Байтикте ууланган балдар. Прокуратура лицей уруксаты жок иштеп жатканын айтты

© Sputnik / Кирилл Брага / Медиабанкка өтүүАшканада тамактанып жаткан окуучу. Архив
Ашканада тамактанып жаткан окуучу. Архив - Sputnik Кыргызстан
Жазылуу
Ооруканага ууланып 23 адам түшкөн. Анын 22си балдар болсо, бирөө окутуучу. Аталган факт боюнча тергөө иштери жана эпидемиологиялык иликтөө жүрүүдө.

БИШКЕК, 9-дек. — Sputnik. Чүй облусуна караштуу Байтик айылында 23 окуучу ууланган мектеп-интернат министрликтин уруксаты жок, өзү билемдик менен реалдуу режимде окуп жаткан. Бул тууралуу Башкы прокуратуранын маалымат кызматы кабарлады.

Эске салсак, 8-декабрь күнү болжол менен саат 23:00дө "Кут Билим" мектеп-интернатынан 20дан ашык бала тамакка ууланып, баары Шаардык балдар клиникалык ооруканасына жеткирилген. Жабыркагандар 8 жаштан 20 жашка чейинкилер экени айтылган.

Презентация новой модели питания для школьников в Бишкеке - Sputnik Кыргызстан
Сурабалдиева Байтик айылындагы балдардын ууланышын иликтөөнү тапшырды
Башкы прокуратура ооруканага 11 жаштан 16 жашка чейин 21 окуучу түшкөнүн кабарлады. Мындан сырткары, сегиз жаштагы бир бала жана 20 жаштагы окутуучу да жаткан. Аламүдүн райондук прокуратурасы текшерүүдөн кийин лицейдин жетекчилиги реалдуу режимде окуу процессин өзү билемдикке салып 23-октябрда баштаганын аныктаган. Билим берүү жана илим министрлигинин буйругундагы талаптарга ылайык, жалпы билим берүү мекемелеринде 2-6-класстарга гана салттуу режимде окууга уруксат берилген. Прокуратура учурда "Кут Билим" лицейинде 7-11-класстын балдары жатып окушат деген тыянакка келген.

Аталган факт боюнча учурда милиция тергөө жүргүзүп, санитардык-эпидемиологиялык иликтөө да жасалууда. Прокуратура күнөөлүү адамдарды жоопкерчиликке тартуу чечими текшерүү иштеринен кийин кабыл алынарын кошумчалаган.

Жаңылыктар түрмөгү
0