы Рысбай Абдыкадыров көчөсүндө катталган.

Бүгүн эртең менен социалдык тармактарда адамдар түшүп-чыгууга ылайыкталган тепкичтен машинасын айдап чыккан эки жигиттин видеосу тараган. Рулда отурган жигит жанындагы адамдын жаңы алган унаасын текшерип көрүү үчүн тепкичке салып, аны өзүлөрү видеого тарткан.

Тепкичтердин четтери талкаланганына байланыштуу Ош шаардык мэриясы бул жарандардын үстүнөн милицияга арыз жазган.

Сыдыков руль башкарган 33 жаштагы шаар тургуну мурда Ош облусундагы милиция бөлүмдөрүнүн биринде иштегени аныкталганын билдирди. Ал Jeep Grand Cherokee үлгүсүндөгү автоунааны айдаган.

Бул факт Кылмыш жана жоруктардын бирдиктүү реестрине катталып, Бузуулар кодексинин 124-беренеси ("Авто ээнбаштык") боюнча сотко чейинки тергөө иштери башталды.

380
Белгилер:
милиция, айдоо, автоунаа, Ош шаары
Тема боюнча
30 миң сом айып салынды. Жол эрежелерин бузган той кортежинин видеосу
Ырчы Анжелика Кайратова. Архив

Ырчы Анжелика жол кырсыгына кабылып, кызы жаракат алды. Чоо-жайы

170
(жаңыланган 14:17 24.01.2021)
Жабыркаган кыз кечээ Түп райондук ооруканасында калтырылган. Ал эми бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

БИШКЕК, 24-янв. — Sputnik. Ырчы Анжелика Кайратова кыздары менен чогуу келе жатып, Ысык-Көл облусунда жол кырсыгына кабылган. Анын беш жаштагы кызы жабыркап, ооруканага түшкөнүн Облустук үй-бүлөлүк медицина борборунун директору Жибек Жайылмышева билдирди.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

"Автоунаада беш киши болгон. Ырчынын беш жаштагы кызынын эки бутунун тең сан сөөктөрү сынып кеткен. Башкаларына медициналык жардам зарыл болгон жок", — деди директор.

Маалыматка караганда, алар Бишкекке жөнөтүлгөн. Ал эми жабыркаган кыз кечээ Түп райондук ооруканасында калтырылган. Бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

Кырсык 23-январда таңкы саат алтыларда Балбай айылынын жанынан болгондугу маалымдалды. 

Кийин ырчы өзүнүн Instagram баракчасына колдоо көрсөткөндөргө ыраазычылык билдирип пост жазды.

"Аллахка чексиз мактоолор. Доктурларга таазим. Баары шүгүр. Чын жүрөктөн төртөөбүзгө берип жаткан дуаларыңыздар кабыл болсун. Аманбыз", — деди Кайратова.

Маалыматка караганда, автоунаанын ичиндеги калган жүргүнчүлөр катуу жаракат алган эмес. 

 

170
Белгилер:
автоунаа, кыз, жол кырсык, Анжелика Бекболиева
Тема:
2021-жылдын башынан бери Кыргызстанда болгон жол кырсыктар
Тема боюнча
Ырчы Юлия Руцкаянын апасын милициянын унаасы сүзүп кетти. Окуянын чоо-жайы
Автоунаа мүрзөнү тоскон дубалды сүзгөн. Сания Шакирова каза болгон кырсыктын чоо-жайы
Медициналык кызматкерлер ооруканада

Бишкекте эки киши каза болуп, өлкөдө 100дөн ашык адам COVID жугузду. Статистика

74
(жаңыланган 11:41 24.01.2021)
Бүгүнкү күндө ооруканаларда 676 бейтап дарыланууда. Алардын үчөөнүн абалы канааттандырарлык болсо, 33 адам өтө оор абалда жатат.

БИШКЕК, 24-янв. — Sputnik. Кыргызстанда соңку бир сутканын ичинде 104 адам коронавирус жугузуп алса, 155 бейтап ооруну жеңип чыкты. Бул тууралуу Республикалык штаб кабарлады.

