Бишкектеги ТЭЦтин кызматкерлери. Архив

Бишкектеги ышты азайтуу үчүн ТЭЦтин экинчи блогун иштетүү пландалып жатат

(жаңыланган 18:13 16.12.2020)
Суук түшкөндөн бери Бишкек шаарын жана анын тегерегиндеги конуштарды коюу ыш каптап турат. Бийлик бул көйгөйдү чечүү жолдорун издеп жатат.

БИШКЕК, 16-дек. — Sputnik. Борбор калааны ыштан арылтуу үчүн Бишкек ТЭЦинин экинчи блогун ишке киргизүү пландалып жатат. Бул тууралуу Жогорку Кеңештин бүгүнкү жыйынында белгилүү болду.

Эске салсак, парламентте Бишкек жана анын тегерегин каптаган ыш маселеси көтөрүлүп, бул жаатта кандай иштер болуп жатканы боюнча маалымат берүү үчүн өкмөт мүчөлөрү келишкен.

Депутат Нурбек Алимбеков электр энергиясын көбүрөөк иштеп чыгып, үйлөрдү жылытуу максатында ТЭЦтин иштебей турган экинчи блогун ишке киргизүүнү сунуштады.

Эл өкүлүнүн пикиринде, электр энергиясын көбүрөөк өндүрүп, элге 700 киловатт-сааттык ченемди кыш мезгили учурунда алып салса, жер үйлөр көмүрдү азыраак пайдаланып, түтүн дагы азаят.

"10 күндүн ичинде бул маселени чечип бербесеңер болбойт. Кайсы аймактарда ыш көп экенин аныктап туруп, "Түндүк электр" ишканасына тапшырма бергиле. Декабрь, январь, февраль айына болсо дагы чектөөнү алып коёлу. Азыр бул көйгөйдү чечип алып, кийин кайра план боюнча ишти улантышсын", — деди Алимбеков.

Анын мындай сунушуна Бишкек ТЭЦинин директору Андрей Воропаев өз жообун айтты.

"Азыр экинчи блокту ишке киргизүүгө даярдык көрүлүп жатат. Бул ыш менен гана эмес, кургакчылык менен дагы байланыштуу. Шаарга чындап эле электр энергиясы жетишпей турат. Ошол үчүн экинчи блокту кошобуз", — деди Воропаев.

Белгилей кетсек, суук түшкөндөн бери Бишкек шаарын жана анын тегерегиндеги конуштарды коюу ыш каптап турат.

Ал эми электр энергиясына болгон баа тууралуу айтсак, калк 77 тыйындан төлөш үчүн 700 киловатт-сааттан ашырбашы керек. Мындан өтүп кетсе, 2,16 сомдон төлөөгө аргасыз болот.

Белгилер:
чектөө, электр энергиясы, ТЭЦ, Бишкек, кыргызстандыктар
Тема боюнча
Вице-премьер Кыргызстанда жарык өчүшү ыктымал экенин эскертти
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты