Милиция кызматкерлери. Архив

ИИМ: шайлоо алдында аймак жана улут аралык кастыкты козуткандар жоопко тартылат

61
(жаңыланган 15:22 17.12.2020)
ИИМ жарандарды WhatsApp же соцтармактар аркылуу провокациялык материалдарды жайылтуудан оолак болууга чакырды.

БИШКЕК, 17-дек. — Sputnik. Президенттик шайлоого карата үгүт иштери башталганына байланыштуу WhatsApp жана башка соцтармактар аркылуу аймак жана улуттар аралык кастыкты козуткан чагымчыл материалдар жайылтылып жатат. Бул тууралуу ИИМден билдиришти.

Учурда Ички иштер министрлиги менен ички иштер органдарынын аймактык бөлүмдөрү мындай материалдарды таратып жаткандарды издөөдө.

Белгилей кетсек, аймактар жана улуттар аралык кастыкты козутууну көздөгөн жарандар Кылмыш-жаза кодексинин 313-беренеси ("Расалык, этникалык, улуттук, диний же аймактык кастыкты козутуу") боюнча кылмыш жоопкерчилигине тартылат.

ИИМ жарандарды WhatsApp же соцтармактар аркылуу провокациялык материалдарды жайылтуудан оолак болууга чакырды. Ошондой эле чагымчылдык маалыматтарга күбө болгондор 102 номерине кайрыла алышат.

Мыйзамды билбегендик жарандарды кылмыш жоопкерчилигинен бошотпойт.

61
Белгилер:
Кыргызстан, кылмыш, жоопкерчилик, аймак, улут, кастык
Тема:
Кыргызстандагы президенттик шайлоо – 2021 (195)
Тема боюнча
№2 форма жоюлду. Жашаган жеринде каттоосу жок шайлоочу кантип добуш берет
Президенттикке талапкерлер качан дебатка чыгышат. Тизме
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

13
Кудайберген Базарбаев Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

13
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды
Тюмень шаарындагы Биримдик кыргыз диаспорасынын төрайымы Канзада Сманова

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

5
Тюмень шаарындагы "Биримдик" кыргыз диаспорасынын төрайымы Канзада Сманова Россия Федерациясынын жогорку окуу жайлары борбор азиялык абитуриенттерге көп мүмкүнчүлүктөрдү берип жаткандыгын айтты.

Тюмень шаарын эле айта турган болсом, учурда төрт ЖОЖ кыргызстандык студенттерди бюджеттик негизде кабыл алууга даяр. Бирок тапшыргандар аз болууда. Бул тууралуу Канзада Сманова Sputnik Кыргызстан радиосуна маек куруп жатып билдирди.

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

Анын айтымында, Россиянын университеттерине окууну каалагандардын аз болушу маалыматтын жеткиликсиздигенен улам болууда.

"2012-жылы биринчи жолу Тюмень мамлекеттик архитектура-курулуш университети менен келишим түзгөнбүз. Алар Кыргызстан, Казакстан, Армения, Азербайжан, Тажикстан жана Өзбекстандан барган абитуриенттерге белгилүү өлчөмдө бюджеттик орундар берилерин айтышкан. Ошол жылдан тарта коңшу мамлекеттерден абитуриенттер келип активдүү тапшырып, билим алып жатышат. Кыргызстандыктар азыраак болууда. Мындан кийин Тюмень мамлекеттик университети, Тюмень мамлекеттик айыл чарба академиясы жана Тюмень индустриялык университети менен келишимдерибиз бар. Бул окуу жайларга кыргызстандыктар барып тапшыра алышат. Ал үчүн мектепти аяктаган аттестаты гана жетиштүү. ЖРТнын жыйынтыгынын кереги жок, бул ЖОЖдор өздөрү экзамен алат. Болгону ушул сынактарга мыкты даярданып барса бюджеттик негизде окуп калуу мүмкүнчүлүгү чоң болот. Россия берген бул шарттарды Казакстан жана Тажикстан абдан жакшы пайдаланып жатат. Биздин жаштар да барып окуп алышса деп аракет кылабыз. Бул окуу жайлар Кыргызстандын Билим берүү жана илим министрлиги менен иштешпейт. Абитуриенттерди түз чакырышат. Ар жылы март, апрель айларында өлкөдөгү ири шаарларда ачык эшик күнүн өткөрүп маалымат беришет. WhatsApp, Тelegram-группаларды ачып, белгилүү бир мугалимдер ошол жактан каалоочулардын суроолоруна жооп берип турат. Андыктан мына ушул маалыматтык кампания учурунда ата-энелер пайдаланып калса болот. Мындай мүмкүнчүлүк бир эле Тюменде эмес Россиянын бардык шаарларындагы окуу жайларында бар", — деди Сманова.

Ал каалагандар Россиядагы кыргыз диаспораларынын жетекчилерине социалдык тармактар аркылуу кайрылып, окуу тууралуу маалымат алса болорун кошумчалады.

Подкасттын толук вариантын видеодон көрүңүз:

5
Белгилер:
Россия, ЖОЖ, окуу, Кыргызстан, Канзада Сманова
Тема боюнча
Сманова: Россиядагы кыргыздар мыйзамды сактаса көйгөй жаралбайт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

0
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

0
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты