Бишкектин ЖЭБинен чыккан ыш. Архивдик сүрөт

Бишкектеги ыш. Артем Новиков ЖЭБди газга өткөрүүнү сунуштады

327
(жаңыланган 23:50 18.12.2020)
Өкмөт башчынын милдетин аткарып жаткан Артем Новиков көйгөйдү чечүүгө комплекстүү мамиле жасамайынча борбор калаа мурдагыдай эле ышка чөмүлүп кала берерин кошумчалаган.

БИШКЕК, 18-дек. — Sputnik. Премьер-министрдин милдетин аткаруучу Артем Новиков Бишкек шаарындагы экологиялык абал боюнча жыйын өткөрдү. Бул тууралуу өкмөттүн маалымат кызматы кабарлады.

Новиков абага жылуулук электр борборунан чыккан зыяндуу заттар боюнча сөз кылган.

"Белгилүү маалыматтар боюнча, абадагы зыяндуу заттардын 20 пайызы Бишкек ЖЭБине туура келет. Так санды эч ким айтып бере албайт. Ошол эле учурда былтыр күз-кыш мезгилинде ташылып келинген көмүрдүн сапатынын талапка жооп бербегендиги үчүн санкциялар 14 миллион сомду түзсө, быйыл үч айда ал 68 миллион сомго жетти. Мунун бардыгын борбордук ЖЭБ жагууда. Тийиштүү органдардын өкүлдөрүнө ыкчам тартипте Бишкек ЖЭБди газга өткөрүү мүмкүндүгү боюнча тийиштүү эсептөөлөрдү аткаруусун тапшырам. Эгерде көмүргө жана газга карата чыгымдар салыштырмалуу бирдей болсо, анда бул маселени тез арада чечүү керек", — деген өкмөт башчынын милдетин аткаруучу.

Ал көйгөйдү чечүүгө комплекстүү мамиле жасамайынча борбор калаа мурдагыдай эле ышка чөмүлүп кала берерин кошумчалаган.

Суук жана ЖЭБден чыккан булганыч чаңдар менен мешке от жагуу Бишкектин асманын калың тумандын капташына себеп болду.
© Sputnik / Акылбек Батырбеков , Табылды Кадырбеков
"Бир нече жылдан бери борбордун экологиясына таасир эткен факторлор талкууланып келет. Бул боюнча тармактык мамлекеттик органдын маалыматтары ар башка. Так маалымат жок. Бүгүнкү күндө жалпы талдоо абанын булгануусу ченемден бир нече эсе ашып кеткендигин көрсөтүүдө. Ошол эле учурда 2019-жылдын январь айында бекитилген экологиялык абалды жакшыртуу программасынын 40 пунктунун ичинен үч пункту гана аткарылды, бирок бул шаардын экологиялык абалына түздөн-түз таасир этпейт", — деди Новиков.

Кеңешменин жүрүшүндө Бишкек шаарынын мэриясына от казандарды газга өткөрүү, таштанды полигонундагы ылгоочу линияларды куруу маселесин чечүү, комплекстүү жашылдандыруу программасын ишке ашыруу тапшырмалары берилген.

Кеңешменин жыйынтыгында экологиялык тазалоо боюнча механизмдердин планын толуктап иштеп чыгып, келерки жумада бекитүү сунушталды.

327
Белгилер:
Бишкек, ЖЭБ, экология, кыш, Газ, жылытуу маалы, сунуш
Тема боюнча
Саясаттан алаксыңыз. Кышкы Бишкектин керемет видеосу
Эртең мененки жана күндүзгү Бишкектин чочуткан көрүнүшү. Видео
Медициналык кызматкер шприцке COVID-19 каршы вакцинаны алып жатат. Архив

Ашказан-ичеги оорусу барлар вакцина алса болобу? Адистин жообу

31
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.

БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.

Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.

"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.

Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.

31
Белгилер:
кеңеш, дарыгер, эмдөө, коронавирус
Тема:
Дүйнөгө жайылган коронавирус
Тема боюнча
ДССУ башчысы коронавирус пандемиясын согуш менен салыштырды
"Спутник V" Pfizer вакцинасын озду. Аны дүйнөдө 45 мамлекет жактырды
Окумуштуу: эмдөө карылыкты токтотууга жардам берет
Жоогазындар. Архив

8-мартка карата аба ырайы

71
7-марттан 9-мартка чейин күтүлүп жаткан жаан-чачынга байланыштуу республиканын тоолуу райондорунун жолдоруна кар көчкү түшүп, күрткү пайда болушу мүмкүн.

БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.

Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.

Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.

71
Белгилер:
Кыргызстан, март, аба ырайы
Тема боюнча
Автоунаа ээлери, абайлагыла. Аба ырайы боюнча шашылыш билдирүү
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат