Көзөмөл пункту. Архив

Кыргыз-казак чек арасындагы "Каркыра" өткөрмө бекети убактылуу жабылды

87
(жаңыланган 15:55 30.11.2020)
"Каркыра" көзөмөл өткөрмө бекети Ысык-Көл облусунун Түп районунда жайгашкан. Ал көп тараптуу өткөрмө пункту болуп саналат.

БИШКЕК, 30-ноя. — Sputnik. Бүгүн, 30-ноябрдан тарта, кыргыз-казак чек арасындагы "Каркыра" өткөрмө бекети убактылуу жабылат. Бул тууралуу Мамлекеттик чек ара кызматынын маалымат бөлүмү кабарлады.

Мындай чечим аба ырайынын кескин өзгөргөнүнө жана жолдогу шарттын катаал болуп кеткенине байланыштуу чукул кырдаалдарды болтурбоо максатында кабыл алынган. Чектөө бүгүн саат 18:00дөн тарта күчүнө кирет.

"Кыргызстандын "Каркыра" жана Казакстан тараптан "Кеген" өткөрмө бекеттери 2021-жылдын 1-мартына чейин жабылат. Ал жерден жарандардын жана транспорт каражаттарынын өтүүсүнө чектөө коюлат", — деп айтылат маалыматта.

"Каркыра" көзөмөл өткөрмө бекети Ысык-Көл облусунун Түп районунда жайгашкан. Ал көп тараптуу өткөрмө пункту болуп саналат.

87
Белгилер:
чектөө
Тема боюнча
Мамытов казак элчисине транзиттик Бишкек — Талас каттамын жандантууну сунуштады
Ырчы Анжелика. Архив

Жол кырсыгына кабылган Анжелика Кайратовага шашылыш операция жасалды

4
(жаңыланган 15:04 24.01.2021)
Ырчы өзүнүн кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркап, ооруканага түшкөнү айтылган.

БИШКЕК, 24-янв. — Sputnik. Жол кырсыгына кабылган ырчы Анжелика Кайратовага Бишкектеги Травматология жана ортопедия илим-изилдөө борборунда операция жасалды. Бул тууралуу мекеменин маалымат кызматынан билдиришти.

“Бүгүн эртең менен академик Сабыр Жумабеков ырчыга шашылыш түрдө операция жасады. Анын жабыркаган омурткалары калыбына  келтирилди. Азыр бейтаптын абалы туруктуу. Наркоздон акырындык менен ойгонуп, эсине келип жатат”, — дешти маалымат кызматтан.

Эске салсак, ырчы 23-январдын таңында кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркаганы айтылган.

4
Белгилер:
жол кырсык, ден соолук, операция, Анжелика Бекболиева, Бишкек
Тема боюнча
Эки тараптуу пневмония. Балдар хирургу Талант Өмүрбеков ооруканага түштү
Тоок. Архив

АКШда аял тоогунун жүрөгүн дарылатыш үчүн 10 миң доллар сарптады

19
(жаңыланган 14:42 24.01.2021)
Блю деп аталган тоогунун абалын байкаган кожойкеси адистерге кайрылган. Алар канаттуунун канынан анализ алып, УЗИ, рентген жана эхокардиографиядан өткөрүшкөн.

БИШКЕК, 24-янв. — Sputnik. АКШда Веллингтон шаарынын тургуну тоогунун жүрөгүн дарылатыш үчүн 10 миң доллар сарптады. Бул тууралуу "National Geographic Россия" кабарлады.

Ага ылайык, эки жыл мурда аял зоологиялык дүкөндөн жөжө сатып алып, аны үйүндө багып келген. Тоогу Блюнун абалы начарлагандыгын байкаган кожойкеси адистерге кайрылган. Алар канаттуунун канынан анализ алып, УЗИ, рентген жана эхокардиографиядан өткөрүшкөн. Жыйынтыгында тооктун жүрөгү ооруй турганы аныкталган.

​Ветеринарлардын көрсөтмөсүн укканда Селена Нотнагель тоогу жок жашай албай турганын айткан.

"Ал менин жанымдын бир бөлүгү. Күйөөмө "эгер Блю жакшы болбосо, анда чуңкурду экөөбүздү ылайыктап каз" деп айттым. Мен ал жок кантип жашаарымды билбейм", — деген Нотнагель.

Канаттууга адистер операция жасаган. Медициналык процедурадан кийин Блю тамак жеп, басып, мурдагы калыбына келген. Аны дарылатууга 10 миң долларга чукул каражат сарпталганы маалым болду.

19
Белгилер:
каражат, канаттуулар, операция, тоок, АКШ
Тема боюнча
Индияда ээси менен обон созгон ит интернетти жарды. Видео