Бир миң сомдук купюралар. Архив

Биринчи орунга 3 млн. сом! Кыргызстанда эң ыңгайлуу шаар аныкталып жатат

196
(жаңыланган 13:39 12.12.2020)
Өкмөттүн демилгеси менен уюштурулуп жаткан конкурста 18 шаардын кайсынысы жашоочулар үчүн ар тараптан ыңгайлуу шарт түзгөнү аныкталат.

БИШКЕК, 12-дек. — Sputnik. Кыргызстанда балдар жана жаштар үчүн эң ыңгайлуу шаар аныкталып жатат. Бул тууралуу өкмөттүн маалымат кызматы кабарлады.

Кечээ Бишкекте вице-премьер Эльвира Сурабалдиеванын төрагалыгы астында сынак комиссиясынын отуруму өткөн. Ал Аймактарды өнүктүрүү, өлкөнү санариптештирүү жана балдарды колдоо жылынын алкагында сынак өткөрүү символикалык мааниге ээ экенин белгилеген.

"Сынактын баалоо индикаторлору катары жергиликтүү деңгээлдеги чечимдерди кабыл алуу процессине жаштардын катышуусу, алардын эс алуусу, маданияты жана өнүгүүсү үчүн шарттарды түзүү, коопсуздук маселелери, билим берүү, саламаттыкты сактоо жана турмуштук оор жагдайда турган үй-бүлөлөргө жардам берүүсү саналат. Пандемия шартында аймактардагы балдардын жана жаштардын билим алуу жана саламаттыгын сактоо маселелерине өзгөчө көңүл бурулат", — деген Сурабалдиева.

Жалпысынан сынакка 2018-2022-жылдар мезгилине өлкөнүн региондук саясатынын концепциясында "өсүү түйүндөрү" деп белгиленген 18 шаар катышып жатат. Алар Бишкек, Кара-Балта, Токмок, Нарын, Балыкчы, Каракол, Талас, Кара-Көл, Таш-Көмүр, Кербен, Кочкор-Ата, Жалал-Абад, Өзгөн, Ош, Кара-Суу, Кадамжай, Баткен жана Исфана.

Сынактын комиссиясынын комплекстүү баалоосунун жыйынтыгы менен жеңүүчүлөр аныкталып, аларга акчалай сыйлыктар ыйгарылат:

  • 1-орун — 3 миллион сом;
  • 2-орун — 2 миллион сом;
  • 3-орун — 1 миллион сом.

Ошондой эле жогорку упай алган 10 шаарга "Балдарга жана жаштарга ыңгайлуу шаар" наамы берилет.

Сынак өкмөттүн демилгеси менен Жаштар иши, дене тарбия жана спорт боюнча мамлекеттик агенттиги тарабынан, Улуттук стратегиялык изилдөө институту (NISS), ошондой эле БУУнун Балдар фонду (ЮНИСЕФ) жана коомдук уюмдар менен биргеликте өткөрүлүп жатат.

Демилге БУУнун Тынчтык куруу фонду жана Улуу Британиянын өкмөтү тарабынан каржыланат.

196
Белгилер:
байге, сынак, шаар, өкмөт, Эльвира Сурабалдиева, Кыргызстан
Тема боюнча
Баш байге 200 миң сом! Жаратман жаштар тууралуу роликтерге сынак жарыяланды
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов

Мамытов: быйыл 13 айыл чарба техникасы лизингге берилди

7
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов республика боюнча 80 миңге чукул ар кандай үлгүдөгү айыл чарба техникасы бар экенин билдирди.

2011-жылдан бери 3 281, ал эми байыл 13 айыл чарба техникасы лизингге берилген. Бул тууралуу Алишер Мамытов Sputnik Кыргызстан радиосуна маек куруп жатып билдирди.

Мамытов: быйыл 13 айыл чарба техникасы лизингге берилди

Анын айтымында, өлкөдө 22 миң 100 трактор, 2 миң 200 дан комбайны, 17 миң 400 тиштүү мала, 2 миң 800 үрөн сепкич, 3 миңге чукул чөп чапкыч, 2 миңге чукул пресс жыйнагыч жана башка техника бар.

