Кыз бет капчан каар жаап турган учурда. Архив

Дарыгерлер: суукта көчөдө бет кап тагынуунун кажети жок

191
Дарыгер-инфекционист, профессор белгилегендей, сууланышып калган бет кап вирустан коргой албай калат.

БИШКЕК, 12-дек. — Sputnik. Көчөдө көп адам чогулган жерде бет кап тагынуу керек. Башка учурларда суукта тагынуунун зарылдыгы жок. Анткени ал тез эле суу болуп, тоңуп калат. Бул тууралуу дарыгер-инфекционист Елена Белова билдиргенин РИА Новости жазды.

"Бет капты адам башкалардан вирус жуктуруп алуудан коргонуу үчүн тагынат. Ал сууктан коргоп же жылытпайт. Эгер суукта эл аз жерде кетип баратсаңар, анда бет капты чечип эле коюш керек. Анткени дем алганда ал бууланат. Бет капты туура тагынуу боюнча инструктаж өткөндө, маска сууланып калса алып ыргытып салуу зарылдыгын эскерткенбиз", — деди дарыгер.

Анын айтымында, бет капты эл көп чогулган жерден эле, мисалы, аялдамадан тагынган оң.

"Адам дем алып, жөтөлүп, бет капка чүчкүрсө коргоочу каражат суу болуп, андан кийин тоңуп калат. Аны менен кошо адам өзү да үшүйт. Мунун кереги барбы? Мындай учурда бет капты чечип эле салган туура", — деди Белова.

Дарыгер адам имараттын ичинде жалгыз болсо да бет кап тагынбай эле койсо болорун белгилеген.

Дарыгер-инфекционист, профессор Николай Малышев кесиптешинин оюна толугу менен кошулат. Анын айтымында, сууланышып калган бет кап вирустан коргой албайт. Андыктан суукта аны тез-тезден алмаштырып туруу зарыл. Ал эми киши көп топтолбогон жерге барганда чечип эле койгон жакшы.

191
Белгилер:
кеңеш, суук, көчө, бет кап, дарыгер
Тема боюнча
Бет каптын эскирип пайдасы жоктугун аныктаган 5 учур тизмектелди
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

6
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

6
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады
Кыргызстандын футбол боюнча улуттук курама командасынын чабуулчусу Абай Боколеев. Архив

Абай Боколеевдин атасы көз жумуп, футболчу Япониядан мекенине учуп кетти

13
(жаңыланган 10:47 13.06.2021)
Футболчу улуттук команданын курамында дүйнө чемпионатына тандоо турунун алкагында Япониянын Осака шаарында мелдештерге катышып жүргөн.

БИШКЕК, 13-июн. — Sputnik. Кечээ, 12-июнь күнү, Кыргызстандын футбол боюнча улуттук курама командасынын чабуулчусу Абай Боколеевдин атасы көз жумду. Бул тууралуу Кыргызстан футбол союзунан кабарлашты.

"Мындан улам футболчу биринчи каттам менен мекенине учуп кетти", — деп айтылат билдирүүдө.

Бегилей кетсек, улуттук команда дүйнө чемпионатына тандоо турунун алкагында Япониянын Осака шаарында мелдештерге катышып жүргөн. Буга чейин эки оюн көрсөткөн команданын алдыда дагы бир оюну бар. Кыргызстандык футболчулар 15-июнь күнү Япониянын курама командасы менен беттешет.

13
Белгилер:
Абай Боколеев, өлүм, ата, футбол, Япония, Кыргызстан
Тема боюнча
Ырчы Жамиля Муратованын атасы, музыкант Эдил Муратов көз жумду