Кыргызстандын жалпы жарандык биометрикалык паспортунун үлгүсү

Жаңы паспорттун дизайнын шакаба кылгандарга Мамкаттоо жооп кайтарды

(жаңыланган 15:10 18.12.2020)
Үч күн мурун документтин үлгүсү коомчулукка жарыяланган. Мамкаттоо ал боюнча пикирин билдиргендерге ыраазычылык айтып, баарына жагуу кыйын экенин белгиледи.

БИШКЕК, 18-дек. — Sputnik. Мамлекеттик каттоо кызматы (МКК) Кыргызстандын жалпы жарандык биометрикалык паспортунун жаңы дизайнын соцтармактарда шакаба кылгандарга түшүндүрмө берди.

Буга чейин айрым жарандар документтин айланма түрүндөгү сызыкчалар түшүрүлгөн сырткы көрүнүшүн күлкүгө алышкан. МКК паспорттун үлгүсүн 15-декабрда жарыялаган.

​Соцтармак колдонуучулары дизайн тууралуу ар кандай тамашаларды ойлоп табышууда.

​Ошондой эле Европа өлкөлөрүнүн бажы кызматкерлери паспорттун дизайнын көрүп кандай реакция кылмактыгын болжоп жазышкан.

​Мындан башка дагы сын-пикирлер айтылганын көрүүгө болот.

​МККнын маалымат кызматы болсо кыргызстандыктарга жарандык позициясы жана документке кайдыгер карабагандыктарына ыраазычылык билдирди.

"Тилекке каршы, баарына жагыш кыйын. Жаңы дизайнды иштеп чыгууга биздин адистер бланкаларды жеткирүү Mulhbauer ID Services GmbH компаниясы менен биргеликте көп жылдык эмгек жасады", — деп айтылат маалыматта.

Ошондой эле бул долбоор боюнча жумушчу топко өкмөттүн аппаратынан, Жогорку Кеңештин депутаттары, министрлик жана ведомство өкүлдөрү, Улуттук сүрөт академиясынын сүрөтчү, дизайнерлери кирген. Аны менен катар КР элдик чеберлер союзу, "Кыял" улуттук көркөм кол өнөрчүлүк бирикмеси, I-Media дизайн-студиясы тартылган.

МККнын маалыматы боюнча, документтин барактарындагы сүрөттөрдүн ар бир деталы жана көп түрдүү түстөр коргоонун маанилүү элементтери.

Ошондой эле тажрыйбасы мол жеткирүүчү германиялык компания документтин жасалгасына жогорку баа бергени белгиленет. Натыйжада бардык стандарттарга жооп берген заманбап паспорт даярдалган.

Жаңы документти кийинки жылдын биринчи жарымында колдонууга чыгаруу пландалууда. Жалпы жарандык паспорттун үлгүсү 2006-жылдан бери өзгөртүлө элек. Документти жасалмалоо фактылары катталгандан кийин жаңысын жасоо чечими кабыл алынган.

Жаңы версиядагы паспорттун артыкчылыктары:

  • коргоочу 30 элемент камтылып, электрондук чип жайгашкан. Ошондой эле заманбап материалдар менен жасалып, жеке маалыматтар лазердик технология менен жазылат;
  • бардык талаптарга жана Эл аралык жарандык авиациянын стандарттарына жооп берет;
  • АКШнын кыргызстандыктарды киргизүүгө койгон санкциясын жокко чыгарууга жасалган иштердин маанилүү бир бөлүгү;
  • мамлекеттик чек арадан өтүп жаткандарды бир жолку идентификациядан өткөрөт жана каттоого алат;
  • мамлекеттик чек арадан мыйзамсыз өтүүнү, мыйзамсыз миграция уюштурууну, адам сатууну алдын алуу жана транс чек аралаш кылмыштарды аныктоонун эффективдүүлүгүн жогорулатат;
  • документти жасалмалоо жана мыйзамсыз түрдө колдонуу менен эффективдүү күрөшсө болот;
  • дүйнөдө өлкө имиджин жогорулатат.
Белгилер:
жооп, социалдык тармак, Мамлекеттик каттоо кызматы, дизайн, паспорт
Тема боюнча
Жалпы жарандык биометрикалык паспорттордун жаңы үлгүсү көрсөтүлдү. Сүрөт
ID-паспортко "улуту" деген графа кайрадан киргизилди
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

Белгилер:
сүрөтчү, актер, видео, Улуттук банк, Сүймөнкул Чокморов
Тема боюнча
Улуттук банк Алыкул Осмонов тууралуу таасирдүү ролик тартты