"Учурда алты лизинг долбоору бар. Бул долбоор 2011-жылдан бери иштеп жатат. Ошол убакыттан бери жалпы 5 миллиард 35 миллион сомго 3 миң 281 даана айыл чарба техникасы берилген. Бүгүнкү күндө лизингди өнүктүрүү үчүн 1,5 миллиард сомго барабар кредит топтому иштеп жатат. Аны алуу мөөнөтү 7ден 10 жылга чейин. Пайыздык чени 6дан тогузга чейин. Өздүк салым 10дон 30 пайызга чейин чыгат. Эгерде 30 пайыздан жогору өздүк салым төлөнсө, айыл чарба техникасы күрөөгө коюлат. Кайтарым шарты боюнча 3-6 айга чейин жеңилдик берилген. Негизги сумма бир жылда эки жолу, ал эми пайыздык чени ар квартал сайын төлөнөт. Быйыл лизинг үчүн 540 миллион сом бөлүнүп, учурда 13 айыл чарба техникасы берилди", — деди Мамытов.

Ошондой эле ал республика боюнча 5 миң 900 трактор, 2 миң 600 комбайн жетишсиз экенин кошумчалады.

Маекти толугу менен видеодон көрсөңүз болот.

7
Белгилер:
дыйкан, техника, айыл чарба, лизинг
Тема боюнча
Министрдин орун басары: быйыл айыл чарба техникасынын дефицити болбойт
Ысык-Көл. Архив

Ысык-Көл жүрөктү дарылайт. Россиялык космонавт өзгөчө сүрөт жарыялады

58
Кадрдан Ысык-Көлдүн түштүк-чыгыш тарабындагы булут бурганагын көрүүгө болот. Сүрөт Эл аралык космостук станциядан тартылган.

БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.

"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.

Кадрдан Ысык-Көлдүн түштүк-чыгыш тарабындагы булут бурганагын көрүүгө болот.

Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.

58
Белгилер:
сүрөт, космонавт, Ысык-Көл
Тема боюнча
Reuters Кыргызстандагы тоңуп калган Ара-Көл көлүнүн видеосун жарыялады
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков. Архив

Өмүрзаков: акимдерди аттестациялоо 9-мартта башталат

0
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков өлкөдө алгачкы ирет аймактык кадрлар резервин түзүү пландалып жатканын айтты.
Өмүрзаков: акимдерди аттестациялоо 9-мартта башталат

Райондук администрация башчылары — акимдерди аттестациялоо ушул жылдын 9-мартынан башталат. Аталган күнү биринчи туру өтүп, анда тестирлөө жүргүзүлсө, 10-11-март күндөрү экинчи турунда маектешүү болот. Бул тууралуу Мыктыбек Өмүрзаков Sputnik Кыргызстан радиосуна маек куруп жатып билдирди.

Анын айтымында, аталган аттестацияны жүргүзүү үчүн 11 мамлекеттик кызматкерден турган комиссия түзүлөт.

"Акимдерди аттестациялоодо алардын эки орун басары да катышат. Орун басарларга өздөрү тейлеген тармак боюнча суроолор берилсе, райондук администрация жетекчилерине жалпы суроолор узатылат. Максаты — учурда иштеп жаткан акимдердин аркалаган кызматына дарамети жетерин аныктоо. Аларды аттестациядан өткөрүү үчүн Мамлекеттик кадр кызматынын жетекчиси, эки эл өкүлү, өкмөт аппаратынан жана тиешелүү министрликтин орун басары рангынан төмөн эмес адамдардан турган комиссия түзүлөт. Комиссия мүчөлөрү жалпы 11 кишиден турат. Муну менен катар эле район жетекчилери жана орун басарлыгына аймактык кадр резервин түзүү үчүн үстүбүздөгү жылдын 1-мартынан 1-апрелине чейин конкурс жүргүзүлөт. Аймактык кадр резервиндеги адистер бошоп калган региондорго барып иштей беришет", — деди Өмүрзаков.

Ал аттестацияда акимдердин билим деңгээли, тил билүүсү да караларын кошумчалады.

0
Белгилер:
конкурс, аттестация, аким, Мыктыбек Өмүрзаков
Тема боюнча
Өмүрзаков: өкмөттүн реформасында жергиликтүү бийлик тууралуу сөз жок