Күлүп жүргүлө! Окумуштуулар узак жашоонун сырларын айтты
Ичимдик менен чылымдан баш тартуу, тамакты түрлөп, таптап жегендик да көп жыл жашоого мүмкүнчүлүк түзөрү айтылды.
БИШКЕК, 7-дек. — Sputnik. Америкалык окумуштуулар жаман адаттардан баш тартып, тамакты түрлөп жеп, дайыма күлүп жүргөн адамдын узак жашаарын аныкташкан. Бул тууралуу РИА Новости кабарлады.
Окумуштуулар атайын эксперимент жасап, 70 жаштан 90 жашка чейинки 832 аял менен 1 507 эркектин маалыматтарын чогултушкан.
©
Sputnik / Табылды Кадырбеков
Узак жашайм деген адам түрлөп тамак жеп, андан сырткары, диета кармашы керек дешкен окумуштуулар.
Ичимдик менен чылымдан баш тартуу дагы көп жыл жашоого мүмкүнчүлүк түзөрү айтылды.
Белгилер:
- Тема боюнча
- Жашоону он жылга узарта турган 4 адат аталды
Бишкектен анча алыс эмес жерде балбал таш табылды. Сүрөт
(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.
©
Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган
Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.
"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.
Ал табылгасын адистерге берүү үчүн Маданият, маалымат жана спорт министрлигине барган.
"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.
©
Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.
Белгилер:
Бейшембиге карата аба ырайы
Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.
БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.
Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.
Күндүн табы Бишкекте +23…+25, Ош шаарында +24…+26 градус жылуу болот.
Белгилер: