Тест-система. Архивдик сүрөт

Дүйнөлүк банк Кыргызстанга 21 миң тест-система алып берди

51
(жаңыланган 17:34 07.12.2020)
Долбоордун алкагында Дүйнөлүк банктын жана ЮНИСЕФтин колдоосу менен Саламаттык сактоо министрлигине 58 миң бахила жана 58 миң кол кап жеткирилген.

БИШКЕК, 7-дек. — Sputnik. Бүгүн, 7-декабрда, COVID-19ду аныктоочу 21 000 тест-система жана кошумча лабораториялык шаймандар Кыргызстандын Саламаттык сактоо министрлигине өткөрүп берилди. Бул тууралуу аталган ведомстводон кабарлашты.

291 383 долларга алынган бул материалдар Дүйнөлүк банктын атайын фонду — пандемия маалында чукул чараларды каржылоо механизминин камсыздандыруу төлөмдөрүнүн эсебинен каржыланган.

"Бул фонд 2016-жылы түзүлгөн. Ага тийиштүү оору ири масштабда жайылуу коркунучуна туш болгон өлкөлөрдү кошумча каржылоо булагы менен камсыз кылуу максатын көздөйт. Копенгагенде дүйнөдөгү ири гуманитардык кампа жайгашкан. ЮНИСЕФ Кыргызстандын Саламаттык сактоо министрлигинен түшкөн өтүнмөнүн негизинде тесттерди Копенгагендеги өзүнүн глобалдык борборунан сатып алды", — деп айтылат маалыматта.

Ушул эле долбоордун алкагында Дүйнөлүк банктын жана ЮНИСЕФтин колдоосу менен Саламаттык сактоо министрлигине 58 миң бахила жана 58 миң кол кап жеткирилген.

ЮНИСЕФ коронавирус пандемиясы менен күрөштө мындан ары да КР өкмөтүнө колдоо көрсөтүүнү уланта берет. Бул үчүн илдет менен күрөштө алдыңкы катарда иштеп жаткандарга зарыл болгон жабдуу предметтерин берип турат. Ошондой эле ар бир бала жашоосун улантып, өсүп-өнүгүүсү үчүн жалпы социалдык-экономикалык чараларга да колдоо көрсөтөрү белгиленген.

51
Белгилер:
Банк, фонд, ЮНИСЕФ, дүйнөлүк банк
Тема:
Коронавируска байланыштуу Кыргызстандагы кырдаал (2749)
Тема боюнча
Коронавирус бир суткада 328 кишиден аныкталды. Анын алтоо медик
Коронавирустан бөлөк кайсы ооруларда адам жыт сезбей калат? Дарыгердин пикири
Өспүрүм кыз коронавируска кабылганын түз эфир учурунда билген. АКШдагы окуя
Мечит. Архив

Муфтийликке 9 киши ат салышууда. Талапкерлердин тизмеси

63
(жаңыланган 10:15 17.06.2021)
Муфтий 26-июнда шайланат. Буга чейин ал кысым көрсөтүү жана коркутуулардан улам, андан кийин эпидемиологиялык абалга байланыштуу эки ирет жылып кеткен.

БИШКЕК, 17-июн. — Sputnik. Кыргызстан мусулмандар дин башкармалыгынын башчысы кызмат ордуна тогуз киши ат салышууда. Бул тууралуу Аалымдар кеңеши каттоо жана аттестациялоо комиссиясына таянып билдирди.

Муфтийликке талапкерлерди сынактан өткөрүү 24-июнда, ал эми шайлоо 26-июнда өтмөкчү.

Тандоо турунан өткөндөр:

  • Нурбек Токтогулов;
  • Султанали Гапуров;
  • Шүкүр Исмаилов;
  • Нематилла Жээнбеков;
  • Ниязали Арипов;
  • Убайдулла Сарыбаев;
  • Шакир Маматов;
  • Сайдамир Джейналиев;
  • Замир Ракиев. 

Белгилей кетсек, муфтий 5-апрелде эле шайланмак. Бирок кысым көрсөтүү жана коркутуулардан улам 29-майга жылдырылган. Бирок анда муфтият шайлоо өлкөдөгү эпидемиологиялык абалга байланыштуу июндун этегине жылганын билдирип, талапкерлерди кайрадан сынактан өткөрмөй болушкан.

63
Белгилер:
талапкер, шайлоо, Муфтий, Кыргызстан мусулмандар дин башкармалыгы, Кыргызстан
Тема:
Муфтийди шайлоо
Тема боюнча
Муфтият Курман айттын болжолдуу датасын айтты
Телевизор. Архив

Юстиция министрлиги "Акысыз адвокат" программасын ишке киргизүүнү пландап жатат

12
(жаңыланган 09:50 17.06.2021)
Программада түз байланышка чыгып, тема боюнча суроолорду бергендердин арасынан эки-үчөө тандалып, аларга адвокаттын акысыз жардамы көрсөтүлөрү болжолдонууда.

БИШКЕК, 17-июн. — Sputnik. Юстиция министрлиги Коомдук телерадиокорпорациясы менен биргеликте "Акысыз адвокат" программасын ишке киргизүүнү пландап жатат. Бул тууралуу аталган министрликтин маалымат кызматы кабарлады.

Үч тараптуу келишимге министрликтин алдындагы Мамлекет кепилдеген юридикалык жардамды координациялоо борборунун директору Акжол Калбеков, Кыргызстандын адвокатурасынын Адвокаттар кеңешинин төрагасы Билим Райымкулов жана КТРКнын башкы директору Бактияр Алиев кол койгон.

"Акысыз адвокат" берүүсү ушул жылдын сентябрь айынан баштап обого чыгарылары кошумчаланды.

"Түз байланышка чыгып, тандалган тема боюнча суроолорду берген көрүүчүлөрдүн арасынан эки-үчөө тандалып, аларга адвокат акысыз жардам көрсөтөрү болжолдонууда", — деп белгиленди маалыматта.

Иш кандай чечилгендиги жана жыйынтыгы тууралуу ар бир көрсөтүүдө айтылып турат.

12
Белгилер:
жардам, программа, адвокат, КТРК, Юстиция министрлиги, Кыргызстан
Тема боюнча
Адвокат болууга ниеттенген 33 юристтин 25и экзаменден кулап калды
Жер титирөөнүн графиги. Архив

Ошто эртең менен жер титиреди

0
(жаңыланган 10:30 17.06.2021)
Силкинүүдөн жабыркагандар жана кыйроолор жок. Ал Алай районунун Иркештам, Көк-Суу жана Нура айылдарында сезилди.

БИШКЕК, 17-июн. — Sputnik. Ош облусунун аймагында бүгүн эртең менен очогунда күчү 3,5 баллга жеткен жер титирөө катталды. Бул тууралуу ӨКМ Сейсмология институтуна таянып кабарлады.

Жер титирөө саат 06:30да болгон. Ал Ош облусунун Алай районунун Иркештам, Көк-Суу айылдарында 3,5 балл, Нура айылында 3 баллга чейин сезилди.

Алдын ала маалымат боюнча, жер титирөөдөн жабыркагандар жана кыйроолор жок.

0
Белгилер:
жер титирөө, ӨКМ, Ош
Тема боюнча
Көз ачып жумгуча апамдан, төрт баламдан ажырап... Жер көчкү алдында калган айылдар