Тез жардам дарыгерлери. Архив

Коронавирус дагы 420 кишиден табылып, 400 бейтап айыкты

102
(жаңыланган 11:37 03.12.2020)
Бир сутка ичинде өлкөдө 12 медицина кызматкери коронавирус жуктуруп алганы аныкталган. Анын бирөө ооруну кызыл зонадан илештирген.

БИШКЕК, 3-дек. — Sputnik. Өткөн суткада 420 адамдан коронавирус аныкталды. Ошол эле маалда 400 бейтап ооруну жеңип, айыкты. Бул тууралуу Республикалык штаб кабарлады.

Жуктургундар:

  • Бишкек – 179;
  • Ош – 8;
  • Чүй облусу – 112;
  • Ош облусу – 26;
  • Талас облусу – 13;
  • Нарын облусу – 4;
  • Ысык-Көл облусу – 35;
  • Жалал-Абад облусу – 15;
  • Баткен облусу – 28.

Айыккандар:

  • Бишкек – 99;
  • Ош шаары – 55;
  • Чүй облусу – 86;
  • Ош облусу – 21;
  • Талас облусу – 5;
  • Нарын облусу – 12;
  • Ысык-Көл облусу – 35;
  • Жалал-Абад облусу – 50;
  • Баткен облусу – 37.

Ушуну менен коронавирус жуктургандардын саны 73 933кө жетип, 65 589 бейтап айыкты. Тилекке каршы, өткөн суткада коронавирус төрт адамдын өмүрүн алып, каза тапкандардын жалпы саны 1 281ге жетти.

Бир сутка ичинде өлкө боюнча 12 медицина кызматкеринин коронавирус жуктуруп алганы аныкталган. Анын бирөө ооруну кызыл зонадан илештирген.

Коронавирус жуктурган медиктер:

  • Бишкек шаары – 6;
  • Чүй облусунда – 2;
  • Ош шаары – 1;
  • Ош облусунда – 1;
  • Баткен облусунда – 2 (кызыл зонадан 1).

Ошол эле учурда стационардан 9, үй карантининен 2 медкызматкер айыгып чыккан.

102
Белгилер:
медик, оору, бейтап, статистика, коронавирус, Кыргызстан
Тема:
Кыргызстандагы коронавирус жуктуруп алгандар (1516)
Тема боюнча
Сурабалдиева Тез жардам станциясынын жабдылбай калышын кызматтагы жубайлардан көрүүдө
Бишкектин окуучуларын 14-декабрдан тарта каникулга таратуу сунушталды
Сурабалдиева министрликтин гумжардам боюнча отчёту чийки экенин айтты
Спутник-V вакцинасы

ЖМК: Пакистан россиялык "Спутник V" вакцинасын аларын айтты

70
Пакистандын бийлиги буга чейин чукул кырдаал учурунда AstraZeneca вакцинасын жана кытайлык компания чыгарган Sinopharm дарыларын колдонууга макулдук берген.

БИШКЕК, 24-янв. — Sputnik. Пакистандын өкмөтү россиялык "Спутник V" вакцинасын чукул кырдаал учурунда колдонууга уруксат берип, жергиликтүү фармацевтикалык компанияларга аны сатып алууга жана таратууга жол ачты. Бул тууралуу ЖМКларга таянып, РИА Новости жазды.

Россиялык вакцина өлкөдө колдонууга уруксат берилген үчүнчү дары болгон.

"Пакистандын Дары-дармектерди тескөөчү органынын (Drap) каттоо кеңеши өткөргөн жыйында өзгөчө кырдаалдарда дагы бир вакцинаны колдонууга уруксат берилди. Ал Россиянын Түз инвестициялар фондунун колдоосу менен иштелип чыккан вакцина", — деп  айтылат маалыматта. 

Ал ошондой эле AGP жергиликтүү фармацевтикалык компаниясы россиялык вакцинанын жалгыз импорттоочу жана дистрибьютери болорун белгиледи.

Пакистандын бийлиги буга чейин чукул кырдаал учурунда AstraZeneca вакцинасын жана кытайлык компания чыгарган Sinopharm дарыларын колдонууга макулдук берген.

