Унаа. Архив

Кышында унаадагы күйүүчү майды үнөмдөөнүн жолу айтылды

772
Унаадагы ашыкча жабдыктарды, маселен, үстүндөгү жүк коюучу шайманды алып салуу керек. Унааны туура айдоо дагы маанилүү жагдай экени айтылат.

БИШКЕК, 29-ноя. – Sputnik. Россиядагы "За рулем" журналы кышында унаада күйүүчү майды кантип үнөмдөөнүн жолун жазганын РИА Новости кабарлады.

Кышкысын унаанын кыймылдаткычын кызытуу, салонду жылытуу жана жолдогу катаал абал сыяктуу көрүнүштөргө күйүүчү май чыгым болот.

Биринчиден, унаанын үстүндөгү карды тазаламайынча кыймылдаткычты от алдырбай туруу керек. Ошондой эле унаа ордунан жүрүп баштаганда катуу айдаганга болбойт.

Экинчиден, унаанын кузовундагы карды тазалоо зарыл. Анткени унаанын жүрүшү жана аба басымы жеңил болот. Унаанын дөңгөлөгүнүн басымын көзөмөлгө алуу да маанилүү.

Дөңгөлөктүн басымынын төмөн болушу аласалып кетүү коркунучуна жана күйүүчү майдын ашыкча чыгымына алып келет.

Күйүүчү майды үнөмдөө үчүн унаа-төшөнчө (автоодеяло) пайдаланууга болот. Ал кыймылдаткычты кыска убакта кызытууга өбөлгө болот.

Мындан сырткары, унаадагы ашыкча жабдыктарды, маселен, үстүндөгү жүк коюучу шайманды алып салуу керек. Унааны туура айдоо дагы маанилүү жагдай экени айтылат.

772
Белгилер:
унаа, мотор, Күйүүчү май, үнөмдөө, кеңеш
Тема боюнча
Автоунаанын дөңгөлөгүн кышкыга качан алмаштыруу керектиги айтылды
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

19
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

19
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

58
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

58
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат