Бишкектеги троллейбус жана автобус айдоочуларынын айлыгы өсүшү мүмкүн
(жаңыланган 14:40 09.12.2020)
Өмүрзаковдун айтымында, учурда айдоочулар орто эсеп менен 16-17 миң сом айлык алышат. Маянаны жогорулатуу үчүн электрондук билет системасына өтүү керек.БИШКЕК, 9-дек. — Sputnik. Муниципалдык транспорт ишканаларынын кирешеси жогорулагандан кийин Бишкектеги троллейбус менен автобус айдоочуларынын айлыгын 30 пайызга көбөйтүү пландалып жатат. Бул тууралуу Sputnik Кыргызстан агенттигинин мультимедиалык маалымат борборунда өткөн брифинг учурунда Троллейбус башкармалыгынын директору Артур Өмүрзаков айтып берди.
©
Sputnik / Жоомарт Ураимов
Троллейбус башкармалыгынын директору Артур Өмүрзаков
Анын айтымында, учурда айдоочулар орто эсеп менен 16-17 миң сом айлык алышат. Электрондук билет системасы жолго коюлса Бишкек троллейбус башкармалыгынын кирешеси жогорулап, натыйжада айдоочулардын айлыгын көбөйтүүгө мүмкүн болот.
"Ишканага канчалык көп каражат түшсө, кызматкерлердин айлыгы ошончо жогорулайт. Биринчи кадамдын алкагында троллейбус менен автобус айдоочуларынын айлыгын 30 пайызга көбөйтүүнү пландап жатабыз. Жарым жылдан кийин ишкананын башка өкүлдөрүнүн дагы, мисалы, техникалык кызматкерлердин маянасы көтөрүлөт", — деди Өмүрзаков.
Ал ошондой эле пандемияга байланыштуу электрондук билет системасы токтоп калганын белгиледи.
"Март айында карта системасын ишке киргизгенбиз. Бирок кийин пандемия башталып кетип 2,5 айга ишти толук токтотууга туура келди. Долбоорду ишке ашырууга эми гана кайрадан киришип баштадык", — деди ал.
Өмүрзаков жарандарды жол кирени накталай эмес, карта менен төлөөгө чакырды. Бул транспорт системасынын ишин ачык жүрүшүнө жол ачат.
Буга чейин мэриянын өкүлдөрү бийлик таксинин ишин кантип жөнгө салганы жатканын айтып беришкен.
Белгилер:
Бишкекте уу коргошунга ууланып төртүнчү бейтап ооруканага түштү
(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.
Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.
©
Пресс-служба президента КР / Султан Досалиев
Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады.
Уу коргошун чуусу
Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду.
Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.
Белгилер:
Тема:
Айзада киши колдуу болгон жердин сүрөтүн жарыялаган 3 милиционер жазаланды
(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.
Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.
Ким кандай жаза алды:
- Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
- Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
- Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.
Айзаданын өлүмү
5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.
©
Sputnik / Жоомарт Ураимов
Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.
Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.