Россиянын Саламаттык сактоо министрлиги 2020-жылдын август айында дүйнөдө биринчи болуп COVID-19га каршы "Спутник V" вакцинасын каттаган. Ал Гамалея атындагы Эпидемиология жана микробиология улуттук изилдөө борбору менен Россиялык түз инвестициялар фонду тарабынан иштелип чыккан. Вакцинанын натыйжалуулугу 90 пайыздан жогору болору айтылат.

70
Белгилер:
Пакистан, вакцина, Спутник V, коронавирус, Россия
Тема:
"Спутник V" вакцинасы
Тема боюнча
"Спутник V" вакцинасы эми Түркияда дагы чыгарыла баштайт
Тоолордогу аттар. Архив

Дүйшөмбүгө карата аба ырайы

78
25-январда жаап өткөн жаан-чачынга байланыштуу Кыргызстандын тоолуу райондорунда кар көчкү түшүүcү мүмкүн. Жолдорго муз тоңуп, тайгак болот.

БИШКЕК, 24-янв. — Sputnik. Дүйшөмбү, 25-январда, республика боюнча күн ачык болот. Батыштан соккон шамалдын ылдамдыгы секундасына 4-9 метрге жетет. Мындай маалыматты Кыргызгидромет таратты. Абанын температурасы Чүй, Ысык-Көл аймактарында -1...-6 градус, Таласта 0...-5 градус болмокчу.  Ош, Жалал-Абад жана Баткен облустарында абанын жылышы байкалып, термометр -1...+4 градусту көрсөтөт. Ал эми Нарын өрөөнүндө -5...-10 градус болот. 

Бишкек жана Ош шаарларында жаан-чачын күтүлбөйт. Синоптиктер борбор калаада -1...-3, түштүк борбордо  +1...+3 градус болорун айтышты.

78
Белгилер:
Кыргызстан, январь, аба ырайы
Тема боюнча
Күн жылый баштайт. Бир жумага карата аба ырайы
Мончо. Архив

ИИМ: мончодогу зордуктоо тартылган видео боюнча башка өлкөгө сурам жөнөттүк

0
(жаңыланган 00:00 25.01.2021)
Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык экенин белгилешүүдө. Деген менен милиция окуя Кыргызстанга тиешеси жок деп ишенимдүү айтып жатат.

БИШКЕК, 24-янв. — Sputnik. Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди.

Окуянын видеосу социалдык тармактарда тарады. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышууда.

Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди
"Иликтөө жана издөө иш-чараларынын жүрүшүндө аныкталган маалыматтарга ылайык, видео Кыргызстандан сырт жерде тартылган, бул факты биздин өлкөгө тиешеси жок. Кийинчерээк толук маалымат берилет. Баарыңыздарды чагымчылдыкка алдырбай, тастыкталбаган маалыматты таратпаңыздар", — деп Жумаков өзүнүн Facebook баракчасына жазды.

Ал эми бул боюнча билдирүү тараткан ИИМ видео боюнча иликтөө иштерин жүргүзүп жаткандыгын билдирди.

"Иликтөө иштеринин жыйынтыгы чыга электе окуяга тиешеси жок адамдын сүрөтү жана аудио социалдык тармактарга тарап жатат. Мындан улам шашылыш бүтүм чыгарбоогону өтүнөбүз. Кыргызстандан сырткары болгон бул окуя бир же эки эки жыл мурда тартылган. ИИМ ал боюнча башка өлкөгө иштин чоо-жайын билиш үчүн сурам жиберди", - деп айтылган ИИМ тараткан билдирүүдө.

Анткен менен кыргызстандыктар социалдык тармакта үрөй учурган бул окуя Кыргызстанда болгон деген божомолдорун айтып, пикирлерин калтырып жатат.

0
Белгилер:
мончо, зордуктоо, милиция, Бишкек, Кыргызстан
Тема боюнча
Сурабалдиева педофилдер тууралуу маалымат база түзүүнү сунуштады
Кордолгон 13 жаштагы өспүрүм. Кыздын ата-энеси облустук сотко кайрылды