Бир жылда 850 кыргызстандык ВИЧ жуктурганы аныкталып, 77 киши көз жумду

© Sputnik / Максим Богодвид / Медиабанкка өтүүЭкспресс-тестирование на ВИЧ в Казани
Экспресс-тестирование на ВИЧ в Казани - Sputnik Кыргызстан
Жазылуу
Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

БИШКЕК, 2-дек. — Sputnik. Кыргызстанда 2019-жылы ВИЧ инфекциясын жуктуруп алган 850 адам аныкталды. Бул тууралуу Улуттук статистика комитети билдирди.

Алардын 70 пайызы жыныстык жол менен илештирип алганы белгиленет. Бул илдетке чалдыккандардын саны 2015-жылы 393 болсо, былтыр 595 учурга же 1,5 эсеге көбөйгөнү айтылат.

Ошону менен бирге өткөн жылы 77 адам ВИЧтен көз жумган. Алардын көпчүлүгү (50 киши) эркектер.

"Каза болгондордун айрымдарынын өлүмүнө ашыкча өлчөмдө баңгизат колдонуу жана башкалар себеп болгон. Өлгөндөрдүн дээрлик баары (99 пайызы) 30 жаштан 50 жашка чейинкилер. Башкача айтканда, эмгекке жарамдуу курактагылар. ВИЧ инфекциясынан өлүмдүн эң жогорку көрсөткүчү Ош, Чүй жана Жалал-Абад облустарында катталды", — деп айтылат маалыматта.

Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

Жаңылыктар түрмөгү
0