Тапанча кармаган киши. Архивдик сүрөт

Ош облусунда ок атуучу куралга уруксат берүү токтотулду

Мындай чечим президенттик шайлоо алдындагы өнөктүккө байланыштуу коомдук тартипти камсыздоо жана укук бузууларды болтурбоо максатында кабыл алынган.

БИШКЕК, 22-дек. — Sputnik. Ош облусунун аймагында ок атуучу куралга уруксат берүү убактылуу токтотулду. Бул тууралуу облустук милициянын маалымат кызматы билдирди.

Мындай чечим мөөнөтүнөн мурда өтүүчү президенттик шайлоо алдындагы өнөктүккө байланыштуу коомдук тартипти камсыздоо жана укук бузууларды болтурбоо максатында кабыл алынган.

"ИИМдин 11-декабрдагы буйругуна ылайык, Ош ОИИБдин коомдук коопсуздук кызматынын лицензия берүү тобунун кызматкерлери жер-жерлердеги милициянын аймактык тескөөчүлөрү менен биргеликте каттоодо турган ок атуучу куралы бар жарандарды, жеке күзөт агенттиктерин жана жардыруучу заттарды сактаган мекемелерди текшерүү иштерин жүргүзүп жатышат. Бүгүнкү күнгө карата облус аймагындагы 552 мергенчиликти сүйүүчү, 61 өзүн-өзү коргоого багытталган куралдын ээлери, жети жеке күзөт агенттиги, эки жардыруучу заттарды сактаган мекеме жана эки курал сатуучу дүкөн текшерилди", — деп айтылат маалыматта.

Текшерүүнүн жүрүшүндө ок атуучу куралды сактоо эрежесин жана каттоо мөөнөтүн бузгандыгы үчүн 39 жаранга протокол түзүлгөн. Мындан сырткары, мыйзамсыз сакталган бир даана сайлуу ок атуучу курал алынып, Кылмыш жана жоруктардын бирдиктүү реестрине катталып, сотко чейинки өндүрүш иштери жүргүзүлүп жатат.

"Шайлоо өнөктүгү жүрүп жаткан учурда коомдук тартипти камсыздоо жана укук бузууларды болтурбоо максатында Ош облусунун жарандарына ок атуучу куралды сатып алууга уруксат кагаздарын берүү 2020-жылдын 15-декабрынан тартып токтотулду. Ал эми ок атуучу куралды жана ок-дары сатуучу аңчылык дүкөндөр 2020-жылдын 20-декабрынан тартып ишин токтотту", — деп белгиледи маалымат кызматы.

Милиция мындай текшерүү өкмөттүн токтомуна ылайык жүргүзүлгөнү, куралды мыйзамдын чегинде пайдалануу, сактоо эрежелери боюнча түшүндүрүү иштери жүргүзүлүп жаткандыгын, иш-чара 2020-жылдын 30-декабрына чейин жүргүзүлөрүн маалымдайт.

Белгилер:
коопсуздук, тартип, коомдук жай, сатуу, курал, милиция, Ош шаары
Тема:
Кыргызстандагы президенттик шайлоо – 2021 (195)
Тема боюнча
ИИМ: шайлоо алдында аймак жана улут аралык кастыкты козуткандар жоопко тартылат
Милиция: Бишкектеги курал саткан дүкөндө эки ирет жарылуу болгон
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:19 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн
Кыргызстандык делегация Россиянын Екатеринбург шаарында өткөн Жай - 2021 деп аталган туристтик көргөзмөсүнө катышты

Кыргызстандын өкүлдөрү Екатеринбургдагы туристтик көргөзмөгө катышты

(жаңыланган 14:04 19.04.2021)
Көргөзмөдө делегация мүчөлөрү Ысык-Көл аймагынын туристтик мүмкүнчүлүктөрү менен тааныштырып, ал катышуучулардын жана коноктордун кызыгуусун арттырды.

БИШКЕК, 19-апр. — Sputnik. Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты. Бул тууралуу өлкөнүн Тышкы иштер министрлиги кабарлады.

  • Стенд Кыргызской Республики на международной туристической выставке ЛЕТО-2021 в Екатеринбурге
    Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты
    © Фото / пресс-служба МИД КР
  • Стенд Кыргызской Республики на международной туристической выставке ЛЕТО-2021 в Екатеринбурге
    Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.
    © Фото / пресс-служба МИД КР
1 / 2
© Фото / пресс-служба МИД КР
Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты

Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.

"Делегация курамына өкмөттүн Ысык-Көл облусундагы өкүлү Элчибек Жантаев, Кыргызстандын Екатеринбургдагы башкы консулу Руслан Бийбосунов, Экономика жана финансы министрлигинин алдындагы Туризм департаментинин директору Самат Шатманов жана Ысык-Көлдөгү санаторийлердин өкүлдөрү катышты", — деп айтылат маалыматта.

Жарманкеде Ысык-Көл облусуна өзгөчө "Өнөктөш регион" статусу берилгени айтылат.

Иш-чарада делегация өкүлдөрү Ысык-Көл аймагынын туристтик мүмкүнчүлүктөрүн көрсөтүштү. Бул өз кезегинде катышуучулардын жана коноктордун кызыгуусун арттырды. Мындан сырткары, алар кызматташуу боюнча россиялык жана чет өлкөлүк кесиптештери менен көптөгөн жолугушууларды өткөрүп, бир катар макулдашуу жана келишимдерди түзүүгө жетишкен.

Иш-чарада Кыргызстандын көргөзмө павильону кызыктуу, мыкты жасалып, катышуучулар жана коноктор көп киргени айтылат. Аны Екатеринбург шаарында жашаган мекендештердин колдоосу менен Башкы консулдук жасаган. Келгендердин баары улуттук суусундуктардан, боорсок жана кургатылган жемиштерден ооз тийип кетишкен.

"Кыргыз делегациясы "Жай - 2021" эл аралык көргөзмөдө Челябинск облусунун туристтик чөйрөсү жана ири өнөр жай ишканаларынын профсоюзу менен жолугушууларды өткөрдү. Анын жыйынтыгы менен Екатеринбург – Тамчы (Ысык-Көл) авиакаттамын ачуу, кызматташуунун кошумча мүмкүнчүлүктөрү жана Кыргызстанга Россиянын Урал аймагынан туристтердин агымын арттыруу маселелери каралган", — деп айтылат билдирүүдө.

Көргөзмө Россиянын Федералдык туризм агенттигинин, Свердлов облусунун инвестиция жана өнүгүү министрлигинин, Россиянын туриндустрия союзунун колдоосу менен Урал туристтик ассоциациясы тарабынан уюшулду. Ага Кыргызстандан тышкары Армения, Болгария, Чехия, Хорватия, Малайзия, Израиль жана башка өлкөлөрдүн делегациялары катышкан.

Белгилер:
Ысык-Көл, катышуучу, көргөзмө, Екатеринбург, Россия
Тема боюнча
Кадыралиев: бизге туристтер көбүнчө Казакстандан жана Россиядан келишет
ТИМ башчысы КМШдагы кесиптештери менен маанилүү документтерге кол койду