Мэрия шаардыктарды Жаңы жылдык жарманкеге чакырды
(жаңыланган 12:34 11.12.2020)
Муну менен катар мэрия музыкалык чыгармачылык сынак да уюштуруп жатканын жар салды. Катышуучулар жарманкенин концерттик программасына катышып, сыйлык ээлерин соцтармак колдонуучулары аныктайт.БИШКЕК, 11-дек. — Sputnik. Бишкек мэриясы шаардыктарды Жаңы жылдык жарманкеге чакырууда.
Мэриянын маалымат кызматы билдиргендей, жарманке 11-декабрдан 29-декабрга чейин Курманжан датканын эстелигинин алдында, "Ала-Тоо" кинотеатрынын жанында өтөт.
Иш-чаранын салтанаттуу ачылышы 13-декабрда 14:00дө болору айтылды.
"Жаңы жылдык белек катары чоңдор жана балдар үчүн маданий-көңүл ачуучу программа даярдадык. Концерттик программа 12, 13, 16, 23 жана 29-декабрда саат 14:00дөн 17:00гө чейин бардык санитардык эрежелерди сактоо менен уюштурулат", — деп айтылат маалыматта.
©
Sputnik / Табылды Кадырбеков
"Сынакка катышуу үчүн арыздар 25-декабрга чейин кабыл алынат. Ага катталуу үчүн 0707 11 88 88 WhatsApp номерине чалыңыз", — деп жазылат билдирмеде.
Жарманкенин иштөө убактысы 12:00дөн 18:00гө чейин экени кошумчаланды.
Эртең Бишкектин айрым жерлеринде суу болбойт
(жаңыланган 13:40 01.03.2021)
Суу токтотулган конуштун тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.БИШКЕК, 1-мар. — Sputnik. Эртең Бишкектин бир районунда суу болбойт. Бул тууралуу мэриянын маалымат кызматы билдирди.
Бишкектин "Ак-Босого-1", "Ак-Босого-2" суу тосмолорун оңдоо жана шаардык суу түтүктөрү тармагын жазга карата даярдоонун алкагында айрым көчөлөрдө суу токтойт.
"Эртең, 2-мартта, саат 09:00дөн кечки 18:00гө чейин Ак-Босого конушунда жана райондогу Сары-Челек, Нурек, Андижан жана Бухара көчөлөрүндө ичүүчү суу убактылуу токтотулат. Ошондой эле №81 мектепте, №2 "Алтынай" балдар бакчасында, №14 Үй-бүлөлүк дарыгерлер борборунда, №15 милиция пунктунда жана №16 муниципалдык аймагында убактылуу суу жок болот", — деп айтылат маалыматта.
Конуш тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.
Шаар бийлиги ичүүчү сууга байланышкан бардык маселелер боюнча 1533 бирдиктүү маалымат борборуна жана мэрияда үзгүлтүксүз иштеп жаткан 1840, 1850 номерлерине кайрылууга болорун айтты. Ал эми көйгөй боюнча сүрөт, видео материалдарды 0554 182-185 WhatsApp номерине салууга болот.
Белгилер:
- Тема боюнча
- Уурдабагылачы?!. Мэрия шаардыктарга кайрылды
Кыргызстандагы эң кымбат 10 университеттин тизмеси жана баалары
(жаңыланган 13:20 01.03.2021)
Билим берүү жана илим министрлиги Кыргызстандагы окуу акысы эң кымбат 10 жогорку окуу жайдын тизмесин жарыялады. Арасында акысы 50 миң сомдон жарым миллионго чейин чапчыгандары бар.
Кыргызстандагы эң кымбат университет болуп АУЦА эсептелет. Билим берүү министрлигинин маалыматына караганда, жылына орто эсеп менен студент 482 400 сом төлөйт.
Экинчи сапта Медицинанын эл аралык жогорку мектеби. Бул жерде жалаң гана чет элдиктер билим алышат. Студент жылына 210 000 сом төлөйт.
Салымбеков атындагы университетте бир жылдык окуу акысы жергиликтүү студенттер үчүн 75 миң, чет элдиктерге 165 миң сомго жетет.
Эл аралык медицина университетинин окуу акысы жеткиликтүүрөөк. Анда кыргызстандыктар жылына 93 миң, чет элдиктер 151 миң сом төлөшөт.
Кымбаттыгы боюнча алдыңкы беш сапка кирген окуу жайлардын катарында "Ала-Тоо" эл аралык университети бар. Жергиликтүүлөр үчүн жылына 80 миң сом болсо, чет элдиктер 173 миң сом төлөшү керек.
Белгилер: