Аялдамадагы адамдар. Архив

Борбор калаада "акылдуу" аялдамаларды ишке киргизүү демилгеленүүдө

(жаңыланган 15:09 09.12.2020)
Бишкек шаарында жаңы департамент түзүлүп, пландуу түрдө баш калаадагы аялдамалар маселесин чечүү менен алектенет.

БИШКЕК, 9-дек. — Sputnik. Шаардык транспортту көзөмөлдөөчү жаңы департамент "акылдуу" аялдамаларга өтүүгө ыңгайлашкан токтоочу жайларды куруп жатат. Бул тууралуу Бишкек мэриясынын Шаардык транспорт башкармалыгынын башчысынын орун басары Нурлан Атыканов Sputnik Кыргызстан агенттигинин мультимедиалык маалымат борборунда өткөн брифингде билдирди.

Заместитель начальника управления городского транспорта мэрии Бишкека Нурлан Атыканов на брифинге Транспортная реформа мэрии Бишкека — ответы на все вопросы в мультимедийном пресс-центре Sputnik Кыргызстан.
© Sputnik / Жоомарт Ураимов
Бишкек мэриясынын Шаардык транспорт башкармалыгынын башчысынын орун басары Нурлан Атыканов

Анын айтымында, шаардагы аялдамалар эл үчүн ыңгайлуу болушу зарыл.

"Акылдуу" аялдамаларда жарандар керектүү маалыматтарды электрондук түрдө көрө алышат, башкача айтканда, коомдук транспорттун кыймылы атайын экранда чагылдырылып турат. Ошондой эле "акылдуу" аялдамаларда интернет, Wi-Fi болот. Мындайча айтканда, бул биз өнүктүрөбүз деген өзүнчө план", — деди ал.

Атыканов мындай аялдамаларды ишке киргизүү азырынча эрте экенин белгиледи. Анын айтымында, департамент түзүлгөндөн кийин ушул максатта ченемдик документтер иштелип чыгат. Мындан тышкары, жаңы департамент пландуу түрдө баш калаадагы аялдамалар маселесин чечүү менен алектенет. Буга чейин мындай аракеттер белгилүү жайларда гана жүргүзүлгөн.

"Кээ бир жерлерде аялдамалар жетишсиздиги боюнча шаар тургундары жана айдоочулардан арыздар түшөт. Учурда алар белгилүү бир жерлерде гана орнотулуп жатат. Биз жаңы департамент менен зарыл болгон бардык жерлерди аялдама менен камсыздоо боюнча туруктуу иштерди жүргүзүүгө ниеттенип жатабыз", — деп белгиледи Атыканов.

Кечээ Бишкек мэриясы шаардык транспорттун ишин көзөмөлдөгөн департамент түзө турганы маалым болду. Ал аялдамаларды куруу, жол чырак орнотуу жана башка объектилер боюнча иш алып баруучу жападан жалгыз мекеме болот.

Жаңы түзүм унаа токтотуучу жайларды уюштуруп, "Коопсуз шаарды" координациялап, таксилердин ишин көзөмөлгө алат.

Атыканов буга чейин мэрия шаардагы таксилердин ишин кантип көзөмөлдөй турганын, коомдук транспорттогу жол кире акысы электрондук билетке караганда кымбатыраак болорун айтып берген.

Белгилер:
аялдама, план, транспорт, Бишкек мэриясы, Бишкек
Тема боюнча
Бишкекте картасыз, нак акча менен төлөнчү жол кирени кымбаттатуу пландалууда
Бишкек мэриясы "таксисттер армиясын" кантип көзөмөлгө аларын айтып берди
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Тема боюнча
Кабар алып туралычы! Эже-карындашына кайдыгер ага-инилерге кайрылуу
ИИМ: митингчилерди милиция кызматкерлери кууган эмес