Илдеттен эки адам каза болуп, экөө тең Бишкек шаарынын тургундары экени айтылды. Ушуну менен өпкөнү сезгенткен оорудан 1 400 кыргызстандык көз жумду.

Бир сутка ичинде катталган жаңы учурлар:

  • Бишкек шаары – 35;
  • Ош – 5;
  • Чүй облусу – 43;
  • Ош облусу – 1;
  • Талас облусу – 1;
  • Нарын облусу – 2;
  • Ысык-Көл облусу – 13;
  • Жалал-Абад облусу – 3;
  • Баткен облусу – 1.

Бүгүнкү статистиканы кошкондо өлкөдө COVID-19 жугузуп алган адамдардын жалпы саны 83 900гө жетти.

Айыгып чыккандар:

  • Бишкек – 59;
  • Ош шаары – 8;
  • Чүй облусу – 44;
  • Ош облусу – 4;
  • Нарын облусу – 4;
  • Ысык-Көл облусу – 25;
  • Жалал-Абад облусу – 6;
  • Баткен облусу – 5.

Ушуну менен коронавирустан сакайгандардын саны 79 927 кишини түздү.

Бүгүнкү күндө ооруканаларда 676 бейтап дарыланууда. Алардын үчөө канааттандырарлык абалда, 419у орточо оор, 221и оор абалда, 33ү өтө оор абалда жатат. Мындан сырткары, 967 бейтап үй шартында дарыланууда.

Бир сутка ичинде өлкө боюнча төрт медицина кызматкери коронавирус менен ооруп калган. Алардын ичинен экөө илдетти кызыл зонадан жуктурган. Үй карантининен үч медик чыгарылган.

74
Белгилер:
статистика, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргыз тарап Россияга "Спутник V" вакцинасын өлкө аймагында өндүрүүнү сунуштады
БУУ менен өкмөт адам укуктарын жакшыртуу боюнча талкуу жүргүздү

Нурмагомедов Макгрегор Порьеден жеңилгенден кийин үн катты

0
(жаңыланган 14:20 24.01.2021)
Спортчулар UFC 257 мелдешинин башкы беттешинде кезиккен. Америкалык мушкер кармаштын экинчи раундунда бир катар соккулары менен таамай тийип, атаандашын техникалык нокаутка түшүрдү.

БИШКЕК, 24-янв. — Sputnik. БИШКЕК, 24-янв. — Sputnik. UFC уюмунун жеңил салмактагы чемпиону Хабиб Нурмагомедов ирландиялык Конор Макгрегордун америкалык Дастин Порьеден жеңилгени боюнча пикирин билдирди. Бул тууралуу Р-Спорт жазды.

Эки мушкер бүгүн, 24-январда, UFC 257 мелдешинин башкы беттешинде кезиккен. Америкалык спортчу кармаштын экинчи раундунда нокаут менен утту.

"Сени чемпион кылган команданы алмаштырып, спарринг-өнөктөштөрдү чанып, чындыктан алыстап, жаш балдар менен машыгып жүргөндүн кесепети ушундай болот турбайбы...", — деп Нурмагомедов Twitter баракчасына билдирүү калтырган.

​Буга чейин спорттук карьерасын жыйынтыктаган Хабиб Нурмагомедов Макгрегор — Порье, Чендлер — Хукер беттешине байкоо саларын айткан. Эгер алар чемпиондук наам үчүн кармашка татыктуулугун көрсөтсө, анда октагонго келери мүмкүн экенин билдирген. Мындан улам UFC 257 мелдешинин башкы беттештеринин мааниси арткан.

АКШлык Порье менен ирландиялык Макгрегор бүгүн, 24-январда, Абу-Дабидеги "Мушкерлер аралында" өткөн мелдеште кармашып, Порье атаандашын нокаутка түшүрүп утту.

Россиялык мушкер буга чейин Макгрегорду да, Порьени да титулдук беттеште мөөнөтүнөн мурда утуп, чемпиондук наамын коргогон.

0
Белгилер:
Хабиб Нурмагомедов, Конор Макгрегор, Дастин Порье, UFC