АКШ доллары. Архив

Ысык-Көлдө жасалма доллар менен соода кылган киши кармалды. Сүрөт

130
(жаңыланган 11:24 09.12.2020)
Колго түшкөн адамдын айтымында, ал 5000 жасалма чет элдик валютаны 2000 АКШ долларына сатып алган. Кийин дүкөндөрдөн жасалма акча менен соода кылып, калдык акчаны сом менен алып жүргөн.

БИШКЕК, 9-дек. — Sputnik. Ысык-Көлдө элди алдап, жасалма доллар менен соода кылып жүргөн деген Бишкек шаарынын тургуну кармалды. Бул тууралуу Ысык-Көл ОИИБдин маалымат кызматы кабарлады.

Задержанный в Джети-Огузском районе, по подозрению в распространении поддельных долларов США
© Фото / пресс-служба УВД Иссык-Кульской области
Ысык-Көлдө элди алдап, жасалма доллар менен соода кылып жүргөн деген Бишкек шаарынын тургуну кармалды

Ага ылайык, буга чейин Жети-Өгүз РИИБине Кызыл-Суу жана Дархан айылдарынын тургундары арыз менен кайрылып, азиат тектүү киши жасалма доллар менен соода кылып, алдап кеткенин айтышкан.

Ушундай эле окуя Каракол шаарында да болгону аныкталган. Анда 20-ноябрда белгисиз адам дүкөндөн соода кылып, жасалма 100 доллар төлөп, калдык акчасын сом менен алган.

Аталган фактылар Жети-Өгүз райондук жана Каракол шаардык ички иштер бөлүмдөрүнүн Кылмыш жана жоруктардын бирдиктүү реестрине катталган. Ошондой эле Жазык кодексинин 225-беренеси ("Акчаны же баалуу кагазды жасалма жасоо") боюнча сотко чейинки өндүрүш иштери башталган.

"Бул боюнча ыкчам-тергөө тобу түзүлүп, Жети-Өгүз районунун милиция кызматкерлери жакында шектүүнүн ким экенин аныктап, колго түшүрүшкөн. Ал Бишкек шаарынын 29 жаштагы Э.Б. аттуу тургуну болуп чыкты. Биринчи суракта шектүү күнөөсүн толугу менен мойнуна алган", —деп айтылат маалыматта.

Колго түшкөн адамдын айтымында, ал 5000 жасалма чет элдик валютаны 2000 АКШ долларына сатып алган. Кийин дүкөндөрдөн жасалма акча менен соода кылып, майда акчасын сом менен алып жүргөн.

  • Поддельная сто долларовая купюра, обнаруженного у подозреваемого в Джети-Огузском районе
    Колго түшкөн адамдын айтымында, ал 5000 жасалма чет элдик валютаны 2000 АКШ долларына сатып алган
    © Фото / пресс-служба УВД Иссык-Кульской области
  • Поддельная сто долларовая купюра, обнаруженного у подозреваемого в Джети-Огузском районе
    Кийин дүкөндөрдөн жасалма акча менен соода кылып, майда акчасын сом менен алып жүргөн.
    © Фото / пресс-служба УВД Иссык-Кульской области
1 / 2
© Фото / пресс-служба УВД Иссык-Кульской области
Колго түшкөн адамдын айтымында, ал 5000 жасалма чет элдик валютаны 2000 АКШ долларына сатып алган

Жасалма акча кайдан, канча өлчөмдө келгенин аныктоо үчүн милиция ыкчам-тергөө иштерин жүргүзүп жатканы маалым болду.

Жети-Өгүз РИИБи кармалган адам элден жасалма доллар менен соода кылган болсо, райондук милицияга кайрылып же 0700058999, 102 телефондоруна чалууну өтүндү.

130
Белгилер:
жасалма акча, доллар, Бишкек, Каракол, Ысык-Көл облусу
Тема боюнча
Батирин сатымыш болуп аялдын 100 миң долларын алып койгон. Шектүү кармалды
Мамкаттоо айдоочулук күбөлүк алып берем деген шылуундар чыкканын эскертти
Качып кетип Москвадан кармалган кыргызстандыктар. Сүрөт
Тез жардам кызматы. Архив

ТИМ: Петербургда 5-кабаттан кулаган кыргызстандык кыздын абалы оор

11
(жаңыланган 13:12 14.05.2021)
Кырсыктаган кызды оор абалда Санкт-Петербургдагы клиниканын кайра жандандыруу бөлүмүнө жеткиришкен.

