Кыш. Архив

Күн жылыйбы? Бир аптага карата аба ырайынын божомолу

20574
Кийинки жумада өлкө боюнча мезгил-мезгили менен кар жаап турат. Бирок аптанын этегинде абанын температурасы жогорулай турганы божомолдонду.

БИШКЕК, 13-дек. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, Бишкекте 13-17-декабрь күндөрү жаан-чачын күтүлбөйт. Батыштан соккон шамалдын ылдамдыгы секундасына 2-7 метрге жетет.

Чүй жана Талас облустарында

13-декабрда жаан-чачын күтүлбөйт, бирок кээ бир райондордо туман түшөт. Калган күндөрү күн ачык болот. Жолдор тоңголок, тайгак болуп, батыштан соккон шамалдын ылдамдыгы секундасына 2-7 метрге жетиши мүмкүн.

Ош, Жалал-Абад жана Баткен облустарында

13-декабрда жаан-чачын күтүлбөйт, айрым райондордо туман түшүшү мүмкүн.

14-декабрда түнкүсүн Ош, Баткен облустарынын кээ бир райондорунда кар жаап, Жалал-Абад облусунда жаан-чачын күтүлбөйт.

14-декабрда күндүз жана 15-декабрда түнкүсүн кээ бир райондордо кар жаашы ыктымал.

15-декабрда күндүз жана 16-17-декабрда жаан-чачын болбойт.

Жолдор тоңголок, тайгак болот. Батыштан соккон шамалдын ылдамдыгы секундасына 2-7 метрге жетет.

Ысык-Көл облусунда

13-декабрда түнкүсүн жаан-чачын болбойт.

13-декабрда күндүз жана 14-15-декабрда кээ бир райондордо бир аз кар жаайт.

16-декабрда кээ бир райондордо кар жаашы күтүлөт.

17-декабрда күн ачык болот.

Жолдор тоңголок, тайгак болуп, батыштан соккон шамалдын ылдамдыгы секундасына 4-9 метрге жетиши күтүлөт.

Каракол жана Чолпон-Ата шаарларында

13-14-декабрда түнкүсүн жаан-чачын күтүлбөйт.

14-декабрда күндүз Чолпон-Ата шаарында кар жаашы мүмкүн, Каракол шаарында жаан-чачын болбойт.

15-17-декабрда жаан-чачын күтүлбөйт, 16-декабрда бир аз кар жаашы ыктымал.

Батыштан соккон шамалдын ылдамдыгы секундасына 4-9 метрге чейин жетет.

Нарын облусунда

13-14-декабрда түнкүсүн жаан-чачын болбойт.

14-декабрда күндүз жана 15-декабрда түнкүсүн кээ бир райондордо кар жаашы ыктымал.

15-декабрда күндүз жана 16-17-декабрда жаан-чачын күтүлбөйт.

Жолдор тоңголок, тайгак болуп, батыштан соккон шамалдын ылдамдыгы секундасына 2-7 метрге жетет.

18-19-декабрда өлкө аймагында жаан-чачын күтүлбөйт жана абанын температурасы жогорулашы ыктымал.

20574
Белгилер:
жаан, кар, божомол, аба ырайы, Кыргызстан
Тема боюнча
Кыргызстандыктар Жаңы жыл алдында жабыла учкан топ жылдызды көрө алышат
Ала-Тоо аянтында жүргөн милиция кызматкерлери. Архивдик сүрөт

Бишкектин борборунда милиция кызматкерлери адаттагыдан көп. Себеби

16
(жаңыланган 10:39 21.01.2021)
Sputnik Кыргызстан агенттигинин окурмандары эмне себептен борбордук аянтта жана көчөлөрдө милиция кызматкерлери чогулуп калганын сурашкан.

БИШКЕК, 20-янв. — Sputnik. Бишкектин кайгуул милициясынын маалымат кызматы ордо калаанын чок ортосунда эмне себептен таң эрте милиция кызматкерлери көп экенин түшүндүрдү.

Буга чейин окурмандар "Ала-Тоо" аянтындагы автоунаалар тазаланып, кайгуул милициялары борбордук көчөлөрдө, анын ичинде Чүй проспектисинде көп турганы боюнча суроо узатышкан.

Кайгуул милициясынын маалымат кызматы билдиргендей, мекеме жакында боло турган президенттин инаугурациясына даярдык көрүп жатат жана жарандардын коопсуздугун камсыз кылууда.

Маалым болгондой, бул иш-чарада "Ала-Тоо" аянтын тосуу пландалган жок.

20-январь күнү БШК президенттик шайлоонун жыйынтыгын айтып, анда Садыр Жапаров жеңгенин кабарлаган. Жапаров шайлоочулар добушунун 79,2 пайызын алган.

Кийинчерээк президенттин инаугурациясы 28-январь күнү Токтогул Сатылганов атындагы Кыргыз улуттук филармонияда өтө турганы айтылган.

16
Белгилер:
окурман, Кайгуул милициясы, Ала-Тоо аянты, жол, Бишкек
Тема боюнча
Бишкек милициясы иш таштаган маршрутка айдоочуларына кайрылды
Мектептер ачылат, балдарга аяр мамиле жасагыла! Милиция айдоочуларга эскертти
Нью-Йорктогу Эркиндик эстелиги. Архивдик сүрөт

Байден мигранттарга коюлган чектөөлөр боюнча Трамптын жарлыгын жокко чыгарды

26
(жаңыланган 10:14 21.01.2021)
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.

"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.

Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.

"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.

Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

Жо Байден 20-январь күнү ант берип, АКШнын президенттик кызматына расмий түрдө киришти.

26
Белгилер:
миграция, жарлык, Жо Байден, Дональд Трамп
Тема боюнча
Байден бүгүн АКШга кирүү боюнча кыргызстандыктарга коюлган чектөөнү алып салат