Билим берүү жана илим министрлигин имараты. Архив

Министрлик Бишкектин окуучуларынын каникулун узартуу сунушуна жооп берди

335
(жаңыланган 15:54 03.12.2020)
Министрлик билим берүү процесси базалык окуу планына ылайык программа боюнча аралыктан окутуу форматында жүргүзүлөрүн, ал үчүн атайын сааттар бөлүнгөнүн белгилейт.

БИШКЕК, 3-дек. — Sputnik. Кыргызстандын Билим берүү жана илим министрлиги мектеп окуучуларынын каникул убактысын узартуу демилгесин колдобойт. Бул тууралуу мекеменин маалымат кызматы билдирди.

Бишкек шаардык кеңешинин депутаты Валентина Лисниченко 14-декабрдан тарта Бишкектин окуучуларын дээрлик бир айлык каникулга таратууну сунуштаган. Депутат балдардын жана ата-энелердин эс алышы керектигин айткан.

Министрлик билим берүү процесси базалык окуу планына ылайык программа боюнча аралыктан окутуу форматында жүргүзүлөрүн, ал үчүн атайын сааттар бөлүнгөнүн белгилейт.

"Бул окуу сааттары окутуу процессинен алынбашы керек. Буга байланыштуу Билим берүү жана илим министрлиги мындай демилгени колдобойт", — деп айтылат маалыматта.

Бишкек шаарынын Билим берүү башкармалыгынын башчысы Эльмира Иманалиева да окуучулар каникулга эрте таратылбай турганын билдирип, окуучулар буга чейин кабыл алынган график боюнча билим алышарын белгиледи.

335
Белгилер:
каникул, билим берүү, мектеп, Билим берүү жана илим министрлиги, Бишкек, Кыргызстан
Тема боюнча
Сурабалдиева ЖОЖ, мектеп, бала бакчалардын качан иштей турганын айтты

Алайда спорт зал менен ашкана курууда акча уурдалып, курулуш токтоп калган

0
Орто мектептин спорт залы менен ашканасын куруу үчүн мамлекет тарабынан өз убагында акча бөлүнүп берилсе да, 5 жылдан бери курулуш иши бүтпөй жатканы аныкталган.

БИШКЕК, 25-янв. — Sputnik. Алай районунун Сары-Могол айылында жайгашкан орто мектепке спорт зал жана ашкана куруу үчүн мамлекеттен бөлүнгөн акчанын бир бөлүгү уурдалып кеткен. Бул туурасында Башкы прокуратурадан билдиришти.

Маалыматка ылайык, курулуш иштерин баштоо үчүн 2015-жылы тендер өткөрүлүп, жеңүүчү компанияга 24 млн. 202 миң 850 сом алдын ала төлөнгөн.

"Ош облустук капиталдык курулуш башкармалыгы тарабынан жеңүүчү компанияга акча каражаты толугу менен которулуп, бирок 5 жылдан бери аталган орто мектептин спорт залын жана ашканасын куруу иштери токтоп калган. Натыйжада мамлекетке 6 млн. 382 миң 225 сомдук материалдык зыян келтирилген", — деп жазылат маалыматта.

Текшерүүнүн жыйынтыгында райондук прокуратура тарабынан аталган факт боюнча Жазык кодексинин 320-беренесинин 2-бөлүмү ("Кызмат абалынан кыянаттык менен пайдалануу") менен сотко чейинки өндүрүш иши башталган.

0
Белгилер:
Алай району, прокуратура, курулуш, мектеп
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
Белгилүү балдар хирургу Талант Өмүрбеков. Архив

Пневмония болгон хирург Талант Өмүрбековдун абалы айтылды

6
(жаңыланган 13:08 25.01.2021)
Өмүрбеков өткөн жумада эки тараптуу пневмония менен ооруканага түшкөн. Абалы оор болгондуктан дароо жандандыруу бөлүмүнө жаткырылган.

БИШКЕК, 25-янв. — Sputnik. Республикалык жугуштуу илдеттер ооруканасына түшкөн белгилүү балдар хирургу Талант Өмүрбековдун абалы тууралуу Sputnik агенттигине аталган медициналык жайдын жетекчиси Гүлжигит Аалиев маалымат берди.

Эске салсак, Өмүрбеков 19-январда эки тараптуу пневмония менен оор абалда ооруканага жаткырылган.

"Акыбалы турукташып калды. Бирок дагы деле жандандыруу бөлүмүнөн чыга элек", — деди Аалиев.

Талант Өмүрбеков Кыргызстанга таанымал дарыгер. Ал Бишкек шаардык Тез жардам балдар клиникалык ооруканасынын мурдагы дарыгери, Иса Ахунбаев атындагы медициналык академиянын балдар хирургиясы кафедрасынын жетекчиси, профессор, медицина илимдеринин доктору.

6
Белгилер:
оору, абал, пневмония, хирург, Гүлжигит Аалиев, Талант Өмүрбеков
Тема боюнча
Анжелика менен кызы реанимацияда. Кичүү кызына бүгүн операция жасалат