БИШКЕК, 14-май — Sputnik. Санкт-Петербургда бешинчи кабаттан капыстан кулап кетип ооруканада жаткан кыргызстандык 11 жаштагы кыздын абалы оор, жакында операция жасалат. Бул туурасында ТИМдин маалымат кызматы кабарлады.

"Ар кыл жеринен жаракат алган кызды дароо Санкт-Петербургдагы Раухфус атындагы балдардын шаардык ооруканасынын кайра жандандыруу бөлүмүнө оор абалда жеткиришкен. Жакында анын жабыркаган органдарына операция жасоо пландалууда, мунун натыйжасына жасалма дем алдыруучу аппараттан ажыратылып, өз алдынча дем ала баштайт", — деп айтылган маалыматта.

Бул маселе Кыргызстандын Россиядагы элчилигинин Санкт-Петербургдагы канцеляриясынын көзөмөлүндө экендигин билдиришкен.

11
Белгилер:
кыз, операция, Санкт-Петербург
Тема боюнча
Милиция кичинекей баланын 3-кабаттан кулаган окуясы боюнча иш козгоду
Спорттук комментатор, граундхоппер Бексултан Усеналиев

Усеналиев: граундхоппингге кызыгып дүйнөнү кыдыргандар көбөйдү

6
Спорттук комментатор, граундхоппер Бексултан Усеналиев өлкөдө граундхоппинг аркылуу футболдук стадиондорго барып, дүйнөнү кыдыргандардын саны көбөйүп жаткандыгын айтты.

Дүйнөнүн белгилүү граундхопперлери Кыргызстандагы футболдук беттештерге катышып, стадиондорду каттап кеткендер бар. Мындай пикирин Бексултан Усеналиев Sputnik Кыргызстан радиосунун эфиринде маек куруп жатып билдирди.

Усеналиев: граундхоппингге кызыгып дүйнөнү кыдыргандар көбөйдү

Анын айтымында, граундхопперлер футбол көрүп, стадиондорду гана каттабастан башка элдердин маданиятын, тарыхын өздөштүрүүгө жакшы мүмкүнчүлүк алышат.

"Граундхоппинг – футболдук саякаттын бир түрү. Бул түшүнүктүн максаты башка өлкөгө стадионго барып, футбол көрүп, ошол жерди каттоо дегенди билдирет. Бирок жөн гана стадионго кирүү эмес, ал элдин маданиятын, тарыхын өздөштүрүү мүмкүнчүлүгү бар. Демек, граундхоппинг аркылуу дүйнөнү кыдырса болот. Жалпак тил менен айтсак, стадиондорду коллекциялоо. Бул кыймыл Англияда пайда болгон. "Бристоль Сити" клубунун күйөрманы Англияда болгон 92 футболдук беттешке барып, стадиондорду белгилеген. Бул жетишкендикти каттоо максатында гезит ачып, ийгилиги тууралуу бөлүшкөн. Анын эрдигине суктанып, башкалар да стадиондорду кыдыра башташкан. Өлкөдө фанатизм маданиятына кызыккандар бул кыймылды жакшы түшүнөт. Кыргызстанда мындай адамдардын башын бириктирген уюм жок. Болгону "граундхоппер" деген тиркемени смартфонго көчүрүп алып, барган стадионду, оюнду, шаарды белгилеп каттап коёбуз. Бизде кыймылга активдүү катышкан 4-5 адам бар. Мисалы, Дөлөн Өмүрзаков атындагы стадионго дүйнөнүн кайсы өлкөлөрүнөн граундхопперлер келгендигин кароого болот", — деди Усеналиев.

Ошондой эле ал Кыргызстан европалыктар үчүн абдан кызыктуу өлкө деп эсептелерин кошумчалады.

6
Белгилер:
Бексултан Усеналиев, саякат, футбол
Тема боюнча
Жетим өсүп жетилген. Башкы стадионго аты берилген Дөлөн Өмүрзаков деген ким?